เอเซเคียน 12:6 - ้พระคัมภีร์ละว้า

⁶ กลอม ปุ โฮว เครอึง โรวก เปอะ เซ นึง ซอังปา เปอะ, เกือฮ โม เซ ยุ ป ยุฮ ป อัฮ เปอะ เซ. ไมจ เปอะ เพาะ ปุ โฮว ไง่ เปอะ, ละ โอ เปอะ ซ เกือฮ ติ แตะ ยุ คระ ซ โฮว แตะ. เกือฮ ติ เปอะ ตอก ป โฮว นา ก เฟียก อื โฮ. กัน ยุฮ เปอะ ตอก เซ เยอ เอีจ มัฮ โรฮ ซกิ ซัมคัน ละ โม อิซราเอน โรฮ,” อัฮ เซ เนิ พะจาว เยอ.

เอเซเคียน 12:6 Referans Kwoze

เอเซเคียน 4:3

ไมจ เปอะ ซาวป ไร แพน ละ เกือฮ เปอะ แปน ตอก ฆรุง เวียง เซ. ฟวยจ เซ โบลวง ซน่ะ โกะ เปอะ ไม่ ฮุป เวียง เซ. ไอจ นา ไม่ ลั่ก ฮุป เวียง ยุฮ เปอะ เซ ละ ซ แพป เปอะ โกะ แตะ ไม่ ตอก แวต ปุย เวียง เซ. เอีจ มัฮ ไล เฮี ป แปน ป ซัมคัน ละ จัตเจือ โม อิซราเอน เนอ.

เอเซเคียน 24:24

เญือม เซ อาึ ซ แปน เคืองไม ซัมคัน ละ โม เปะ. โม เปะ ซ โฮลฮ เปอะ ยุฮ ตอก ยุฮ อาึ อื เฮี โครยญ เจือ. เญือม เกิต โอเอีฮ เซ ละ เปอะ, โม เปะ ซ ยุง เปอะ ฆาื อื มัฮ เนอึม อื พะจาว เยโฮวา ป อัฮ เซ ละ เปอะ,” อัฮ เซ.

อิซยา 8:18

อาึ อาวต นา เฮี ไม่ โม กวน แตะ ป โพต พะจาว เนิ. พะจาว กุม ตฮัน มะลอง ป อาวต นึง บลาวง ซีโยน เซ เอีจ เกือฮ เอิน เอะ แปน ป ซกิ ซัมคัน ยุฮ แตะ ละ โม อิซราเอน.

1 ซามูเอน 28:8

ซาอุน เคียต ปอม ติ แตะ, เคียต จาวป เครอึง ไฮญ แตะ โอก โฮว ไม่ กวนไจ รเมะ แตะ ลอา ปุย, โฮว เคะ ปรโปวน เซ เมือ ก ซาวม อื. อัฮ เฮี ละ อื, “ปัว เปอะ ไฮมญ โอเอีฮ เนิ นึง ลปุ ปุย เอีจ ยุม เซ. รโฮงะ อาึ มอยฮ ป ออฮ ละ เปอะ ไมจ เปอะ กอก ปุย เซ เกือฮ ฮอยจ,” อัฮ เซ.

โยป 24:17

ปุย โม เซ โกว เมือ ก ซาวม ตัง เมือ ซเง่ะ อื, นึง มัฮ อื ป เอีจ โกย อาวต แตะ นา ก เฟียก อื ตอก เซ.

2 ซามูเอน 15:30

ด่าวิต เซ ลอต ฮาวก นึง บลาวง กาวก, เยือม ปุ โฮว, เลอึป ไกญ แตะ นึง บ่วตชุ, โฮว ไม่ อื นึง ชวง ปลาว แตะ. ปุย เตือง โอยจ อื เมาะ ป อาวต ไม่ อื เซ เลอึป โรฮ ไกญ แตะ นึง บ่วตชุ. เยือม โรฮ ปุ โฮว ไม่ อื.

เอเซเคียน 12:5

ไมจ เปอะ ตอฮ เดีญ เญือะ แตะ เกือฮ โม เซ ยุ. ฟวยจ เซ ไมจ แม เปอะ โอก โฮว ลอต คระ โตะ เดีญ ตอฮ เปอะ เซ ไม่ เครอึง โรวก เปอะ เซ.

เอเซเคียน 12:13

อาึ ซ เตือะ เรอึป ยุฮ แตะ ราว ปุย เซ, ซ เกือฮ โฮลฮ เลียก นึง แฮวะ ยุฮ แตะ. ซ ตาว แม เยอะ ฮอยจ นึง เวียง บ่าบี่โลน ป อาวต นึง เมือง เคนเดี่ย เซ, ปังเมอ โอ ซ โฮลฮ ยุ เมือง เซ นึง ไง่ แตะ เฟือฮ เอิน. ปุย เซ เยอ ซ ลอต เอิน ยุม นา เซ เอิน.

2 กซัต 7:5

โม เซ เยอ โกฮ โฮว เนอึม ไม่ ปุ แตะ ฮอยจ นึง ไคะ อาวต โม ซีเรีย เซ เญือม เอีจ ปู พริ. เญือม เอีจ ฮอยจ อื นึง ไคะ อาวต โม ซีเรีย เซ เญือะ ยุ โตว ปุย อาวต นา เซ ติ ปุย เนอึม.

เซคาริยา 3:8

“เออ, โยชูวา ป มัฮ ฮัวนา ซตุ, ไมจ เปอะ ง่อต ที, เตือง ปะ เตือง โม ปุโฮมว ซตุ เปอะ. ไลลวง โม เปะ เฮี มัฮ ป เกว ไม่ ป ไมจ ป ซ เกิต เฆียง เฮี. ง่อต แลน, อาึ ซ ตาว กวนไจ แตะ ฮอยจ ติ ปุย. เอีจ มัฮ ป อัฮ ปุย ฆอย โคะ ไม่ เซ.