เอเซเคียน 11:17 - ้พระคัมภีร์ละว้า

¹⁷ “มัฮ เซ ป ไมจ เปอะ อัฮ ละ โม เซ ฆาื อื ตอก เฮี, ‘พะจาว เยโฮวา อัฮ เฮี ละ เปอะ, เฆียง เฮี อาึ ซ รโจะ แม โม เปะ เน่อึม นึง เมือง โฮลฮ เปอะ โฮว อาวต เฮีย อาวต ไฮ ติ แตะ นึง โฮวน เมือง เซ. ซ มอป แม โรฮ ปลัฮเตะ เมือง อิซราเอน ละ เปอะ ตอก ไพรม อื,’ อัฮ เซ ละ อื พะจาว เยอ.”

เอเซเคียน 11:17 Referans Kwoze

เอเซเคียน 28:25

พะจาว เยโฮวา อัฮ เฮี, “อาึ ซ โรวก แม โม อิซราเอน เกือฮ เอีญ ฮา นา ก เกือฮ อาึ อื อาวต เฮีย อาวต ไฮ. ซ รโจะ แม เยอะ เน่อึม นึง โครยญ เมือง อาวต อื. เญือม เซ ปุย โครยญ เมือง ซ ยุง มัฮ อาึ พะจาว ซง่ะ ซงอม เบือ อื. โม อิซราเอน ซ โฮลฮ อาวต นึง บั่นเมือง โกะ แตะ ไอฮ, ป มัฮ เมือง เกือฮ อาึ ละ ยาโคป, ป มัฮ กวนไจ ยุฮ ฮุ เซ.

เอเซเคียน 34:13

อาึ ซ รโจะ เกือฮ โอก เน่อึม นึง ตัง ปะเทต โฮวน โดฮ. ซ เกือฮ แม อาวต นึง เมือง โกะ อื ไอฮ. ซ นัม เมอะ ฮอยจ นึง บลาวง โบ โกลง เมือง อิซราเอน. ซ เลียง นึง กังเด่น นา ก ไมจ ก มวน อื โครยญ โดฮ.

เยเรมี 3:18

ไน เจน เซ โม ยูด่า ซ รโจะ ดิ ไม่ โม อิซราเอน, ไม่ ซ ฮอยจ ดิ อื เน่อึม นึง เมือง ลวง ลั่กล่าวง, ละ ซ แม อาวต แม อื นึง เมือง ป เกือฮ อาึ ละ จัตเจือ ไพรม เปอะ ละ ซ แปน ลอป อื คอง อื,” อัฮ เซ พะจาว.

เอเซเคียน 36:24

“อาึ ซ ตุย โรวก โม เปะ โอก ฮา เมือง ปุย โฮวน เมือง, ซ รโจะ แม โม เปะ ฮอยจ นึง เมือง โกะ เปอะ ไอฮ.

เยเรมี 24:5

“อาึ ป มัฮ เยโฮวา พะจาว ยุฮ โม อิซราเอน เนอ, เมีญ โม ป โรวก ปุย โฮว ฮอยจ นึง เมือง บ่าบี่โลน เซ มัฮ ตอก เปลิ เม ไมจ เฮี. มัฮ ป ไมจ เนิ.

เอเซเคียน 20:41

ฟวยจ เกือฮ อาึ โม เปะ โฮลฮ โอก ฮา เมือง โฮวน เมือง ป โฮลฮ เปอะ โฮว อาวต เฮียไฮ ติ แตะ นึง เซ, อาึ ซ รโจะ แม โม เปะ ติ โดฮ. อาึ ซ รัป โอเอีฮ ตอง เปอะ ทไว เซ, ซ เกือฮ แปน ป ซออย ฮงาื ละ แตะ ไม่ ปุก อื รพาวม เมอะ. อาึ ซ เกือฮ ปุย โฮวน เมือง ยุ ที มัฮ แตะ ป ซง่ะ ซงอม เนอึม เบือ โม เปะ.

เยเรมี 3:12

ไมจ เปอะ โฮว ครอฮ ละ เมือง ป อาวต ลวง ลั่กล่าวง เซ ตอก เฮี, พะจาว อัฮ เฮี ละ เปอะ, อิซราเอน ปะ ป โอ เนอึม รพาวม เมอ, ไมจ เปอะ แม แม เคะ อาึ. อาึ เลียก พาวม ลั่ง นึง เปอะ ไม่ โอ เยอะ เญือะ รอก พาวม นึง เปอะ. รพาวม รอก อาึ อื ซ ไก ลอป โตว, อัฮ เซ พะจาว.

เยเรมี 30:18

พะจาว อัฮ โรฮ เฮี, “อาึ ซ เกือฮ เมือง อาวต โม ยาโคป แม ไมจ แม ตอก ไพรม แตะ. อาึ ซ เลียก พาวม นึง โม อิซราเอน โครยญ เญือะ โครยญ ม่า. ปุย ซ โก โคระ แม เวียง เยรูซาเลม เซ นึง เบือง ไพรม อื. เญือะ กซัต นึง อื ซ โก โรฮ ปุย นึง ก อาวต ไพรม อื.

