เอเซเคียน 20:40 - ้พระคัมภีร์ละว้า

⁴⁰ “นึง บลาวง ซัมคัน ยุฮ อาึ, ป มัฮ บลาวง ฮลาวง ยุฮ อิซราเอน เซ, โม เปะ ป มัฮ จัตเจือ โม อิซราเอน เตือง โอยจ เปอะ ซ รซอฮ เปอะ ละ อาึ นึง เมือง เซ. ซ แปน เปอะ ปุย ปุก รพาวม อาึ. อาึ ซ เกือฮ โม เปะ ตาว ป ทไว แตะ ละ อาึ ไม่ โอเอีฮ ทไว เปอะ ป ตึก นึง ไมจ แตะ, ไม่ โอเอีฮ ซัมคัน ป ลัง ทไว เปอะ เนิ เซ.

เอเซเคียน 20:40 Referans Kwoze

อิซยา 56:7

อาึ ซ ตาว ปุย โม เซ ฮอยจ นึง บลาวง ซง่ะ ซงอม ยุฮ แตะ, ไม่ ซ เกือฮ โฮลฮ อาวต นึง เญือะ ยุฮ แตะ นา ก ไววอน ปุย, ไม่ รพาวม บวยฮ บาึง แตะ. โอเอีฮ ป ตอง อื ทไว ไม่ โอเอีฮ ป ทไว ไฮญ อื ละ อาึ นึง คัน ยุฮ ฮุ เซ, ซ แปน ตื ป ปุก รพาวม เมอะ. วิฮัน ยุฮ อาึ เซ ปุย ซ อัฮ อื มัฮ นา ก ไววอน ปุย โครยญ เจือ ปุย.

มาลาคี 3:4

เญือม เซ โอเอีฮ ทไว ปุย เมือง ยูด่า ไม่ เวียง เยรูซาเลม เมอ ซ ปุก รพาวม พะจาว ตอก โอเอีฮ ทไว ปุย เจน ไพรม โฆะ ลั่ง โฮ.

อิซยา 60:7

โม แกะ ปิ เน่อึม นึง เมือง เคด่า ไม่ เมือง เนบ่าโยต เตือง โอยจ อื, ซ ไก ป ฮอยจ ตาว ละ เปอะ ละ ซ แปน อื ป โกว เปอะ นึง กัน ทไว เปอะ. เญือม ทไว ปุย อื นึง คัน ยุฮ พะจาว ซ แปน ป ปุก รพาวม อื. พะจาว ซ เกือฮ วิฮัน คึนัก ยุฮ แตะ เซ แปน ป รโอฮ รอัต ปุ ปุ.

1 เปโตร 2:5

โม เปะ มัฮ โรฮ เปอะ ตอก ซโมะ ไก จีวิต นึง โรฮ. ไมจ เปอะ เอีญ เคะ พะโองจาว เกือฮ โฮลฮ รโจะ โก โม เปะ เกือฮ แปน วิฮัน อาวต ลปุ พะจาว นึง. โม เปะ ซ โฮลฮ เปอะ แปน ซตุ ซง่ะ ซงอม ละ ซ ทไว แตะ โอเอีฮ ป เกว ไม่ รพาวม รโม่ยฮ แตะ, ตอก ปุก อื รพาวม พะจาว เบือ พะเยซูคริต.

ฮีบรู 13:15

ดัฮ มัฮ ตอก เซ, ไมจ เอะ ลืลาว ลอป พะจาว, ไม่ รโฮงะ เจือ แตะ พะเยซู ละ ปุย, เกือฮ แปน ป ทไว แตะ ละ พะจาว เบือ พะเยซู เซ.

เอเซเคียน 43:27

เญือม ยุฮ เนอึม โม ซตุ เซ โอเอีฮ ตัม ป ลัง ยุฮ แตะ ไน อาแลฮ ซเงะ เซ, เคียง ซเงะ ซเตะ นึง อื โฮว ไป นา เยอ, โม ซตุ เซ ไมจ ลอป อื ตอง ทไว ซัตซิง ละ พะจาว เตือง ตัว อื, ไม่ ทไว โรฮ อื ควน รโจะ ดิ ปุย รพาวม แตะ ไม่ พะจาว โรฮ. เญือม ยุฮ เปอะ ตอก เซ เยอ ซ แปน เนอึม ป ปุก รพาวม อาึ เบือ อื,” อัฮ เซ พะจาว เยโฮวา.

