เอเซเคียน 46:12 - ้พระคัมภีร์ละว้า

¹² เญือม ฮอยจ ทไว กซัต ยุฮ เปอะ โอเอีฮ ละ พะจาว ตัม รพาวม ฆวต ทไว แตะ, ปัง มัฮ ป ตอง อื ทไว เตือง ตัว อื ญุ่ก, ปัง มัฮ ป ทไว อื นึง ฆวต รโจะ ดิ อื รพาวม แตะ ไม่ อาึ ญุ่ก, ไมจ ปุย โปฮ โตะ รเวือะ ระ ป ไก ลวง ลั่ก โอก ซเงะ เซ ละ. ฟวยจ เซ ซ เลียก ทไว โอเอีฮ นึง อื ตัม ป กอ ยุฮ อื นึง ซเงะ ลโล่ะ เญือม ไฮญ โรฮ. เญือม เอีจ โอก อื ไมจ แม ปุย ซอง รเวือะ เซ ตอก ไพรม อื,” อัฮ เซ พะจาว.

เอเซเคียน 46:12 Referans Kwoze

เอเซเคียน 45:17

เญือม เอีจ มัฮ อื ซเงะ ชลอง ปุย เยอ, เญือม ฮาวก เคิ ญุ่ก, ซเงะ ลโล่ะ ทัมมด่า ญุ่ก, ป มัฮ กซัต เซ ซ ไจไซ โอเอีฮ ป ลัง ไมจ แตะ ทไว เซ. เฮงาะ รโกะ ญุ่ก, รอาวม อะงุน ญุ่ก, ซัตซิง ลัง ตอง อื ทไว เตือง ตัว อื ญุ่ก, ป ทไว อื แปน ควน โตฮ ปุย ฮา มั่ป ญุ่ก, ป ทไว อื เกือฮ แปน ควน รโจะ รพาวม แตะ ไม่ พะจาว ญุ่ก. โอเอีฮ เซ เยอ ซ แปน ควน รไซจ พิต โฌวะ ยุฮ โม อิซราเอน,” อัฮ เซ.

เอเซเคียน 46:8

เญือม เลียก กซัต นึง วิฮัน เนอ, ไมจ อื เลียก นึง ฮอง ป มัฮ คระ เซ. เญือม โอก อื ไมจ แม โรฮ อื โอก นึง คระ เลียก แตะ เซ โรฮ.

เอเซเคียน 44:3

มัฮ กซัต โน่ง ป โฮลฮ เลียก คระ โตะ รเวือะ ระ เซ ละ ซ โซม แตะ นึง ซองนา พะจาว. กซัต เซ ซ โฮลฮ เลียก นึง ฮอง ป มัฮ คระ เลียก โกะ แตะ ไอฮ เซ, ไม่ ซ โฮลฮ โรฮ อื โอก นึง คระ เลียก แตะ เซ โรฮ,” อัฮ เซ เนิ.

4 กซัต 29:31

ฟวยจ เซ กซัต เฮเซคียา อัฮ เฮี ละ โม ลัปซด่อน, “ปเลี่ย เฮี โม เปะ เอีจ ซง่ะ ไล เปอะ ละ พะจาว. ไมจ เปอะ เลียก ซดิ, โรวก ทไว ซัตซิง ละ พะจาว,” อัฮ เซ ละ อื. เญือม เซ โม ลัปซด่อน โรวก เนอึม อื ตอก เซ, ทไว โรฮ ควน ญันดี่ ไม่ พะจาว ง่อน. ไก แม ง่อน ป โรวก ซัตซิง ละ ซ ตอง แตะ ทไว เตือง ตัว อื ละ พะจาว นึง รพาวม ฆวต ทไว โกะ อื ไอฮ เซ.

3 โมเซ 23:38

ซเงะ ชลอง โม เซ เยอ, ตัง โน่ง ฮา ซเงะ ลโล่ะ ทัมมด่า. ป ทไว ปุย นึง อื ตัง โน่ง โรฮ ฮา ป ลัง ทไว ปุย เญือม ไฮญ. ตัง โรฮ ฮา ป เอีจ ซันญา ปุย อาึง ละ ซ ทไว แตะ, ไม่ ป ทไว ปุย ตัม รพาวม ฆวต ทไว แตะ โรฮ.

เอเฟโซ 5:2

ไมจ เปอะ ยุฮ โอเอีฮ ไม่ รพาวม ฮรัก แตะ ตอก ฮรัก พะคริต เอะ ไม่ โปง อื จีวิต แตะ รโตง เอะ. เญือม ยุฮ อื ตอก เซ เอีจ มัฮ ทไว อื ติ แตะ ละ พะจาว, ละ ซ เกือฮ อื แปน ป ซออย ฮงาื ละ อื, ไม่ ป ปุก เนอึม รพาวม อื.

นังซื รโปะ ปาวโล ละ คริตซจัก เวียง โรม 12:1

เอียกปุ, เญือม ง่อต ตอก เลียก พาวม พะจาว นึง แตะ ตอก เซ, อาึ ฆวต ปัว โม เปะ มอป โกะ ทไว ตัว แตะ ละ พะจาว, ตอก โอเอีฮ ทไว ปุย ละ พะจาว เตือง ไอม ลั่ง อื โฮ. มัฮ เซ ป ซง่ะ ซงอม ละ พะจาว ไม่ ป ปุก เนอึม รพาวม อื. มัฮ ตอก เซ ตอก นัปทื เนอึม เปอะ พะจาว ฮอยจ ละ รพาวม รโม่ยฮ แตะ.

