เอเซเคียน 28:5 - ้พระคัมภีร์ละว้า

⁵ เอีจ กอย เนอึม เปอะ เบือ เกง เปอะ นึง กัน กาไค แตะ. เคียง กอย ลอน เปอะ ตอก เซ รพาวม เปอะ เกียฮ ฮุน ลัมเลือ ฆาื อื.”

เอเซเคียน 28:5 Referans Kwoze

ลืลาว 62:10

โอเอีฮ ป โฮลฮ เปอะ นึง ไกป นิป เปอะ ปุย เซ, ปุ อาึง รพาวม เปอะ นึง. โอเอีฮ ป โฮลฮ เปอะ นึง ซะ เต เปอะ ปุย เซ, ปุ โรฮ ซโอว รพาวม ไม่ โรฮ. ดัฮ เปอะ โฮวน คาว โฮวน คอง ยุฮ ปุๆ โฮ, ไมจ เปอะ โตว โรฮ อาึง รพาวม แตะ นึง โอเอีฮ โม เซ.

ลืลาว 52:7

“แก แลน เมอะ ปุย โอ ญอม เกือฮ พะจาว แปน ตัว เปิง แตะ เซ. เอีจ มัฮ อาึง อื รพาวม แตะ นึง คาวคอง โฮวน ยุฮ แตะ, ซาวป ยุฮ กัน ฆอก กัน เบร นึง แกต อื ติ แตะ ซ โฮลฮ เปิง คาวคอง ยุฮ แตะ เซ.”

โฮเชยา 13:6

โม เปะ เมือต เปอะ เอีจ ฮอยจ นึง นาตี ไมจ, ไม่ โฮลฮ เปอะ โซม ซัก กุก เตือ นึง เซ, ปังเมอ เกือฮ เอิน เปอะ ติ แตะ เกียฮ ฮุน, ไม่ เบีย เยือ เอิน เปอะ อาึ.

เอเซเคียน 28:2

“ปะ ป มัฮ ปุย ปลัฮเตะ เอ, ไมจ เปอะ รโฮงะ รซอม เฮี ละ กซัต เมือง ไทระ. เฮี มัฮ ลปุง พะจาว เยโฮวา, ปะ เกียฮ ฮุน ลัมเลือ เปอะ. อัฮ เปอะ ติ แตะ มัฮ พะจาว ติ โตน. อัฮ เปอะ ติ แตะ งาวม บั่กบ่วน ปลัฮ รอาวม นึง ก งาวม พะจาว. ปะ ปังเมอ มัฮ เปอะ ปุย ปลัฮเตะ. ปัง เคียต เปอะ อัฮ ติ แตะ เฮียง ตอก พะจาว ญุ่ก มัฮ เปอะ โตว พะจาว.

ซตอกรเง่อึม 11:28

ป อาึง รพาวม แตะ นึง ไคร มาื ยุฮ แตะ ซ ตอก เยือ โคะ ตูไต ฮัต ฮละ โฮ. ปุย ซืไซ ปังเมอ ซ จเลิน ตอก โคะ เกลอึม ฮละ โฮ.

1 ทิโมที 6:17

ไมจ เปอะ ซตอก โม ป กอย นึง ปลัฮเตะ เฮี เกือฮ โอ เกียฮ ฮุน, ไม่ เกือฮ เปอะ โอ ซโอว รพาวม ไม่ คาวคอง โอ แจง โอ แน แตะ เซ. ฮา เซ ไมจ อื ซโอว รพาวม ไม่ พะจาว ป เกือฮ โอเอีฮ ละ เอะ โครยญ เจือ ไม่ รพาวม ซเปือฮ แตะ, ไม่ เกือฮ อื เอะ โฮลฮ รพาวม มวน แตะ นึง.

นังซื รโปะ ปาวโล ละ คริตซจัก เวียง โรม 12:16

ไมจ เปอะ เกือฮ ติ เปอะ ไก รพาวม ติ โดฮ ไม่ ปุ แตะ. ปุ ทื ลอน ติ เปอะ. ไมจ เปอะ ญอม ยุฮ กัน ตุเตียม. ปุ แกต ติ เปอะ มัฮ ป เฮียง ลอน.

