2 โมเซ 15:17 - ้พระคัมภีร์ละว้า

¹⁷ ปะ ซ นัม เปอะ ฮอยจ นึง บลาวง เลือก เปอะ อาึง ละ ซ แปน อื นาตี อาวต เปอะ. มัฮ นาตี ซง่ะ ซงอม ยุฮ เปอะ. ซ เกือฮ เปอะ อาวต ตอน อาวต ฮมัน นา เซ ตอก ซมา ปุย โคะ โฮ.

2 โมเซ 15:17 Referans Kwoze

ลืลาว 44:2

ปะ เอีจ โครฮ เปอะ ปุย โฮวน เมือง โอก ฮา อื เบือ อัมนัต ระ ยุฮ เปอะ. เอีจ เกือฮ เปอะ จัตเจือ ไพรม เอะ เซ โฮลฮ อาวต เบือง อื. เกือฮ โรฮ เปอะ ปุย ตังเมือง เซ อาวม เม่ะมั่ก แตะ, ปังเมอ เกือฮ เปอะ โม จัตเจือ เอะ เซ โฮลฮ อาวต ไมจ อาวต มวน.

ลืลาว 80:8

ปะ เอีจ โรวก เปอะ โม อิซราเอน โอก ฮา เมือง อียิป ตอก โรวก ปุย โคะ อะงุน โฮ. เอีจ โครฮ เปอะ ปุย โฮวน เมือง เกือฮ โอก ฮา ก อาวต อื. ฟวยจ เซ ซมา เปอะ โคะ อะงุน ยุฮ แตะ เซ นึง เบือง อื.

เยเรมี 32:41

อาึ ซ ยุฮ ป ไมจ ละ ไม่ รพาวม ไมจ มวน แตะ ไม่ เตม รพาวม แตะ นึง. อาึ แจง ซ เกือฮ เยอะ อาวต ตอน ฮมัน ลอป นึง เมือง เฮี,” อัฮ เซ.

เยเรมี 31:23

พะจาว ป กุม ตฮัน มะลอง ป มัฮ พะจาว ยุฮ อิซราเอน อัฮ เฮี, “เญือม เอีจ ฟวยจ เกือฮ อาึ ปุย เอีญ แม ฮอยจ นึง ย่วง ไพรม อื, ซ ไก แม ป อัฮ เฮี นึง เมือง ยูด่า ไม่ นึง ย่วง นึง อื โครยญ ย่วง, ‘โอ บลาวง ซัมคัน นา ก อาวต ป ตึก นึง ซง่ะ ซงอม แตะ, ปัว พะจาว ปิฮ มุ่น ละ เปอะ,’ ซ อัฮ อื ตอก เซ.

เยเรมี 2:21

เมือ โรง อื อาึ ซมา โม เปะ ตอก เลือก ปุย ซมา ตัง อะงุน ตึก นึง ไมจ แตะ โฮ. ปเลี่ย เฮี โม เปะ ตอ เกียฮ แปน เยือ โน่ง เปอะ อะงุน พริ ไม่ โอ เปอะ เญือะ ไก ป มัฮ เฟือฮ เมอ?

2 โมเซ 15:13

โม ป เอีจ โตฮ เปอะ เซ, ปะ เอีจ นัม เปอะ เกือฮ โอก เบือ รพาวม ฮรัก ยุฮ แตะ. ซ นัม เปอะ เบือ อัมนัต ระ ยุฮ แตะ ละ ซ เกือฮ เปอะ ฮอยจ นึง เมือง ซง่ะ ซงอม ยุฮ เปอะ.

2 โมเซ 23:20

“ง่อต แลน, อาึ ซ เกือฮ เตปด่า โฮว รกา เปอะ ติ ละ ซ เฆีญ อื โม เปะ นึง คระ ซ โฮว เปอะ, ไม่ ซ นัม อื โม เปะ ฮอยจ นึง นาตี ก เพรียง อาึ อาึง ละ เปอะ.

2 โมเซ 32:34

ปเลี่ย เฮี ปะ ไมจ เปอะ โฮว นัม ปุย โม เฮี ฮอยจ ละ เมือง ป เอีจ รโฮงะ อาึ ละ เปอะ เซ. อาึ ซ เกือฮ เตปด่า ยุฮ แตะ นัม คระ ละ เปอะ ลั่กกา เปอะ. ตอก ออฮ ตอก เอีฮ ญุ่ก, ซ ไก ติ ซเงะ เญือม ซ ลอก ปุย ตุต แตะ ฆาื มั่ป ยุฮ อื เซ,” อัฮ เซ.

5 โมเซ 33:19

ซ กอก ปุย ตังเมือง โฮวน เมือง ฮอยจ นึง ไกญ บลาวง อาวต แตะ, ไม่ ทไว อื โอเอีฮ ละ พะจาว นา เซ ตัม ปุก อื ไล แตะ. ปุน กอก ป ไมจ เน่อึม นึง ปลัฮ รอาวม ระ. ซ ยุ โรฮ ป ระ งวยฮ รปาึง ปุย อาึง ลลาึง ไฮมจ นึง เกาะ,” อัฮ เซ.