ลืลาว 107:3

พะจาว เอีจ เกือฮ โม เปะ โฮลฮ แม เอีญ เน่อึม นึง ปะเทต ยุฮ ปุย ตัง เมือง. เอีจ รโจะ แม โม เปะ เน่อึม ลวง ลั่ก โอก ซเงะ ไม่ ลั่ก เลียก ซเงะ, เน่อึม นึง ลวง ลั่กเซฮ ไม่ ลั่กล่าวง.

เยเรมี 24:6

อาึ ซ แลน แก เยอะ ละ ซ ยุฮ แตะ ป ไมจ ละ, ไม่ ซ นัม แม เยอะ ฮอยจ นึง เมือง เฮี. อาึ ซ โก เยอะ เกือฮ ตอน. ซ เญื่อฮ โตว เกือฮ ไลจ. อาึ ซ ซมา เยอะ เกือฮ ไอม. ซ ตอยจ โตว โปวฮ.

เยเรมี 31:16

ปุ เญือะ เยือม, บ่วต รบวต เปอะ เซ. กัน ยุฮ เปอะ แจง ซ ไก ลังวัน เปอะ เบือ อื. กวน เฌือต เปอะ เซ ซ โฮลฮ เอีญ เน่อึม นึง เมือง โม ป เกละยุ อื เซ.

เอเซเคียน 20:42

เญือม เอีจ ตาว อาึ โม เปะ เอีญ ฮอยจ แม นึง เมือง อิซราเอน, ป มัฮ เมือง ป เอีจ ซันญา อาึ ละ จัตเจือ ไพรม เปอะ โฮ, เญือม เซ โม เปะ ซ ยุง เนอึม เปอะ มัฮ อาึ พะจาว เบือ อื.

เอเซเคียน 34:11

“เฮี มัฮ ป อัฮ พะจาว เยโฮวา, ‘อาึ ซ ซาวป ไอฮ แกะ ยุฮ แตะ เซ. อาึ ซ โซะโกะ ฮรักซา นึง.

5 โมเซ 30:3

เญือม เซ พะจาว ยุฮ เปอะ ซ เลียก พาวม ลั่ง นึง เปอะ. ซ เกือฮ แม โม เปะ อาวต ไมจ อาวต มวน ตอก ไพรม อื. ซ นัม โม เปะ เกือฮ โอก ฮา เมือง ปุย ไฮญ โฮวน โดฮ.

อิซยา 60:21

ปุย ไน บั่นเมือง ยุฮ เปอะ ซ แปน ปุย ซืไซ โครยญ โฆะ แตะ. ซ โฮลฮ นาตี อาวต แตะ แปน ลอป คอง แตะ โอ เญาะ ไก ลอยจ. เอีจ มัฮ อาึ ป ซมา โม เซ เยอ, เอีจ มัฮ อาึ ป เกือฮ อื เกิต ไก เยอ, ละ ซ เปลีฮ อาึ อัมนัต โญตซัก แตะ นึง.

เยเรมี 24:7

อาึ ซ เกือฮ เยอะ ไก รพาวม ฆวต ยุง อาึ ป มัฮ พะจาว. โม เซ ซ แปน ปุย ไน อาึ. อาึ ซ แปน พะจาว ยุฮ อื, นึง ซ เอีญ อื เคะ อาึ ไม่ รพาวม เตม แตะ.

เยเรมี 29:10

พะจาว อัฮ โรฮ อื ตอก เฮี, “เญือม เอีจ ฟวยจ อาลแฆลฮ เนอึม กัมโนต อาึ ละ บ่าบี่โลน เนอ, อาึ ซ ฮอยจ เคะ เปอะ. อาึ ซ ยุฮ โรฮ ป ไมจ ป ญุ่ก ละ เปอะ ตัม ลปุง เอีจ ซันญา แตะ อาึง. ซ ตาว โม เปะ แม ฮอยจ นึง เมือง ไพรม เปอะ เฮี.

เอเซเคียน 20:34

อาึ ซ เปลีฮ อัมนัต ระ รที เรียง ไม่ รพาวม ฮาวก ยุฮ แตะ ละ ซ เกือฮ แตะ โม เปะ โอก ฮา บั่นเมือง ปุย โฮวน โดฮ นา ก โฮลฮ เปอะ โฮว อาวต เฮียไฮ ติ แตะ นึง เซ, ไม่ ซ รโจะ แม เยอะ โม เปะ แม.

เซคาริยา 8:7

อาึ ซ เรอึม โม ปุย ไน แตะ เกือฮ โฮลฮ โอก ฮา เมือง ป โฮมวต โรวก อื เซ, เตือง เมือง ป อาวต ลวง ลั่ก โอก ซเงะ ฮอยจ ละ เมือง ป อาวต ลวง ลั่ก เลียก ซเงะ.