เอเซเคียน 12:25 - ้พระคัมภีร์ละว้า

²⁵ อาึ ป มัฮ พะจาว เยอ, ซ อัฮ เยอะ โอเอีฮ. เมาะ ป อัฮ อาึ อื ซ แปน เนอึม ตอก อัฮ เยอะ เซ, เญือะ เลี่ญ โตว เฟือฮ. อาึ ปังเมอ อัฮ เอิน ละ จัตเจือ โม ป กอ เลฮ เตียง ตอก เฮี, เอีจ มัฮ เอิน เจน โม เปะ เฮี ป ซ เกิต โอเอีฮ ตอก เฮี ละ อื. อัฮ อาึ ตอก ออฮ, ซ ยุฮ โรฮ เยอะ ตัม ป อัฮ แตะ ตอก เซ โรฮ,” อัฮ เซ พะจาว เยโฮวา.

เอเซเคียน 12:25 Referans Kwoze

ฮาบ่ากุก 1:5

พะจาว โลยฮ อื ละ ฮาบ่ากุก ตอก เฮี, “ไมจ เปอะ ซังเกต แลน ปุย เมือง ไฮญ ป อาวต รวิต รเวียง เปอะ เซ, ไมจ เปอะ เกือฮ ติ แตะ เงอึต นึง ไม่ ตังเจือ อื ละ รพาวม เปอะ. อาึ ซ ยุฮ ป เงอึต เปอะ นึง ปอ เอิน โอ เปอะ ซ ญอม เจือ เตือง รโฮงะ ปุย อื ละ เปอะ.

เอเซเคียน 12:28

“เคียง มัฮ อื ตอก เซ เยอ, ไมจ เปอะ อัฮ ละ โม เซ ตอก เฮี, พะจาว เยโฮวา อัฮ อื ตอก เฮี, เมาะ ลปุง ป อัฮ อาึ อาึง เงอ, ซ แปน เนอึม เอิน ตอก อัฮ เยอะ เซ โครยญ เจือ, เญาะ ลั่ง เญาะ เลี่ญ โตว,” อัฮ เซ พะจาว เยโฮวา เยอ.

อิซยา 55:11

มัฮ รอาวม เฮละ ตอก ออฮ ลปุง อาึ ป โอก ฮา มวยญ เญอะ ซ มัฮ โรฮ ตอก เซ. ลปุง อาึ ซ แม โตว ละ อาึ กา เฆียง ไก เปลิ อื. อาึ ซ เกือฮ โอเอีฮ เกิต เบือ อื ตัม ป เอีจ ง่อต แตะ อาึง, ซ เกิต เนอึม ตัม ป เอีจ อัฮ ฮะ อาึง โครยญ เจือ.

อิซยา 14:24

พะจาว ป กุม ตฮัน มะลอง ซันญา ซโตฮ อาึง อื ตอก เฮี, “โอเอีฮ เมาะ ป คิต ง่อต อาึ อาึง ซ แปน เนอึม ตอก คิต เตอะ เซ โครยญ เจือ. ดัฮ อาึ อัฮ ติ แตะ ซ ยุฮ ตอก ออฮ ซ แปน เนอึม ตอก เซ.

มัตไท 24:35

ปลัฮเตะ ไม่ มะลอง ซ ไฆร, ป อัฮ ป มวยญ อาึ ปังเมอ โอ เกียฮ ไฆร เฟือฮ เอิน,” อัฮ เซ.

ลูกา 21:33

ปลัฮเตะ ไม่ มะลอง ซ ไฆร. ป อัฮ ป มวยญ อาึ ปังเมอ โอ เกียฮ ไฆร.

เอเซเคียน 6:10

เญือม เซ โม เซ ซ ยุง มัฮ อาึ พะจาว, ยุง โรฮ โอ อาึ พระ ปลาว แตะ นึง ซ เกือฮ เนอึม อาึ โม เซ ลอก ป โซะ ลอน,” อัฮ เซ พะจาว.

เยเรมี 16:9

อาึ ป มัฮ เยโฮวา กุม ตฮัน มะลอง ป มัฮ พะจาว ยุฮ อิซราเอน เนอ อัฮ เฮี, อาึ ซ เกือฮ เซียง ไมจ เซียง มวน ป ไก ไน เจน โม เปะ เฮี ไฆร เตือง โอยจ อื. เซียง ไมจ เซียง มวน นึง กัน เญือะ กัน เอีญ ปุย นึง เมือง เฮี เยอ, เญือะ ซ ไก โตว. ซ เกือฮ เอิน ไฆร ซองนา ปันตา เปอะ เอิน.