เอเซเคียน 17:23

อาึ ซ ซมา เยอะ นึง ไกญ บลาวง เมือง อิซราเอน, มัฮ เกือฮ เยอะ โอก ฆอย โคระ, ไม่ ซ เกิต โรฮ เปลิ อื, ไม่ ซ แปน อื โคะ โซน ซีด่า ป ไก โญตซัก. เญือม เซ ไซม โครยญ เจือ ซ ฮอยจ เปิง ฮลอง อื, ไม่ ซ ยุฮ โรฮ อื รฮมาวม แตะ นึง กัก อื.

อิซยา 66:23

ปุย โครยญ ปะเทต เตอ ซ ฮอยจ ไว ตื อาึ โครยญ ฮาวก เคิ, ไม่ โครยญ ซเงะ ลโล่ะ.

รโฮงะ 21:10

เตปด่า เซ ตาว อาึ เบือ ลปุ พะจาว ฮอยจ เปือง โม ฮลาวง ติ โดฮ. เปลีฮ เวียง ซง่ะ ซงอม ยุฮ พะจาว เซ เนิ ป มัฮ เวียง เยรูซาเลม ป กัมลัง เลีฮ เน่อึม เมือง มะลอง. มัฮ เลีฮ อื เน่อึม นึง พะจาว.

รโฮงะ 12:1

เญือม เซ ไก ป ซัมคัน ระ ไล นึง มะลอง. ไก ปรโปวน ติ ปุย. จาวป ฟุต ซเงะ. เคิ มัฮ ป อาวต ฆรึม ชวง อื. นึง ไกญ อื ไก ซโมยญ นึง กาว โรฮ ลอา โนง แปน วอม คึ ยุฮ อื.

มาลาคี 1:11

“เน่อึม นึง ลั่ก โอก ซเงะ ฮอยจ ละ ลั่ก เลียก ซเงะ เอ มอยฮ อาึ มัฮ ป ระ ไล ละ ปุย โครยญ เมือง. เอีจ ไก ป ทไว ป ซออย ฮงาื ละ อาึ อื ไม่ ป ซง่ะ ซงอม ละ ทื อื มอยฮ อาึ โครยญ โดฮ. มอยฮ อาึ อื มัฮ เนอึม ป ระ ไล ละ ปุย โครยญ เมือง,” อัฮ เซ พะจาว กุม ตฮัน มะลอง.

โอบ่าดี่ 1:16

โม ยูด่า เอีจ โฮลฮ ญุ รอาวม ซอง นึง บลาวง ซัมคัน ยุฮ ฮุ. เมือง ปุย ไฮญ ป อาวต รวิต รเวียง อื, ปังเมอ ซ โฮลฮ ญุ ป เรียง ซอง อื ฮา เซ แม. เญือม เอีจ ฟวยจ ญุ อื ซ ลอต เอิน ไลจ ไฆร ลอป ฆาื อื, ตอก เอิน ป โอ ดิ เกิต ไก เฟือฮ โฮ.”

เยเรมี 31:12

โม เซ ซ เอีญ, ซ โฮลฮ เชีย นึง บลาวง ซีโยน ไม่ ไมจ มวน รพาวม แตะ. ซ ฟวยจ พาวม นึง โอเอีฮ ไมจ ป ปละ ซาึต พะจาว ละ แตะ, เตือง เฮงาะ รโกะ, รอาวม อะงุน ไม่ ลออยฮ กาวก, เตือง แกะ, ปิ, ไม่ โมวก โครยญ เจือ. โม เซ ซ แปน ตอก รปึม ซัก นึง รอาวม โฮ. เญือะ ซ โฮลฮ โตว อาวม ตุก เปละ นัน พาวม แตะ.

อิซยา 66:20

ปุย โม เซ ซ นัม โม เอียกปุ อิซราเอน เปอะ เน่อึม โฮวน เมือง เกือฮ อื ฮอยจ นึง บลาวง ซัมคัน ไน เวียง เยรูซาเลม เซ. ซ ตาว อื นึง บรอง, ลอ, อุต, เลาะ รุป เซิก, ไม่ เลาะ ไฮญ ง่อน, ฮอยจ ทไว อื ละ พะจาว, ตอก โรฮ โรวก โม อิซราเอน ทไว เฮงาะ รโกะ โตะ รปัก รดู ซง่ะ ไล ละ พะจาว นึง วิฮัน ยุฮ อื.

