2 โมเซ 35:21 - ้พระคัมภีร์ละว้า

²¹ โม ป เตม รพาวม นึง ฆวต ทไว แตะ โอเอีฮ เซ, ตุย โรวก ป ฆวต ทไว แตะ ละ พะจาว ละ ซ ยุฮ ปุย พากัง นา ก ฮอยจ ปุย เคะ พะจาว นึง. ทไว โรฮ โอเอีฮ ละ ซ โกว ซตุ อื เญือม รซอฮ แตะ นึง อื, เตือง เครอึง ซัมคัน จาวป อื.

2 โมเซ 35:21 Referans Kwoze

2 โมเซ 25:2

“ไมจ เปอะ ดวน โม อิซราเอน ตาว โอเอีฮ ป ทไว แตะ ละ อาึ. เมาะ ป ไก รพาวม ฆวต ทไว ไม่ เตม รพาวม อื นึง, ไมจ เปอะ รัป ป ทไว อื.

3 กซัต 29:14

“อาึ ไม่ โม ป มัฮ ปุย ไน เยอะ เฮี ไก โตว โอเอีฮ ยุฮ โกะ โอะ ไอฮ ละ ซ ทไว แตะ ละ เปอะ, นึง เอีจ มัฮ อื คอง ปะ เตือง โอยจ อื. ป ทไว โม เอะ เฮี มัฮ เยือ รแม่ แม เยอะ คอง ปะ ละ เปอะ.

2 โมเซ 35:29

โม อิซราเอน เตือง ปรเมะ ปรโปวน, เมาะ ป เตม รพาวม นึง ฆวต ทไว แตะ โอเอีฮ เซ, โรวก เนอึม ทไว อื ละ พะจาว ละ ยุฮ ปุย กัน เซ นึง เตือง โอยจ อื, ตัม ดวน พะจาว ไอ โมเซ ยุฮ โครยญ เจือ.

2 โมเซ 35:26

โม ปรโปวน ป ไก รพาวม ฆวต ทไว ไม่ ป เกียฮ เกลีญ เญอ เกลีญ โรฮ ฮาึก ปิ ละ อื.

2 โมเซ 35:5

ไมจ เปอะ โรวก ทไว คาวคอง ยุฮ เปอะ ละ พะจาว ง่อน. เมาะ ป เตม รพาวม นึง ซ ทไว แตะ, ไมจ อื โรวก ทไว โอเอีฮ ตอก เฮี ละ พะจาว. ไคร ญุ่ก, มาื ญุ่ก, ไร ซเงี ญุ่ก,

2 โมเซ 36:2

เญือม เซ ไอ โมเซ กอก เบ่ซาเลน ไม่ โอโฮลีอัป เซ ฮอยจ เคะ แตะ, กอก โรฮ อื ไม่ ปุย ไฮญ ป เอีจ เกือฮ พะจาว วิซา พันญา ไมจ ละ, ละ ซ เกียฮ ยุฮ อื โอเอีฮ เซ. เมาะ ป เตม รพาวม นึง ฆวต ยุฮ แตะ กัน เซ, เกือฮ เนอึม อื ยุฮ อื.

2 โมเซ 35:22

เมาะ ป เตม รพาวม นึง ฆวต ทไว แตะ โอเอีฮ เซ, ฮอยจ ไม่ ฮนัง ไม่ เบล ไม่ ตอฮู ไม่ เครอึง ไคร ไฮญ โฮวน เจือ. ทไว เครอึง ไคร เซ ละ พะจาว เตือง ปรเมะ ปรโปวน.

2 โคริน 9:7

ดัฮ มัฮ ตอก เซ ปุย ไมจ อื ทไว ตัม ป เอีจ โปวต อื อาึง โตะ รพาวม โกะ แตะ ไอฮ เตือง ไพ เตือง มัน. ไมจ โตว อื ทไว เตือง ฮลัก ลั่ง แตะ กอ. ไมจ โตว อื เกือฮ มัฮ ป จัมเปน ละ แตะ. พะจาว ฮรัก ป ปุน เกือฮ โอเอีฮ ไม่ รพาวม ไมจ มวน แตะ.