ด่านีเอน 4:37

ปเลี่ย เฮี, อาึ ป มัฮ เนบู่คัตเนซา เยอ, ปัว ลืลาว พะจาว, ปัว วุฮ ระ จอง ฮลาวง ไม่ ปัว ทไว โญตซัก ละ กซัต ป ตึก นึง ระ แตะ ป อาวต เมือง มะลอง เซ. กัน ยุฮ อื มัฮ เนอึม ป ปุก ป ลอก โครยญ เจือ. คระ โครง ยุฮ อื มัฮ เนอึม ป ซื ป ไซ. โม ป อวต ติ แตะ พะจาว เกียฮ เกือฮ อื แปน ปุย ตุ ปุย เตียม,” อัฮ เซ.

อิซยา 5:21

โม ป อัฮ ติ แตะ เฮียง แกต ติ แตะ ไมจ กัมกึต ซ ลอก ป โอยจ นึง โซะ แตะ ฆาื อื.

ซตอกรเง่อึม 26:12

อัม ยุ เปอะ ง่อน ป แกต ติ แตะ เฮียง ไม่ อวต อื ติ แตะ ยุง โอเอีฮ ฮี? ปุย งาว ปุย ไงญ ฌักแฟน ลั่ง ฮา ปุย ตอก เซ.

เซคาริยา 9:3

ปุย เวียง ไทระ เอีจ ยุฮ ฆรุง เวียง อาวต แตะ เกือฮ ตอน ฮมัน. รโจะ อาึง มาื ไคร ยุฮ แตะ แปน กอง แปน กอง แตะ, แปน ป ทัมมด่า ละ อื เมาะ รกาื นึง ตะโบรก โฮ.

ด่านีเอน 4:30

เญือม เซ กซัต เซ อัฮ เฮี, “เวียง บ่าบี่โลน ป ตึก นึง คึ แตะ เฮี มัฮ เนอึม ป ยุฮ อาึ เบือ อัมนัต ระ ยุฮ แตะ. มัฮ ละ ซ เกือฮ แปน ก อาวต แตะ ไม่ แปน อื โญตซัก ระ เนอึม ละ แตะ,” อัฮ เซ.

เอเซเคียน 16:49

“ง่อต แลน, มัฮ เฮี ป มัฮ กัน ฆอก ยุฮ ปุ เปอะ ป มัฮ โซโด่ม ไม่ โม กวน รโปวน อื เซ. มัฮ กัน อวต ติ แตะ, อาวต ไม่ โซม ซัก กุก เตือ โซม ซนุก กุก ซไบ่ แตะ, ปังเมอ โอ เรอึม โม ป ตุก ป ญัก ไม่ โม ป วิต โซม ม่อยญ จัน เฟือฮ.

อิซยา 23:8

เมือง ไทระ เฮี มัฮ เนอึม เมือง ระ เมือง คึ. ป แปน ปอกา นึง เมือง เฮี เอีจ มัฮ เอิน โม จาวไน นึง อื. มัฮ เนอึม ปุย ไก มอยฮ ป โฮลฮ ปุย ติ ปลัฮเตะ นัปทื เตือง โอยจ แตะ. มัฮ ปุย ป ไก แพนกัน ยุฮ ละ ซ เกือฮ อื เมือง เฮี ไลจ เจอ?

อิซยา 23:3

โม เปะ เอีจ โฮว เตือง เนอึม เปอะ ปลัฮ รอาวม ละ ซ รวี แตะ เฮงาะ นึง เมือง อียิป, ไม่ เอีจ กาไค เปอะ ไม่ ปุย เมือง ไฮญ โฮวน เมือง.

