2 โมเซ 31:16 - ้พระคัมภีร์ละว้า

^16-17 โม อิซราเอน ไมจ อื ทื ซเงะ ลโล่ะ เซ แปน ควน ไตม อื ลปุง ซันญา อาึ ไม่ แตะ. ไมจ อื ทื ฮอยจ ละ เจน โคระ เฆียง เฮี โอ เญาะ ไก ลอยจ. อาึ ป มัฮ เยโฮวา เอีจ ยุฮ ปลัฮเตะ ไม่ ปลัฮ มะลอง ไน แลฮ ซเงะ. ซเงะ อาแลฮ นึง อื อาึ ลโล่ะ โอะ, เญือะ ยุฮ โตว กัน นึง. เซ ป ไมจ โม เปะ ทื ซเงะ เซ ฆาื อื แปน ป ซัมคัน ซน่ะ อาึ ไม่ โม เปะ ป มัฮ อิซราเอน เนอ,” อัฮ เซ พะจาว.

2 โมเซ 31:16 Referans Kwoze

เยเรมี 50:5

ซ ไฮมญ คระ โฮว แตะ นึง เมือง ซีโยน, ไม่ ซ พัต อื นา แตะ ลั่ก คระ เวียง เยรูซาเลม เซ. ซ ซันญา โอเอีฮ ไม่ อาึ ซโตฮ ไม่ โอ อื เญือะ ซ พิต รซอม ซันญา แตะ เซ เฟือฮ เอิน,” อัฮ เซ พะจาว.

1 โมเซ 17:11

เน่อึม ปเลี่ย ฮอยจ เฆียง เฮี ดัฮ ไก กวนดุ รเมะ เกิต นึง เญือะ เปอะ, ดัฮ เอีจ ฟวยจ เกิต ซเตะ ซเงะ โฮ, ไมจ เปอะ ยุฮ ริตกิต เซ ละ โครยญ โฆะ อื, เตือง กวนไจ เกิต นึง เญือะ เปอะ ไม่ กวนไจ รวี เปอะ นึง ปุย ตังเมือง โรฮ. มัฮ ตอก เซ ตอก ซ เปลีฮ ที เปอะ นัปทื แตะ ลปุง ซันญา อาึ อาึง ไม่ เปอะ เซ.

1 โมเซ 9:13

อาึ ซ เกือฮ รยุง โกฮ ละ เปอะ นึง ชุต รวู. ซ แปน ควน โตก อาึ ละ ลปุง ซันญา แตะ ไม่ ปุย ปลัฮเตะ.

2 โมเซ 31:15

ไมจ เปอะ ยุฮ กัน แตะ ไน แลฮ ซเงะ. ซเงะ อาแลฮ นึง อื มัฮ ซเงะ ลโล่ะ. มัฮ ซเงะ ซัมคัน ละ อาึ. ป ยุฮ กัน ไน ซเงะ เซ ไมจ ปุย ยุฮ ยุม ไม่.

อิซยา 58:13

“ดัฮ เปอะ ปุน ทื เนอึม ซเงะ ลโล่ะ แปน ป ซัมคัน ละ แตะ, ดัฮ เปอะ โอ เญาะ ยุฮ โอเอีฮ ตัม รพาวม โกะ แตะ ไน ซเงะ ซัมคัน ยุฮ อาึ เซ, ไม่ เมีญ เปอะ ซเงะ ลโล่ะ เซ มัฮ ซเงะ ไมจ มวน, ไม่ เกือฮ เปอะ ซเงะ ยุฮ พะจาว เซ แปน ซเงะ ระ ไล ละ แตะ, ดัฮ เปอะ นัปทื เนอึม ไม่ โอ เปอะ โฮว นึง คระ ฆวต โฮว โกะ แตะ, ดัฮ เปอะ โอ ยุฮ โอเอีฮ นึง ตัม รพาวม โกะ แตะ ไน ซเงะ เซ, ไม่ โอ เปอะ เญาะ อัฮ ลปุง ไอฮ พาวม แตะ นึง,

เนฮะมี 13:15

เญือม เซ อาึ ยุ โม ยูด่า บึน รอาวม อะงุน ยุฮ แตะ ซเงะ ลโล่ะ ง่อน, ตัง เฮงาะ ไม่ เปลิ อะงุน ไม่ รอาวม อะงุน ไม่ เปลิ เม นึง บรัง ยุฮ แตะ, ไม่ โรวก อื รบุยฮ ลกลอม แตะ, โฮว ไม่ อื นึง เยรูซาเลม ง่อน. อาึ เอีจ ซตอก ปุย โม เซ ละ โอ ซ เกือฮ โชะ โอเอีฮ ไน ซเงะ ลโล่ะ เซ.