2 ปัว เกือฮ ลปุง เพอึก แตะ ราื ตอก ตอม เฮละ โฮ. เกือฮ กัม อู กัม รไต แตะ ราื ตอก รน่ะ โฮ. มัฮ ตอก เฮละ บรุฮๆ ราว ไรป ซงา จัว โฮ. ตอก โรฮ เฮละ แปน คัก อื ละ พักเญือ โฮ.
ปัว เปอะ เกือฮ กซัต เซ แปน ป ชุม ป เย่น ตอก รอาวม เฮละ ป ราื ราว ไรป นึง กังเด่น โฮ, ตอก โรฮ รอาวม เฮละ ป โซ ปลัฮเตะ โรฮ.
โม อิซราเอน ป ไอม ลั่ง อื เซ ซ มัฮ ตอก รอาวม รน่ะ ยุฮ พะจาว ป เกียฮ เกือฮ ปุย โฮวน เมือง โฮลฮ รพาวม ไมจ มวน แตะ เบือ อื. ซ มัฮ โรฮ ตอก เฮละ ซวย ป เกียฮ ไมจ ยุฮ พักเญือ ซมา ปุย โฮ. มัฮ โม ป เปิง พะจาว, มัฮ โตว เปิง อื ปุย ปลัฮเตะ.
พะจาว ปังเมอ อัฮ อื ตอก เฮี, “โม เปะ โม เอฟราอิม ไม่ โม ยูด่า เยอ, อาึ ซ ยุฮ ละ โม เปะ ตอก เมอ แล? รพาวม ฮรัก โม เปะ อาึ เซ เอีจ ไฆร พราวป ลัมเลือ เอิน ตอก พาวง โกลง โฮ, ตอก โรฮ ไกลจ ไฆร รน่ะ เมือ กซะ อื โฮ.
ปุย เซ ซ ตอก ซเปีย ซเงะ เญือม โอก โรง อื โฮ. ตอก โรฮ เญือม บวยฮ มะลอง ฟวยจ เฮละ พริ โฮ, ละ ซ เกือฮ อื พักเญือ เกียฮ กวยฮ นึง ปลัฮเตะ.’
ปลัฮเตะ ป ดวต รอาวม เฮละ ราื นึง แตะ ไม่ เกือฮ อื ป ซมา ลโลวง ปุย กวยฮ, ละ ซ ไก ป มัฮ อื ละ ป มอก ม่า ยุฮ ชิจ เจอ, พะจาว ซ ปิฮ มุ่น ละ อื.
ไมจ เปอะ ปัว รอาวม เฮละ นึง พะจาว เญือม เติง เวลา ลัง เฮละ อื. มัฮ พะจาว ป เกือฮ ชุต รวู ไก ละ ซ แปน อื รอาวม เฮละ ละ ปุย เยอ, ละ ซ เกือฮ อื พักเญือ ไม่ ป ซมา ลโลวง ปุย นึง ชิจ นึง ม่า ไมจ.
อาึ ซ แปน ตอก รอาวม รน่ะ ละ โม อิซราเอน, โม เซ ซ โฮลฮ รพาวม ไมจ มวน แตะ ตอก โพรยฮ เตีย ด่อก ลีลา โฮ. ซ โฮลฮ ซาึต แรฮ แตะ โด่ะ ตอก โคะ นึง เลบ่านอน โฮ.
ปะ เกือฮ เปอะ รอาวม เฮละ ราื ฮอยจ ละ ปลัฮเตะ ป เอีจ ไท เอีจ เพรียง ปุย อาึง, ละ ซ เกือฮ เปอะ เตะ เซ ชุม ปอ เกียฮ ซมา ปุย โอเอีฮ นึง. มัฮ ปะ ป ปิฮ มุ่น ละ ป ซมา ลโลวง ปุย เกือฮ ไมจ เจอ.
รซอม ป เพอึก ตอม อาึ เปอะ เฮี มัฮ ป ไมจ ละ เปอะ. ปุ ละ โปวฮ ติ เจือ เนอึม.
ปเลี่ย เฮี ปะ ไมจ เปอะ ง่อต ที ลปุง พะจาว เซ. ปะ เอีจ คัต เปอะ อาึ โอ ซึป ลปุง พะจาว ละ โม อิซราเอน เซ, เกือฮ เปอะ โตว อาึ รโฮงะ ป ซ เกิต ละ โม จัตเจือ ยิซฮัก.
โม ป มัฮ ฮัวนา เซ ซ ปุน เป เอิน ปุย เมือง อัตซีเรีย ไม่ โฮลฮ อื ตัตเตียง เบือ ปุน รุป แตะ ไม่. เอีจ ปุน ตัตเตียง เนอึม เมือง นิมโรต เบือ อื, เอีจ ซ เกือฮ เนอึม เอะ โปน ฮา โม อัตซีเรีย ป เลียก กไน เคต เมือง เอะ ละ ซ ซะ เต อื เซ.