เอเซเคียน 4:2 - ้พระคัมภีร์ละว้า

² ฟวยจ เซ ไมจ เปอะ ยุฮ ควน ตอซู ไม่ ปุย นึง ไม่ เวียง เซ. โก โรฮ เตะ โม นึง รวิต อื ละ แปน อื ก โกว โม ตฮัน. ฟวยจ เซ ยุฮ โรฮ คระ ฮาวก ปุย ละ ซ เม่าะ โม ป ตอซู ไม่ เวียง เซ นึง. ตัง โรฮ ไคะ นึง รวิต อื, ยุฮ แม ไม่ ควน โปยญ ปุย ฆรุง เวียง เซ ละ ซ เกือฮ อื ไลจ เญื่อฮ โครยญ ลวง.

เอเซเคียน 4:2 Referans Kwoze

เอเซเคียน 21:22

นึง เตะ ดอม อื เซ โซวต ตี ทนู, ปุก ป ไก เคืองไม เยรูซาเลม นึง, ละ ซ โฮลฮ อื โฮว โบลวง อาึง ควน โดวง ปุย รเวือะ เมือง นึง อื, ไม่ เกือฮ อื ปุย ครอฮ ละ ซ โฮว รุป แตะ, ไม่ เกือฮ อื โบลวง อาึง ควน โปยญ ฆรุง เวียง ไม่ โก อื เตะ ละ รวิต เวียง เซ.

เยเรมี 6:6

พะจาว กุม ตฮัน มะลอง อัฮ อื ละ กซัต โม เซ ตอก เฮี, “ฆู แปฮ โคะ โบ เวียง เซ. ยุฮ ฮัง ระ ฮลาวง เงอ ละ ซ โปยญ เปอะ เวียง เยรูซาเลม นึง. เวียง เฮี เอีจ นาวก นึง กัน โคมเฮง คา เคียน ปุย. อาึ ซ เกือฮ ลอก ตุต ฆาื อื.

เยเรมี 52:4

เนบู่คัตเนซา เซ โรวก เอิน โม ตฮัน ยุฮ แตะ ละ ซ ตอซู อื ปุ แตะ ไม่ ปุย เวียง เยรูซาเลม ฆาื อื. แวต เอิน เวียง เซ. โก แม เตะ แปน แปน โม อื ละ ซ เกือฮ อื แปน ก โปยญ แตะ เวียง เซ นึง. เญือม เซ ปุก เญือม เอีจ โฮลฮ เซเด่คียา เซ แปน กซัต ซไตม เนอึม ไปล กาว เคิ ไม่ กาว ซเงะ.

2 ซามูเอน 20:15

โม ตฮัน ป อาวต ไม่ โยอัป เซ โฮว ฮอยจ นึง ย่วง อาเบ่น แควน เบ่ตมาอาคา เซ. ปุย โม เซ โฮว อาวต แวต ย่วง เซ, ยุฮ คระ ฮาวก แตะ นึง เฆียง ฆรุง ย่วง เซ, ไม่ กาวง อื เตะ ลวง ฆรึม ฆรุง เซ ละ ซ เกือฮ อื ฆรุง เซ ลเลอึม.

เยเรมี 33:4

อาึ ป มัฮ เยโฮวา พะจาว ยุฮ อิซราเอน ซ รโฮงะ ไลลวง เญือะ ปุย นึง เวียง เฮี เตือง เญือะ ยุฮ กซัต นึง อื, ป มัฮ เญือะ เอีจ เญื่อฮ ปุย โฮวน ลัง นึง เพรียง แตะ เวียง เซ ละ ซ ตอซู แตะ ไม่ โม บ่าบี่โลน. ดัฮ ปุย เอีจ ตอซู เนอึม ปุ แตะ โฮ, โม บ่าบี่โลน เซ ซ ยุฮ ยุม ไม่ ปุย โฮวน ปอ นาวก เญือะ โม เซ นึง ป ยุม เอิน. มัฮ อาึ ป ซ เกือฮ อื ยุม ตอก เซ นึง รอก ลัมเลือ พาวม อาึ นึง. อาึ เญือะ ปุน แลน โตว เวียง เฮี ฆาื กัน ฆอก กัน เบร โครยญ เจือ ป ยุฮ ปุย นึง อื.

เอเซเคียน 5:2

เญือม เอีจ มัฮ อื ซเงะ กุม เปอะ ยุฮ แพป แตะ แวต ฮุป เวียง เซ เยอ, ฮาึก เปอะ ตา ติ ปุน อื เซ ไมจ เปอะ โตก กไน ฮุป เวียง เซ. ฮาึก เปอะ ตา ติ ปุน อื เมี่ยก ปุ โฮว นึง วิจ. กูแก ฮุป เวียง เซ ไม่ ปอ ไคว อื. ฮาึก เปอะ ติ ปุน อื เซ แม เกือฮ กาื แพรฮ ปอ ปอย อื. เญือม เซ อาึ ซ ลวต วิจ แตะ, ซ โฮว อาื มอก.

ด่านีเอน 11:15

ฟวยจ เซ กซัต เมือง ซีเรีย เยอ ซ ฮอยจ แวต เอิน เวียง ระ เวียง ตอน ยุฮ โม อียิป เซ. ซ โก เตะ รวิต อื ละ ซ ตอซู แตะ ไม่ เวียง เซ. เญือม เซ ซ ปุน เวียง ระ เวียง ตอน ยุฮ อื. โม ตฮัน เมือง อียิป เซ ปุน ตอซู โตว ไม่ อื. ปัง มัฮ โม ตฮัน ตึก นึง เกง แตะ นึง อื ปุ โรฮ ปุน ตอซู ไม่ อื.

อิซยา 22:7

ป มัฮ โตะ โลก ตัม ฆุง ป กอ ไมจ ป ซมา ลโลวง ปุย นึง, นึง เมือง ยูด่า เซ. เอีจ นาวก เอิน นึง เลาะ รุป เซิก, โม ตฮัน บุก บรอง เอีจ เดี่จ เอิน ติ แตะ นึง โบ โตะ รเวือะ เวียง เยรูซาเลม.

เยเรมี 32:24

“แลน เซ, ฮัน ฮลาวง ป ยุฮ ปุย ละ โปยญ อื เวียง เฮี เอีจ รวิต เอิน เวียง. กัน รุป เซิก ไม่ กัน ไปลญ เออึป ไม่ พาญัต ฆอก ซ เกือฮ เวียง เฮี จัมเปน อาวต ฆรึม อัมนัต โม บ่าบี่โลน เซ. เมาะ ป อัฮ เปอะ อาึง เซ เอีจ เกิต เนอึม ตอก อัฮ เปอะ ตอก ยุ เปอะ ปเลี่ย เฮี.

เอเซเคียน 21:27

ไลจ โลม, ไลจ โลม, อาึ ซ เกือฮ เวียง เซ ไลจ โลม แกล เอิน. เญาะ ซ ไก โตว ป เฌาะ เพรียง กา เฆียง ฮอยจ ปุย ป โปง ไม่ โฮลฮ แตะ ตัตเตียง เวียง เซ. เญือม เซ อาึ ซ มอป ละ ปุย เซ,” อัฮ เซ.