5 โมเซ 4:6 - ้พระคัมภีร์ละว้า

⁶ ไมจ เปอะ ยุฮ เนอึม ตัม โกตไม เฮี เดอึม เมือง ปุย ไฮญ ซ ยุ กัมกึต ไมจ พันญา ดอยฮ เปอะ. เญือม ฮมอง อื โกตไม ยุฮ เปอะ เซ, โม เซ ตึน ซ อวต ลื โม เปะ ตอก เฮี, “ปุย เมือง ระ เฮี มัฮ เนอึม ปุย ไก ซติ พันญา ไมจ ไม่ คาวไจ อื โอเอีฮ,” ตึน ซ ลื โม เปะ ตอก เซ.

5 โมเซ 4:6 Referans Kwoze

โยป 28:28

พะจาว อัฮ เฮี ละ ปุย ปลัฮเตะ, ‘ง่อต เมอะ, ปุย ดัฮ ฆวต ไอฮ กัมกึต วิไซ ไมจ แตะ, ไมจ อื ฮลัต นึง พะจาว ไม่ นัปทื เนอึม แตะ. ดัฮ ฆวต เกือฮ ติ แตะ คาวไจ โอเอีฮ, ไมจ อื ละ โปวฮ ป ฆอก ป เบร,’ อัฮ เซ.”

ลืลาว 111:10

ปุย ดัฮ ฆวต ไอฮ กัมกึต วิไซ ไมจ แตะ, กา โอเอีฮ ไฮญ ไมจ อื นัปทื เนอึม พะจาว. เมาะ ป ยุฮ ตัม ลปุง ซตอก อื อาึง ซ เกียฮ คาวไจ โอเอีฮ ฆาื อื. ไมจ ปุย ลืลาว พะจาว โอ เญาะ ไก ลอยจ.

2 ทิโมที 3:15

ตึน ซ ไตม โรฮ เปอะ ยุง แตะ พะทัม เน่อึม เญือม มัฮ ลั่ง เปอะ กวนดุ โฮ. พะทัม เซ มัฮ ป ซัมคัน ป เกียฮ เพอึก ปะ เกือฮ โฮลฮ กัมกึต วิไซ ไมจ แตะ, ฮอยจ ละ โปน เปอะ มั่ป เบือ เจือ เปอะ พะเยซูคริต.

1 กซัต 4:34

กซัต เมือง ปุย เลี่ป ปลัฮเตะ, เญือม ฮมอง อื ไลลวง ไมจ กัมกึต วิไซ ยุฮ ซาโลมอน เซ, เกือฮ ปุย ฮอยจ ง่อต ป อัฮ อื ฆาื อื.

ยาโคโบ่ 3:13

มัฮ ปุย ป ไก กัมกึต วิไซ ไมจ ไม่ ยุง แตะ โอเอีฮ ไน เปอะ? ไมจ ปุย เซ เปลีฮ ละ ปุย นึง กัน ยุฮ แตะ ไม่ ซลิต ซโลม ไมจ แตะ, นึง รพาวม ปึกๆ ออนๆ แตะ ไม่ ซติ พันญา แตะ.

เยเรมี 8:9

“โม ป ไมจ กัมกึต ลลาึง เปอะ ซ โซะกิจ ปิญไง่ ฆาื อื. ซ ซุกซัก รพาวม ฮอยจ ละ โฮลฮ ปุย โฮมวต. เอีจ ฟวยจ ละ โปวฮ อื ลปุง พะจาว. มัฮ วิซา พันญา ตอก เมอ ป อาวต ลั่ง นึง อื?

ซตอกรเง่อึม 1:7

ปุย ดัฮ ฆวต ไอฮ ป ยุ ป ยุง แตะ, กา โอเอีฮ ไฮญ เญอ ไมจ อื นัปทื เนอึม พะจาว. ปุย งาว ปังเมอ เพียก กัมกึต วิไซ ไมจ ไม่ ลปุง เพอึก ตอม ปุย แตะ เซ.

ลืลาว 19:7

พะทัม โกตไม ยุฮ พะจาว มัฮ ป ญุ่ก เญาะ เติ. เกียฮ เกือฮ ป ไลจ รพาวม โฮลฮ แม รพาวม ไมจ มวน แตะ. ลปุง ซตอก รเง่อึม พะจาว มัฮ ป แจง ป แน. เกียฮ เกือฮ พันญา ไมจ ละ ป งาว ป ไงญ.

มาลาคี 3:12

เญือม เซ ปุย โครยญ เมือง ซ อัฮ โม เปะ มัฮ ปุย แปน ดี่ นึง ซ มัฮ ปลัฮเตะ อาวต โม เปะ ปลัฮเตะ ไมจ ฮา ปลัฮเตะ ก ไฮญ,” อัฮ เซ พะจาว ป กุม ตฮัน มะลอง.