2 ซามูเอน 7:10

อาึ เอีจ เลือก อาึง นาตี อาวต โม อิซราเอน ป มัฮ ปุย ไน แตะ เฮี, มัฮ เกือฮ อาวต นึง อื. เคียง ดุฮ อาึ โม ป รเตีฮ รตุม ละ โม อิซราเอน ป มัฮ ปุย ไน แตะ เซ, เอีจ โฮลฮ ปุยไฮะ ปุยฮอน คัม คุย. เฆิม เฮี อาึ เญือะ ซ เกือฮ โตว แปน ตอก เซ. ซ เกือฮ อาวต ไมจ โซม ญุ่ก. อาึ ซันญา อาึง ละ เปอะ ซ เกือฮ ปะ โปน ฮา โม ป คัม ป คุย เปอะ เตือง โอยจ อื. อาึ ซ เกือฮ เญือะ เปะ พรุฮแพร ตอน ฮมัน.

1 กซัต 8:13

อาึ เอีจ ยุฮ วิฮัน คึนัก เฮี ละ ซ เกือฮ แตะ แปน ก อาวต ลอป ปะ นึง, โอ เญาะ ไก ลอยจ,” อัฮ เซ.

ลืลาว 2:6

อัฮ เฮี, “อาึ เอีจ ดุฮ อาึง กซัต ยุฮ แตะ เกือฮ ตัตเตียง ปุย เน่อึม นึง บลาวง ซีโยน ป มัฮ บลาวง ซัมคัน ยุฮ ฮุ เซ,” อัฮ เซ พะจาว.

ลืลาว 68:16

เมอยุ แก เปอะ บลาวง เลือก พะจาว เซ ไม่ รพาวม ลเลียก เปอะ นึง เงอ? พะจาว เอีจ เลือก อื ละ ซ เกือฮ อื แปน นา ก อาวต ลอป แตะ นึง โอ เญาะ ไก ลอยจ.

ลืลาว 76:2

เมือง เยรูซาเลม ป อาวต นึง บลาวง ซีโยน เซ, มัฮ ก อาวต พะจาว.

ลืลาว 80:15

เอีจ มัฮ ปะ ไอฮ ป ซมา เยอ, เอีจ เกือฮ โรฮ เปอะ กัก อื ระ ฮอน ตอน ฮมัน ละ โกะ เปอะ ไอฮ.

ลืลาว 114:2

โม ยูด่า เยอ โฮลฮ แปน ปุย ซง่ะ ซงอม ยุฮ พะจาว. โม อิซราเอน เนอ โฮลฮ แปน ปุย ไน บั่นเมือง ยุฮ อื.

2 โมเซ 25:8

“ฟวยจ เซ ไมจ เปอะ เกือฮ ปุย ยุฮ พากัง ซง่ะ ซงอม ละ อาึ, เดอึม อาึ ซ อาวต ซน่ะ ลลาึง ปุย.

โยชูวา 22:19

ดัฮ เปอะ แกต ปลัฮเตะ อาวต แตะ เซ รแอม ละ พะจาว โฮ, บวยฮ เอิน เตือง เอีญ อาวต ไม่ เอะ เอ นึง ปลัฮเตะ ยุฮ พะจาว นา ก ไก พากัง ระ ยุฮ พะจาว เซ. เอีญ อาวต นึง, ไอฮ เอิน แปน คอง เปอะ เมิฮ, ปังเมอ โอ เปอะ เญาะ ไมจ ยุฮ คัน ทไว ละ โกะ แตะ ไอฮ, โนก ฮา คัน ยุฮ เยโฮวา พะจาว ยุฮ เอะ ป เอีจ ไก ไพรม ติ เซ โน่ง. ดัฮ เปอะ ยุฮ คัน ละ โกะ แตะ โฮ, เอีจ มัฮ เอิน เลฮ เปอะ เตียง พะจาว. มัฮ โรฮ เลฮ เปอะ เตียง โม เอะ โรฮ.

เอเซเคียน 37:26

อาึ ซ ซันญา ดิ อาึง โอเอีฮ ไม่ อื, ละ ซ โฮลฮ อื อาวต เฮน อาวต ฮลอง โอ เญาะ ไก ลอยจ, ซ ปิฮ มุ่น ละ ไม่ เกือฮ ฮะ พรุฮแพร. ซ เกือฮ วิฮัน ยุฮ แตะ อาวต ไม่ โอ เญาะ ไก ลอยจ.

เอเซเคียน 37:28

เญือม เกือฮ อาึ วิฮัน ยุฮ แตะ เซ อาวต ลอป ไม่ โม เซ, ปุย เมือง ไฮญ ซ ยุง มัฮ อาึ พะจาว ป เลือก โม อิซราเอน แปน ปุย พิเซต ยุฮ แตะ ฆาื อื,” อัฮ เซ พะจาว.