ซตอกรเง่อึม 30:9

ดัฮ โฮลฮ โฮวน ฮา เซ อาึ ฮลัต ติ แตะ ซ อัฮ โอ เญือะ จัมเปน เปิง ปะ ฆาื อื. ดัฮ ตุก ลอน โฮ, อาึ ฮลัต โรฮ ติ แตะ บระ ฆาื. ดัฮ บระ โฮ ซ แปน ควน ไลจ มอยฮ ปะ ป มัฮ พะจาว ยุฮ ฮุ ฆาื อื.

4 กซัต 25:19

ปะ เอีจ ปุน เป เนอึม เปอะ โม เอโด่ม เนอึม, อวต ลื เอิน เปอะ ติ แตะ ฆาื. อาวต ไมจ อาวต มวน ฮา นึง เญือะ ยุฮ เปอะ. เมอยุ ซาวป ลั่ง เปอะ คิต ง่อต ปไฮะ ปฮอน ละ ซ แปน อื ควน ไลจ ยุฮ โกะ เปอะ ไม่ โม ลัปซด่อน ยุฮ เปอะ?” อัฮ เซ ละ อื.

เยเรมี 49:4

โม เปะ ปุย โอ เนอึม รพาวม เมอ, เมอยุ อวต เปอะ เรียง แด่น โกะ เปอะ เซ? เรียง เปอะ เซ ซ รมัฮ ปุ ปุ. เอีจ อาึง เปอะ รพาวม แตะ นึง โอเอีฮ ไมจ โฮวน เจือ ยุฮ เปอะ เซ. เอีจ อัฮ เปอะ ตอก เฮี, ‘ปุย ซ โรวต ฮอยจ ตอซู ปุ แตะ ไม่ เอะ เอ?’ อัฮ เปอะ ตอก เซ.”

5 โมเซ 8:17

มัฮ เซ ป ไมจ เปอะ แฮน ติ แตะ ฆาื อื ไม่ โอ เปอะ ไมจ อัฮ เฮี โตะ รพาวม แตะ, “มัฮ เบือ เรียง แด่น โกะ โอะ ไอฮ ป จเลิน เบือ อื เมาะ เฮี,” ไมจ เปอะ โตว อัฮ ตอก เซ.

2 กซัต 14:10

ปะ เอีจ ปุน เป เนอึม เปอะ โม เอโด่ม เนอึม, อวต ลื เอิน เปอะ ติ แตะ ฆาื. เกือฮ ปอ ละ เปอะ, เอีจ พรุ เอีจ เฮือ มอยฮ เปอะ เมาะ เซ เยอ. อาวต ไมจ อาวต มวน ฮา นึง เญือะ ยุฮ เปอะ. เมอยุ ซาวป ลั่ง เปอะ คิต ง่อต ปไฮะ ปฮอน ป ซ แปน ควน ไลจ ยุฮ โกะ เปอะ ไม่ โม ลัปซด่อน ยุฮ เปอะ เซ?” อัฮ เซ ละ อื.

ลืลาว 62:11

อาึ เอีจ ฮมอง อัฮ เลาะ อัฮ ลาึน พะจาว อื ตอก เฮี, อัมนัต อันนา เตือง โอยจ อื มัฮ ป ไก ไม่ พะจาว.

เอเซเคียน 28:17

รพาวม ปะ เกียฮ ฮุน ลอน ฆาื ไมจ ฮุนฮัง เปอะ. รังซเปีย คึนัก ยุฮ เปอะ เอีจ เปียน กัมกึต ไมจ เปอะ แปน รพาวม งาว ละ เปอะ ฆาื อื. อาึ วัต โปวฮ ปะ ฆาื อื ฮอยจ ลังเตะ. เกือฮ กซัต ปลัฮเตะ ยุง คิง แตะ เบือ เปอะ.

ด่านีเอน 11:12

กซัต เมือง อียิป เซ ฟวยจ พาวม นึง เป แตะ ไม่ ปุน ยุฮ แตะ ยุม ไม่ โม ตฮัน โฮวน เซ, ปังเมอ โอ เป เลี่ญ.