ด่านีเอน 1:20

ไลลวง ป เกว ไม่ พันญา พันญวง กัมกึต วิไซ ไมจ, เมาะ ป ไฮมญ กซัต นึง อื, กซัต เซ ยุ มัฮ อื โม ด่านีเอน ป เกง ฮา โม มอ ดู่ เมือ ไม่ โม ป ซโปก ซักซี เตือง โอยจ อื ป อาวต ไน บั่นเมือง ยุฮ แตะ กาว เตะ เอิน.

ซตอกรเง่อึม 14:8

ปุย ไมจ กัมกึต เตอ, ซ ซาวป แนฮ คระ ตอก ซ เกียฮ ยุง แตะ โอเอีฮ. ปุย งาว เยอ ปังเมอ จุ ไอฮ โกะ แตะ.

ด่านีเอน 4:9

“เบ่นเทชัตซา ป มัฮ ฮัวนา โม ป ดู่เมือ เตือง โอยจ อื, อาึ ยุง เงอะ อาวต ลปุ ซัมคัน ยุฮ โม พะ โม จาว นึง เปอะ. ไก โตว ไลลวง ป โด่ะ ป ฮลาวง ลอน ปอ โอ เปอะ เญาะ เกียฮ กัฮ เกียฮ แก เยอ. เคียง มัฮ อื ตอก เซ เยอ, ปัว ปะ ง่อต ป รโมะ อาึ ยุ เฮี ไม่ รโฮงะ เปอะ ตอก มัฮ อื เนิ.

5 โมเซ 29:9

ไมจ เนอึม เปอะ เครอึง นึง ซ ยุฮ แตะ ตัม ลปุง ซันญา พะจาว อาึง ไม่ เปอะ. ดัฮ เปอะ ยุฮ ตอก เซ กัน ยุฮ เปอะ โครยญ เจือ ซ จเลิน ปุ โฮว ปุๆ

5 โมเซ 32:47

ไลลวง เฮี มัฮ โตว ป แตวะ ไล ละ เปอะ, เอีจ มัฮ เอิน ไลลวง จีวิต โม เปะ. ไลลวง เฮี มัฮ ป เกือฮ โม เปะ โฮลฮ จีวิต ลั่ง เลี่ญ แตะ นึง บั่นเมือง ป ซ เตือง เปอะ โกลง จอแด่น ละ ซ โฮลฮ เปอะ เลียก กุม เซ,” อัฮ เซ.

เอเซเคียน 5:5

พะจาว เยโฮวา อัฮ แม เฮี, “แก แลน เยรูซาเลม เฮี เมอะ. อาึ เอีจ เกือฮ เวียง เซ อาวต บั่กบวน เมือง ปุย ไฮญ. เมือง ปุย ไฮญ เญอ อาวต รวิต รเวียง อื ปอ ไคว อื.

โฮเชยา 8:12

ปัง เอีจ ไซฮ อาึ อาึง ลปุง เพอึก ตอม ละ โฮวน ลัมเลือ คอ, โม เซ เมีญ เยือ อื มัฮ เมาะ โอเอีฮ ป ตัง เจือ ละ แตะ โน่ง.

ลืลาว 19:8

ลปุง เพอึก ตอม พะจาว ละ ปุย มัฮ ป ปุก ป ลอก. มัฮ ป เกือฮ รพาวม ไมจ มวน ละ โม ป เนอึง ป อัฮ อื. ป อัฮ พะจาว อาึง มัฮ ป เนอึม โครยญ มวยญ. ซเปีย ยุฮ รพาวม ปุย.

ซตอกรเง่อึม 1:4

ซ เกือฮ ปุย งาว ปุย ไงญ แปน ปุย ดอฮ เฮียง เฮรี กึต. ปุย นุม อาญุ ซ ไก โรฮ ป ยุง เบือ อื ไม่ ยุง อื ตอก ซ ยุฮ ซ อัฮ แตะ โอเอีฮ.

ซตอกรเง่อึม 1:5

โม ป เฮียง ป ยุง ดัฮ ง่อต อื ซ แปน ควน บุ อื ป ยุง แตะ นึง. โม ป คาวไจ โอเอีฮ ซ โฮว ละ เกียฮ คิต เกียฮ ง่อต แตะ เบือ อื.

ซตอกรเง่อึม 14:34

ปุย ดัฮ ยุฮ กัน ซื กัน ไซ โฮ, แปน โญตซัก ละ ปะเทต อาวต อื. ดัฮ ยุฮ กัน มั่ป โฮ, ปังเมอ มัฮ ควน ไลจ มอยฮ ปะเทต อาวต อื เซ.

อิซยา 42:21

พะจาว มัฮ ป ซื ป ไซ, เอีจ มัฮ ป ปุก รพาวม อื ละ ซ เกือฮ อื ลปุง เพอึก ตอม ยุฮ แตะ เซ แปน ป ระ ไล ไม่ ไก โญต ไก ซัก แตะ เบือ อื.