เอซรา 6:17

นึง กัน ทไว อื วิฮัน ยุฮ พะจาว เซ, ปุย โม เซ โรวก ทไว โมวก โปก ติ รอย ตัว, ไม่ แกะ โปก ลอา รอย ตัว, ไม่ กวน แกะ ปาวน รอย ตัว. ป ทไว อื ละ ซ แปน ควน โตฮ โม อิซราเอน ติ แตะ ฮา มั่ป เตือง โอยจ อื เซ, มัฮ ปิ โปก กาว โรฮ ลอา ตัว ตัม เซน เจอ โม อิซราเอน.

เอซรา 3:5

ฟวยจ เซ มอก ตอง ทไว โอเอีฮ โครยญ ซเง่ะ ไม่ โครยญ ลลาึง เคิ ไม่ โครยญ เวลา ไก กัน ชลอง ปุย ไม่ ปุ แตะ ละ ทื แตะ พะจาว. เกือฮ โรฮ ปุย ทไว พิเซต อื ตัม รพาวม ฆวต ทไว แตะ ละ พะจาว.

เอซรา 1:4

โม ป มัฮ ลั่ง ปุย ไน พะจาว ปัง อาวต นา ออฮ นา เอีฮ ญุ่ก, ดัฮ ไก ป ตองกัน ปุย เรอึม แตะ นึง กัน ซ เอีญ อื ฮอยจ นึง เมือง แตะ เซ, เกือฮ เอิน ปุย ย่วง อาวต อื เซ เรอึม. ไมจ อื เกือฮ ไคร มาื ละ ไม่ จลิต คอง กิน ไม่ ซัตซิง ละ ซ ตัง อื โรวก โอเอีฮ นึง อื. ไมจ โรฮ อื เกือฮ ไม่ โอเอีฮ ละ ซ ทไว อื ละ พะจาว ตัม รพาวม ฆวต ทไว แตะ นึง วิฮัน ป ไก นึง เวียง เยรูซาเลม เซ,” อัฮ เซ รซอม กซัต เซ.

4 กซัต 5:6

เญือม เซ กซัต ซาโลมอน ไม่ ปุย เมาะ ป ฮอยจ โพรม เคะ อื ป อาวต ลั่กกา ฮิต ลปุง ซันญา เซ, โรวก ทไว แกะ, โมวก, โฮวน เอิน ปอ โอ ปุย เญือะ โอยจ เมีญ เมาะ ไก อื.

3 กซัต 29:21

ปวยฮ พริ เซ แม, โม ป ฮอยจ โพรม เซ โรวก ตอง ทไว ซัตซิง ละ พะจาว. ป โรวก อื ตอง ทไว เซ มัฮ โมวก โปก 1,000 ตัว, แกะ โปก 1,000 ตัว, กวน แกะ แม 1,000 ตัว. ทไว แม โรฮ อื ไม่ รอาวม อะงุน ไม่ โอเอีฮ ไฮญ โฮวน เจือ. ซัตซิง ทไว อื เซ มัฮ โรฮ ทไว อื รโตง โม อิซราเอน เตือง โอยจ อื โรฮ.

1 กซัต 3:4

ติ โฮน อื ซาโลมอน ฮาวก ย่วง กิเบ่โอน ละ ซ ตอง แตะ ทไว โอเอีฮ ละ พะจาว. คัน ทไว นึง ย่วง เซ มัฮ ก ระ ไล อื ฮา ก ไฮญ. ซาโลมอน กอ ตอง ทไว ซัตซิง นึง คัน เซ ติ ติ โฮน แปน เปือน ตัว เอิน.

4 โมเซ 29:39

เญือม ไก กัน เลียง ปะจัม ยุฮ เปอะ ไมจ เปอะ ทไว โอเอีฮ โม เฮี ละ พะจาว. ซัตซิง ตอง เปอะ ทไว, เฮงาะ รโกะ ทไว เปอะ, รอาวม อะงุน ไม่ โอเอีฮ ทไว เปอะ ละ ซ รโจะ ดิ เปอะ รพาวม แตะ ไม่ พะจาว. โนก ฮา เซ มัฮ แม ป ทไว เปอะ ตัม รพาวม ฆวต ทไว แตะ, ไม่ ป ทไว เปอะ ตัม ป ซันญา เปอะ อาึง. อัฮ เซ.

3 โมเซ 7:16

“ดัฮ ไก ป ฮอยจ ทไว โอเอีฮ ละ ซ รโจะ อื รพาวม แตะ ไม่ พะจาว เยอ, ทไว อื ตัม ป ซันญา แตะ ญุ่ก, นึง รพาวม ฆวต ทไว โกะ แตะ ไอฮ ญุ่ก, ป ทไว อื เซ เกียฮ โซม ปอน อื เน่อึม ซเงะ เซ, ฮอยจ ละ ซเงะ ติ อื โรฮ.

3 โมเซ 1:3

“ดัฮ มัฮ โมวก ป โรวก ปุย ตอง ทไว ละ พะจาว เยอ, ไมจ อื เลือก โรวก ทไว ป โปก อื, ไม่ โอ อื ไก ตอก โละพริ เญี่ยะ เนอึม. เกือฮ เมือะ โรวก อื ฮอยจ นึง โตะ รเวือะ พากัง ระ เซ, เดอึม ปุย เซ ซ แปน ปุย ปุก รพาวม พะจาว ฆาื.

เอเซเคียน 44:1

ฟวยจ เซ ปรเมะ เซ ตาว แม อาึ ฮอยจ ละ โตะ รเวือะ ระ ลวง ก พริ วิฮัน ป นา ลวง ลั่ก โอก ซเงะ เซ. รเวือะ เซ เยอ ซอง ลั่ง.