เอเซเคียน 21:30 - ้พระคัมภีร์ละว้า

³⁰ ไมจ เปอะ ซาึต แม วิจ เซ โตะ รเฆือง อื. อาึ ซ รเตีฮ โม เปะ นึง บั่นเมือง ก เกือฮ อาึ โม เปะ เกิต ไก นึง เซ.

เอเซเคียน 21:30 Referans Kwoze

เอเซเคียน 16:38

อาึ รเตีฮ ปะ เกือฮ ปะ ลอก ตุต แตะ ฆาื เลน เปอะ จุ ไม่ ยุฮ เปอะ ยุม ไม่ ปุย. อาึ ซ เปลีฮ รพาวม ฮาวก แตะ ละ เปอะ ไม่ รพาวม กุยจ วัว แตะ, ซ เกือฮ ปะ ลอก ตุต แตะ ปอ ยุม เอิน เปอะ.

1 โมเซ 15:14

ฟวยจ เซ อาึ ซ เกือฮ ปุย เมือง ป โฮลฮ อื แปน ครา นึง เซ ลอก ตุต แตะ. เญือม โอก โม จัตเจือ เปอะ ฮา เมือง เซ ซ โฮลฮ โรฮ โรวก คาวคอง ไมจ ไม่ แตะ โฮวน.

เอเซเคียน 28:15

บุน เอีจ ฟวยจ อื ปะ ดิ ไก โตว กัน พิต กัน โฌวะ ยุฮ เปอะ เฟือฮ เอิน, เน่อึม เญือม ซัง โรง อาึ เปอะ ฮอยจ ละ ซเงะ ยุ อาึ กัน พิต ยุฮ เปอะ เซ.

เอเซเคียน 28:13

ปะ อาวต เปอะ นึง รปึม เอเด่น ป มัฮ รปึม ยุฮ พะจาว. ปะ แง่ฮ เปอะ ติ แตะ นึง แกว ไมจ โครยญ เจือ, เตือง แกว ซครัก, แกว ซเงี, แกว ซงา, แกว ซลอง ไง่ แมว, แกว มาฮานิน, แกว รัง, แกว ตอง เนะ, แกว ซี ซูวัน ไม่ แกว พรุยฮ. แกว โม เซ อาวต นึง กวง ไคร. โอเอีฮ โม เซ เอีจ ไก ป เพรียง อาึง ละ เปอะ เน่อึม ซเงะ ซัง อาึ ปะ เกิต.

เอเซเคียน 25:5

อาึ ซ เกือฮ เวียง รัปบ่า แปน เยือ กังเด่น ละ เปือม อุต. เมือง อัมโมน เตือง ปะเทต อื ซ แปน โรฮ นาตี เลียง ปุย แกะ. เญือม เซ โม เปะ ซ ยุง เปอะ ฆาื อื มัฮ อาึ พะจาว เยอ,’ อัฮ เซ.

เอเซเคียน 12:10

เคียง ไฮมญ อื ตอก เซ ไมจ เปอะ รโฮงะ ซโตฮ ละ อื, มัฮ ลปุง เฮี ลปุง ระ ไล ยุฮ พะจาว เยโฮวา ป ฮอยจ ละ กซัต เวียง เยรูซาเลม, ไม่ ฮอยจ โรฮ อื ละ โม ลัปซด่อน ป อาวต นึง เวียง เซ เตือง โอยจ อื.