เซคาริยา 1:6

ลปุง อาึ ไม่ โกตไม ยุฮ ฮุ ป ดวน เนอะ โม ป ซึป ลปุง แตะ โฮว ซึป เซ, เอีจ ฮอยจ ละ โม จัตเจือ ไพรม เปอะ เซ, โม เซ ปังเมอ โอ เครอึง นึง อื. เอีจ ลอก ป โซะ ฆาื อื. ฟวยจ เซ โม เซ เฌาะ โรฮ รพาวม แตะ ฆาื อื. ญอม เนอึม รัป มัฮ อาึ พะจาว ป กุม ตฮัน มะลอง ป เกือฮ อื ลอก ตุต ตัม โปง อื ไม่ กัน ยุฮ อื ไอฮ. โอเอีฮ ไล เซ เยอ เอีจ มัฮ โรฮ ป คิต อาึ อาึง,” อัฮ เซ พะจาว.

ด่านีเอน 9:12

“ปะ เอีจ ยุฮ เนอึม เปอะ ตัม ป อัฮ แตะ อาึง, ตอก ไลลวง ตะ เปอะ เกือฮ เอะ ไม่ โม ป ตัตเตียง ยุฮ ฮุ ลอก ตุต แตะ. เอีจ เกือฮ เนอึม เปอะ ป โตะ ป ตอง ฮอยจ ละ เอะ. ป โตะ ป ตอง ป เกิต ละ ปุย ติ ฆรึม มะลอง เงอ ไก โตว ติ โดฮ เนอึม ป เมาะ อื ป โตะ ป ตอง ป เกิต ละ เวียง เยรูซาเลม เมอ.

รซอมเยือม 2:17

พะจาว เอีจ ยุฮ เนอึม อื ตัม ปุก อื รพาวม โกะ แตะ. โอเอีฮ เมาะ ป เอีจ อัฮ อื อาึง เซ เอีจ ยุฮ เนอึม อื เกือฮ ฟวยจ. เอีจ ยุฮ เนอึม ไลจ ไม่ เอะ, เญือะ เลียก พาวม โตว นึง เอะ, ตอก เอีจ อัฮ อื อาึง เนิ โฮ. เอีจ เกือฮ โม ป ตอซู ไม่ เอะ เซ โฮลฮ ฟวยจ พาวม นึง เป แตะ เอะ. โม เซ มวน โมฮ รโอฮ รออง นึง ยุ แตะ ไป เอะ.

ลูกา 21:13

มัฮ เญือม เซ เญือม ซ โฮลฮ เปอะ รโฮงะ ไลลวง พะจาว ละ อื.

4 โมเซ 11:23

พะจาว โลยฮ อื ละ ไอ โมเซ ตอก เฮี, “อัม มัฮ แกต เปอะ อัมนัต พะจาว โอ ปอ? ป อัฮ อาึ ซ เกิต เซ ปเลี่ย เฮี ซ ยุ เปอะ ตอก เกิต เนอึม อื ไม่ โอ อื เกิต เตอ,” อัฮ เซ ละ อื.

เอเซเคียน 12:26

พะจาว เกือฮ แม ลปุง แตะ ฮอยจ ละ อาึ ตอก เฮี,

ฮาบ่ากุก 2:3

โอเอีฮ ป ยุ บลอง เปอะ เซ ดิ เติง โตว เวลา เกิต อื, ปังเมอ เอีจ ซดิ ซ เกิต อื ตัม เซ เยอ. มัฮ เซ ป ไมจ เปอะ ไซฮ อาึง ไลลวง เซ ฆาื อื. ดัฮ ฮัง ซ เลี่ญ ลั่ง ละ เปอะ โฮ ไมจ เปอะ มอง ละ อื. โอเอีฮ เซ แจง แน ซ เกิต เนอึม อื, ตึน โอ เญาะ ซ เลี่ญ ลัมเลือ.

เยเรมี 1:11

ฟวยจ เซ ลปุง พะจาว ฮอยจ แม ละ อาึ ตอก เฮี, “เยเรมี, มัฮ เมอ ป ยุ เปอะ เซ?” อัฮ เซ เนิ. อาึ โลยฮ ละ อื, “ยุ กัก โคะ อะลมัน ติ,” อัฮ เซ ละ.

เอเซเคียน 7:13

โม ป โชะ ป รวี โอเอีฮ ฮี เญาะ ซ เตือน โตว แม ยุฮ ตึน ป เอีจ โลง อื ทุน แตะ นึง อื ไน ติ เจน ไก ลั่ง จีวิต แตะ เซ. มัฮ ฆาื ซ เปลีฮ พะจาว รพาวม ฮาวก แตะ ละ ปุย โครยญ โฆะ อื. โม ป ยุฮ ป ฆอก ป เบร ตอก เซ ซ โปน โตว ยุม ติ ปุย เนอึม.