คูไมจพันญา 7:29 - ้พระคัมภีร์ละว้า

²⁹ ป ยุง อาึ นึง อื มัฮ ตอก เฮี, พะจาว เญือม ยุฮ อื ปุย เอีจ ยุฮ อื เกือฮ แปน ปุย ซืไซ, ปุย ปลัฮเตะ ปังเมอ ซาวป แนฮ ง่อต ลอน เฮียง แตะ โฮวน เจือ.

คูไมจพันญา 7:29 Referans Kwoze

เยเรมี 4:22

พะจาว อัฮ เฮี, “ปุย ไน อาึ มัฮ โม ป งาว. ยุง โตว ป มัฮ อาึ. มัฮ ตอก กวนดุ ไงญ ลอป. ไก โตว ป ยุ ป ยุง ติ ชวง. มัฮ โม ป เกง นึง ยุฮ แตะ ป ฆอก ป เบร. กัน ไมจ ปังเมอ โอ เกียฮ ยุฮ อื เฟือฮ,” อัฮ เซ พะจาว.

ติโต 3:3

ไพรม อื เอะ มัฮ โรฮ ปุย งาว ปุย ไงญ ตอก เซ. เนอึง โตว โรฮ ป อัฮ พะจาว ไม่ ไลจ นึง จุ โอเอีฮ แตะ. แปน โรฮ ครา กัมกุยฮ ฆอก แตะ นึง ซาวป แตะ ยุฮ ป มวน โฮวน เจือ. จีวิต เตอะ นาวก นึง รพาวม กุยจ วัว ไม่ รพาวม ฆอก. ปุย ไฮญ เกละยุ เอะ ฆาื อื. เอะ เกละ โรฮ ยุ ปุย ไฮญ.

1 โมเซ 5:1

ไลลวง เฮี มัฮ ไลลวง จัตเจือ อาดั่ม. เญือม ยุฮ พะจาว ปุย มัฮ ยุฮ อื ตอก ฮุป ฮอย โกะ แตะ.

ลืลาว 106:39

โม โกะ อื เอีจ แปน โรฮ ปุย รแอม ละ พะจาว ฆาื กัน ฆอก ยุฮ อื เซ. กัน ยุฮ อื เซ เอีจ เมาะ เอิน กัน เลนจุ ละ ง่อต พะจาว อื.

ลืลาว 106:29

เอีจ มัฮ ยุฮ อื ป กุยจ วัว ละ พะจาว, มัฮ เซ ป ฮาวก รพาวม พะจาว ละ อื ฆาื อื. เกือฮ พาญัต ฆอก ตอก ฮา ฮอยจ ละ อื.

ลืลาว 99:8

โอ เยโฮวา ป มัฮ พะจาว ยุฮ เอะ, ปะ โลยฮ เนอึม เปอะ รซอม ปัว โม ปุย ไน เปอะ ละ อื. ปะ ปัง เกือฮ เปอะ ปุย ไน แตะ ลอก ตุต ฆาื ยุฮ อื ป พิต ละ เปอะ, ปะ เปลีฮ ลั่ง เปอะ มัฮ แตะ พะจาว ป โอ ทื โซะ โระ โกลยจ พิต ยุฮ อื เซ ละ อื.

คูไมจพันญา 8:1

ป ยุง ตอก มัฮ ตอก มอยฮ โอเอีฮ ฮี เอีจ มัฮ ปุย ไมจ กัมกึต วิไซ โน่ง. กัมกึต วิไซ ไมจ เซ มัฮ ป เกือฮ ปุย กาึฮ นา ซดู ตา, ปัง มัฮ ปุย เฟียก ดาวม ซ เกียฮ เปียน ติ แตะ เบือ อื.

เอเซเคียน 28:15

บุน เอีจ ฟวยจ อื ปะ ดิ ไก โตว กัน พิต กัน โฌวะ ยุฮ เปอะ เฟือฮ เอิน, เน่อึม เญือม ซัง โรง อาึ เปอะ ฮอยจ ละ ซเงะ ยุ อาึ กัน พิต ยุฮ เปอะ เซ.