5 โมเซ 18:3 - ้พระคัมภีร์ละว้า

³ เญือม ทไว ปุย โมวก ไม่ แกะ เอีจ มัฮ เฮี ป มัฮ รโตง ซตุ นึง อื. เกลีป อื ติ ไม่ ซปะ อื เตือง ลอา ก บลัฮ อื ไม่ เวียกตู อื.

5 โมเซ 18:3 Referans Kwoze

5 โมเซ 12:27

ซัตซิง ทไว เปอะ ละ พะจาว เตือง ตัว อื, ไมจ โรฮ เปอะ ตอง ไม่ ฮนัม อื นึง คัน ทไว เซ. ซัตซิง ทไว เปอะ ละ พะจาว ตอก ไฮญ นึง อื เซ, ไมจ เปอะ โทก ฮนัม อื นึง คัน ทไว เซ. ป มัฮ โตะ ซัตซิง ทไว เปอะ เซ ปอน เปอะ แปน.

4 โมเซ 18:11

“โนก ฮา เซ มัฮ แม ป ทไว ไฮญ ปุย, ป กอยฮ โม อิซราเอน ทไว พิเซต ละ พะจาว เตือง โอยจ อื. อาึ เอีจ เกือฮ โรฮ แปน คอง ปะ ไม่ โม กวน รเมะ กวน รโปวน เปอะ ฮอยจ ละ เฆียง เฮี โครยญ เจน ปุย, เมาะ ป มัฮ ปุย ไน จัตเจือ เปอะ โครยญ โฆะ อื ป โอ อื มัฮ ปุย รแอม ไล ลัง โซม ปอน ตื อื.

4 โมเซ 18:12

“โอเอีฮ เมาะ ป ทไว โรง ปุย ป ตึก นึง ไมจ แตะ, ป มัฮ ลออยฮ กาวก, รอาวม อะงุน, ไม่ เฮงาะ รโกะ, อาึ เอีจ เกือฮ แปน คอง เปอะ.

2 โมเซ 29:27

“เฆิม เฮี โฮว ไป นา เยอ เญือม ดุฮ ปุย ปุย เกือฮ แปน ซตุ อู, เนะ รน่าวก ไม่ เนะ รเวือง แกะ โปก ป โกว ปุย ละ ดุฮ อื ปุย เกือฮ แปน ซตุ เซ มัฮ ป ทไว ปุย ละ อาึ. เอีจ มัฮ ป ลอา เจือ เซ ป มัฮ รโตง อาโรน ไม่ โม กวน อื. มัฮ ป ลัง โฮลฮ ลอป อื เน่อึม นึง โม อิซราเอน โอ เญาะ ไก ลอยจ. มัฮ ป ทอเนาะ ปุย อาึง ละ โม ซตุ เน่อึม นึง ป ทไว อื ละ รโจะ แตะ รพาวม แตะ ไม่ พะจาว.

3 โมเซ 22:7

ดัฮ ซเงะ เอีจ เลียก โฮ, โฮลฮ แม โรฮ แปน ปุย ซง่ะ ไล แม. ฟวยจ เซ โฮลฮ โซม ปอน อื ป ทไว ปุย เซ, นึง มัฮ อื ป ลัง โฮลฮ อื.