ลืลาว 2:6

อัฮ เฮี, “อาึ เอีจ ดุฮ อาึง กซัต ยุฮ แตะ เกือฮ ตัตเตียง ปุย เน่อึม นึง บลาวง ซีโยน ป มัฮ บลาวง ซัมคัน ยุฮ ฮุ เซ,” อัฮ เซ พะจาว.

นังซื รโปะ ปาวโล ละ คริตซจัก เวียง โรม 8:23

มัฮ โตว โอเอีฮ ไฮญ นึง อื โน่ง. โม เอะ ป เอีจ โฮลฮ ลปุ พะจาว ป เกือฮ โรง อื รกา ป ไฮญ เซ, เอะ แงงัฮ โรฮ โฮะ. เอะ มอง เวลา เกือฮ พะจาว แตะ แปน กวน แตะ กุมปอ, ฮอยจ ละ ซ โฮลฮ โกะ เนอึม เอะ โปน ป โอ ไมจ โครยญ เจือ. ลไล มอง แตะ เวลา เซ เอะ แงงัฮ โตะ รพาวม โด่ะ แตะ นึง รกวน แตะ ยุ ฮอยจ เวลา เซ.

2 ซามูเอน 24:23

อาราวนา เซ เกือฮ เนอึม โอเอีฮ โม เซ ละ กซัต ด่าวิต โครยญ เจือ. อัฮ เฮี ละ อื, “ปัว เยโฮวา ป มัฮ พะจาว ยุฮ เปอะ รัป ป ทไว เปอะ เซ,” อัฮ เซ.

เอเซเคียน 17:22

พะจาว เยโฮวา อัฮ แม เฮี, “อาึ ซ ตุย ไอฮ กัก โคะ โซน ซีด่า เน่อึม นึง ปุยจ ฮลาวง อื ละ ซ ซมา แตะ. ซ โปวก กัก จัว อื, ซ ซมา เยอะ นึง เปือง โม ก ฮลาวง อื.

เอเซเคียน 28:14

อาึ เอีจ ดุฮ เตปด่า ไก โพรยจ เกือฮ แปน ป ซัมคัน ละ ซ เฆีญ ฆัง ดัง ดู ปะ นึง บลาวง ซัมคัน ยุฮ พะจาว. โฮลฮ เปอะ โฮว ซน่ะ ลลาึง แกว รัง ตอก งอ โฮ.

เอเซเคียน 40:2

อาึ ยุ บลอง เอิน ตาว พะจาว แตะ ฮอยจ นึง เมือง อิซราเอน. โรวก แม โรฮ อาึ ฮอยจ นึง เปือง โม ก ฮลาวง อื ติ โดฮ. เญือม เซ อาึ ชวน เนอะ ป ตอก เวียง ป โก ปุย ลวง ลั่กเซฮ ติ โดฮ.

เอเซเคียน 43:12

“ไลลวง โกตไม ป เกว ไม่ วิฮัน เซ มัฮ ตอก เฮี, เมาะ นาตี ป ไก นึง ไกญ บลาวง เฮี เตือง โอยจ อื มัฮ ตื ป ตึก นึง ซัมคัน แตะ. เอีจ มัฮ เซ ป มัฮ โกตไม ป เกว ไม่ ไลลวง วิฮัน เนอ,” อัฮ เซ.

เซฟันยา 3:11

ไน ซเงะ เซ โม เปะ ป มัฮ ปุย ไน อาึ ป กอ เลฮ เตียง อาึ เซ, เญาะ ซ โฮลฮ เปอะ โตว อาวต ไม่ โซะกิจ ปิญไง่ แตะ. เญือม เซ เมาะ ป อวต ลั่ง ติ แตะ อาึ ซ โครฮ เกือฮ โอก ฮา โม เปะ. โม เปะ เญาะ ซ โฮลฮ เปอะ โตว เกียฮ ฮุน ซองนา อาึ นึง บลาวง ซัมคัน ยุฮ ฮุ เซ.