2 โคริน 8:12

ดัฮ เปอะ เรียง รพาวม นึง ทไว แตะ, พะจาว ซ เรียง โรฮ รพาวม นึง ซ รัป แตะ ป ทไว เปอะ เซ ตัม เมาะ ป ไก ยุฮ เปอะ. มัฮ โตว อัฮ อื ไม่ ป โอ ไก ยุฮ เปอะ.

มัตไท 12:34

โม เปะ ป มัฮ เจือ ซโอยญ มวย เยอ, ดัฮ เปอะ มัฮ ปุย โอ ไมจ โฮ, แจง โอ เปอะ ซ เกียฮ อัฮ ป ไมจ เจอ. ปุย นาวก รพาวม นึง ออฮ, มวยญ อื ตึน ซ อู เซ.

เยเรมี 30:21

ป มัฮ กซัต ยุฮ อื ซ มัฮ ปุย ไน โม โกะ อื ไอฮ. ป ตัตเตียง ยุฮ อื ซ เกิต ไน เมือง โกะ อื. เญือม กอก อาึ อื กซัต เซ ซ ฮอยจ เนอึม เคะ อาึ. มัฮ ปุย ป โรวต เลียก เคะ อาึ เตือง โอ อาึ กอก เกอ?

ซตอกรเง่อึม 4:23

ไมจ เปอะ โซะโกะ ฮรักซา เนอึม นึง รพาวม รโม่ยฮ เปอะ เซ โครยญ เจือ. เมาะ ป ยุฮ ป อัฮ ปุย เยอ เอีจ มัฮ ป โอก เน่อึม นึง รพาวม รโม่ยฮ อื รกา.

ลืลาว 110:3

ซเงะ ซ รุป เปอะ ปุ แตะ ตฮัน ยุฮ เปอะ ซ ซมัก โฮว รุป ไม่ ปุย. ปะ ซ จาวป เปอะ เครอึง ซัมคัน คึนัก ยุฮ แตะ. อัมนัต เปอะ ซ ฮอยจ โคระ แม ละ เปอะ โครยญ ซเงะ ตอก รอาวม รน่ะ เมือ กซะ อื โฮ,” อัฮ เซ.

เอซรา 7:27

เอซรา อัฮ เฮี, “ปัว ลืลาว มอยฮ เยโฮวา ป มัฮ พะจาว ทื โม จัตเจือ ไพรม เอะ เซ, นึง เอีจ เกียฮ โบว อื รพาวม กซัต เซ, ละ ซ เกือฮ อื กซัต เซ เกียฮ รโพ โรฮ กัน ยุฮ ปุย วิฮัน ยุฮ พะจาว นึง เวียง เยรูซาเลม เกือฮ ไมจ เกือฮ ชอม ตอก เซ.

3 กซัต 29:9

เญือม เซ โม ลัปซด่อน โฮลฮ รพาวม ไมจ มวน แตะ, นึง เอีจ โฮลฮ อื ทไว โอเอีฮ ยุฮ แตะ ไม่ รพาวม เตม แตะ ละ พะจาว. กซัต ด่าวิต ไมจ มวน โรฮ รพาวม ฆาื อื.

3 กซัต 29:3

โนก ฮา ซาวป เยอะ โอเอีฮ โม เซ, ไคร มาื ป มัฮ ป ยุฮ โกะ โอะ ไอฮ, อาึ ซ ทไว โรฮ เยอะ ละ พะจาว ยุฮ แตะ, นึง ไก รพาวม ฮรัก เกอะ วิฮัน ยุฮ พะจาว เฮี.

