เอเซเคียน 29:8 - ้พระคัมภีร์ละว้า

⁸ “ ปเลี่ย เฮี อาึ ป มัฮ พะจาว เยโฮวา รโฮงะ ไลลวง ซ เกือฮ แตะ ปุย ฮอยจ ตอซู ไม่ เปอะ ฆาื อื. ซ มอก ปะ เกือฮ ยุม, เตือง ปุย เตือง ซัตซิง ยุฮ เปอะ.

เอเซเคียน 29:8 Referans Kwoze

เอเซเคียน 14:17

“ติ เจือ อื แม, ดัฮ อาึ เกือฮ ปะเทต เซ เกิต กัน รุป นึง, ไม่ เกือฮ เยอะ โกว เครอึง รุป ป แปน ควน ยุม ยุฮ ปุย ไม่ ซัตซิง อาวต นึง อื เตือง โอยจ อื โฮ,

เอเซเคียน 30:10

พะจาว เยโฮวา อัฮ เฮี, “อาึ ซ โกว กซัต เนบู่คัตเนซา เมือง บ่าบี่โลน ละ ซ เกือฮ แตะ คาวคอง โฮวน นึง เมือง อียิป เซ ไลจ โอยจ เอิน.

เอเซเคียน 30:4

เญือม เซ ซ เกิต กัน รุป เซิก นึง เมือง อียิป. ซ เกิต เม่ะมั่ก ซักคระ นึง เมือง เอทิโอเปีย. โม อียิป ซ ยุม ฆาื อื โฮวน. โม ตฮัน ซ ฮอยจ ซะเต โอเอีฮ นึง เมือง อื. เมือง เซ ซ ไลจ โลม ฮอยจ นึง เน่อึม นึง กาวะ แตะ.

เอเซเคียน 25:13

อาึ ป มัฮ พะจาว เยโฮวา รโฮงะ อาึง ละ ซ เกือฮ เนอึม แตะ โม เอโด่ม ลอก ตุต ฆาื อื. ซ เกือฮ โม ป อาวต นึง เมือง อื เซ ยุม, เตือง ปุย เตือง ซัตซิง นึง อื เตือง โอยจ อื. ซ เกือฮ เมือง เซ แปน เมือง ฮัง, เน่อึม นึง เวียง เทมัน ฮอยจ นึง เวียง เด่ดั่น. ปุย นึง อื ซ ยุม นึง กัน รุป เซิก.

เยเรมี 32:43

ปเลี่ย เฮี ปุย กัมลัง อัฮ เมือง เฮี ซ แปน เยือ ลาึน ซออฮ ไม่ โอ อื เญาะ ซ ไก ปุย นึง. ซัตซิง นึง อื ปุ โรฮ เญือะ ซ ไก, นึง เอีจ มอป พะจาว อื ละ โม บ่าบี่โลน. ปัง มัฮ ตอก เซ ซ ไก แม ติ ซเงะ เญือม ซ รวี ปุย ชิจ ม่า นึง ปุ แตะ นึง เมือง เฮี. ปุย ซ รวี พริ เตะ เบระ เบรอึม นึง ปุ แตะ. ซ ไซฮ มอยฮ แตะ นึง นังซื ชโนต, ไม่ ปุฮ อื ทา อื ไม่ เกือฮ อื ปุย แปน พีญัน อื ตัม ไล อื. โอเอีฮ ไล เซ ซ เกิต นึง แควน เบ่นยามิน ไม่ ย่วง แตวะๆ รวิต เวียง เยรูซาเลม ไม่ ย่วง ระ ย่วง แตวะ นึง แควน ยูด่า, ฮอยจ ละ นึง บลาวง ไม่ ตู เตียม ไม่ นึง เนเกป นึง อื. อาึ แจง ซ เกือฮ ปุย โฮลฮ อาวต ไมจ มวน แม ตอก ไพรม แตะ,” อัฮ เซ พะจาว.

เยเรมี 7:20

มัฮ เซ ป อัฮ พะจาว เยโฮวา ฆาื อื ตอก เฮี, “อาึ ซ รอก พาวม นึง เปอะ. รพาวม ฮาวก อาึ ซ แปน ตอก งอ โฮ. ซ เกือฮ ราื นึง วิฮัน เฮี. ซ ฮอยจ ตื ละ ปุย ไม่ ซัต ไม่ ซิง ไม่ โคะ เอาะ ไม่ ป ซมา ปุย เตือง โอยจ อื. ซ มัฮ งอ กอยจ ลอป โอ เญือะ เกียฮ ญึ่ต.

2 โมเซ 12:12

พะจาว อัฮ โรฮ เฮี, “ซาวม เซ อาึ ซ โฌ เลี่ป เมือง อียิป. ซ ยุฮ ยุม ไม่ กวน รเมะ โรง ปุย ไม่ กวน โรง ซัตซิง ยุฮ อื, โครยญ เญือะ โครยญ ม่า. อาึ ซ ตัตซิน โม พะ โม จาว ป ทื โม อียิป เกือฮ ลอก ตุต เตือง โอยจ อื. อาึ มัฮ เยโฮวา.

1 โมเซ 6:7

พะจาว อัฮ เฮี, “อาึ ซ ยุฮ ไลจ ไม่ ปุย ยุฮ แตะ เฮี, เตือง ปุย เตือง โกะพริ โกะย่วง, เตือง ไซม ไล่ ไม่ ซัตซิง โฮว ลังเตะ โครยญ เจือ. ซ เกือฮ ไฆร ฮา ปลัฮเตะ เตือง โอยจ อื นึง ไกลฮ แฮะ นึง ยุฮ แตะ โอเอีฮ โม เฮี,” อัฮ เซ.