3 กซัต 28:9

ฟวยจ เซ กซัต ด่าวิต อัฮ แม เฮี ละ ซาโลมอน, “กวนงัก, ปะ ไมจ เปอะ เกือฮ ติ แตะ ยุง ป มัฮ พะจาว ทื เปือะ เปอะ เซ. ไมจ โรฮ เปอะ รซอฮ ละ พะจาว เซ ไม่ รพาวม เนอึม แตะ, ไม่ เตม รพาวม แตะ โรฮ, นึง มัฮ พะจาว ป ยุง ป คิต ป ง่อต ปุย ไม่ ยุง แตะ ป ฆวต ไอฮ ปุย โครยญ เจือ. ดัฮ เปอะ ซาวป เนอึม พะจาว โฮ, ซ ยุ เนอึม เปอะ. ดัฮ เปอะ ละ โปวฮ พะจาว เซ โฮ, ปังเมอ ซ ไกฮ เอิน โรฮ ปะ เกือฮ โอก ลอป ฮา แตะ โรฮ.

3 กซัต 28:2

เญือม เซ กซัต ด่าวิต โกฮ ชุง อัฮ เฮี, “โม เปะ ป มัฮ โกะ เนะ คระ เฌือต เตอะ เตือง โอยจ เปอะ, ง่อต ป อัฮ อาึ เฮี. อาึ ไก รพาวม ฆวต ยุฮ วิฮัน ละ ซ แปน อื ก อาวต ฮิต ลปุง ซันญา ยุฮ เยโฮวา, ไม่ แปน อื ก โบลวง พะจาว ชวง แตะ นึง. อาึ เอีจ เพรียง โรฮ ควน ซ ยุฮ แตะ วิฮัน เซ โครยญ เจือ.

2 ซามูเอน 7:27

“โอ พะจาว กุม ตฮัน มะลอง, ปะ มัฮ เปอะ พะจาว ทื โม อิซราเอน. ปะ เอีจ เปลีฮ เปอะ โอเอีฮ เฮี ละ อาึ ป มัฮ กวนไจ ยุฮ เปอะ. เอีจ อัฮ เปอะ ติ แตะ ซ เกือฮ บั่นเมือง ยุฮ ฮุ ตอน ฮอยจ ละ จัตเจือ เยอะ เฆียง เฮี. เซ ป โรวต อาึ ไววอน ตอก เฮี ฆาื อื.

ปรเตีฮรตุม 5:12

เด่โบ่รา, เด่โบ่รา โกฮ, โกฮ เชีย ลืลาว แม พะจาว. บ่ารัก กวน อาบี่โนอัม, โกฮ, โครฮ แปฮ โรวก ครา เปอะ เซ เอีญ.

ปรเตีฮรตุม 5:9

โตะ รพาวม อาึ อื เอีจ มวน นึง ชวน จาวเมือง ยุฮ อิซราเอน. เอีจ มัฮ โม ป ซมัก ไอฮ โฮว. ไมจ เนอึม ลืลาว พะจาว ฆาื.

ปรเตีฮรตุม 5:3

กซัต ก เซฮ ฮอยจ ก ล่าวง ไมจ อื ดาวง ฮยวก แตะ ละ ง่อต. อาึ ซ เชีย นึง รซอม ลืลาว นึง มัฮ พะจาว กุม อิซราเอน.

2 โมเซ 35:20

เญือม เซ โม อิซราเอน เอีญ ฮอยจ ก อาวต แตะ เตือง ไพ เตือง มัน.

3 กซัต 29:8

โม ป ไก แกว ไมจ ยุฮ ฮู ทไว เนอึม อื ละ วิฮัน ยุฮ พะจาว เซ ละ ซ อาึง ปุย นึง ฮอง ก เกป ปุย คอง ทไว. ป แปน ป แลน แก ป ทไว ปุย ละ วิฮัน เซ มัฮ เยฮีเอน, มัฮ ซฆลาวม โม เกอโชน.

เอซรา 2:68

โม เซ เญือม ฮอยจ อื นึง วิฮัน ยุฮ พะจาว นึง เวียง เยรูซาเลม เมอ, โม ป มัฮ ฮัวนา ซฆลาวม ยุฮ อื เซ ทไว โอเอีฮ ละ ซ ยุฮ โคระ ปุย วิฮัน ละ พะจาว นึง เบือง ไพรม อื. ทไว อื ไม่ เตม รพาวม แตะ นึง.