ด่านีเอน 6:3 - ้พระคัมภีร์ละว้า

³ ฟวยจ เซ, ด่านีเอน เปลีฮ ที ไมจ กัน ยุฮ แตะ ฮา ปุย ลอา เซ ไม่ ฮา โม จาวเมือง เตือง โอยจ อื. เญือม ยุ กซัต ไมจ กัน ยุฮ อื ตอก เซ แพป โรฮ เกือฮ อื แปน ป ระ ฮา ปุย ไฮญ ไน บั่นเมือง ยุฮ แตะ เซ เตือง โอยจ อื.

ด่านีเอน 6:3 Referans Kwoze

ด่านีเอน 5:14

อาึ เอีจ ฮมอง อัฮ ปุย ปะ ไก ลปุ โม พะ โม จาว นึง เปอะ. อัฮ โรฮ ปะ ซเปีย รพาวม ไม่ คาว โอเอีฮ ไจ เปอะ ไม่ มัฮ เปอะ ปุย ตึก นึง ไมจ พันญา แตะ.

ซตอกรเง่อึม 22:29

ปะ อัม ยุ เปอะ โม ป ไก ฟีมื นึง กัน ยุฮ แตะ? โม เซ เยอ ซ โฮลฮ แปน ป รซอฮ ละ กซัต. ซ โฮลฮ รซอฮ ลลาึง โม ป ไก มอยฮ ฆาื อื.

ด่านีเอน 5:12

ปุย เซ มัฮ ด่านีเอน ป ปุก เตะ เปอะ มอยฮ โคระ ละ. อัฮ เบ่นเทชัตซา ละ อื. มัฮ ปุย ไก ป ยุ ป ยุง ไม่ คาว โอเอีฮ ไจ อื. เกียฮ รนึก รโมะ ปุย, เกียฮ คาวไจ ลปุง โด่ะ, ไม่ เกียฮ กัฮ เกียฮ แก อื ปันฮา ป ญัก ป นอ ละ ปุย โฮวน เจือ. ไมจ เปอะ กอก ด่านีเอน เซ ฮอยจ เคะ แตะ. ซ รโฮงะ ที อื ละ เปอะ ไลลวง ป ยุ ป ฮมอง เปอะ เซ,” อัฮ เซ.

เอซเทอ 10:3

มอเด่ไค ป มัฮ โม ยิว เซ โฮลฮ อาวต นึง ตัมแนง ฆรึม กซัต อาฮาซุเอรัต เซ เญี่ยะ โน่ง. เญาะ ไก โตว ปุย ไฮญ ป ระ ฮา อื. โฮลฮ เนอึม แปน ป ระ ป คาว ซน่ะ ลลาึง โม ยิว เซ. มัฮ เนอึม ปุย โฮลฮ ปุย นัปทื ไม่ ปุก อื รพาวม โม ยิว เซ เตือง โอยจ อื, นึง มัฮ อื ปุย ซาวป ตอก ซ เกียฮ เกือฮ แตะ โม เอียกปุ ยิว แตะ เซ อาวต ไมจ อาวต มวน, ไม่ เกือฮ อื โฮลฮ อาวต เฮน อาวต ฮลอง ฮอยจ ละ โม จัตเจือ อื เตือง โอยจ อื.

ด่านีเอน 9:23

เญือม ไววอน โรง ปะ ปัว โอเอีฮ เซ, พะจาว เอีจ โลยฮ อื ละ เปอะ. อาึ มัฮ ฮอยจ รโฮงะ ตอก โลยฮ พะจาว อื ละ เปอะ. พะจาว ฮรัก เนอึม ปะ. ลไล รโฮงะ อาึ อื ละ เปอะ เฮี ไมจ เปอะ ง่อต ที เกือฮ ติ เปอะ คาวไจ.

ซตอกรเง่อึม 17:27

ปุย ไก ป ยุ ป ยุง เงอ, ซ ยุง แฮน ลปุง แตะ โอ เกือฮ โฮวน ลอน. ตอก โรฮ เซ, ป ปุน อาวต ไม่ รพาวม เฮน ฮลอง แตะ, มัฮ ปุย เซ ป ไก เนอึม คิง เงอ.

คูไมจพันญา 2:13

อาึ เอีจ ยุง เงอะ, ป ไก ซติ พันญา มัฮ ป ไมจ ฮา ป งาว ป ไงญ, ตอก โรฮ ไมจ ซเปีย ฮา เฟียก โฮ.

เนฮะมี 7:2

อาึ ดุฮ โรฮ ปรเมะ ลอา ปุย แปน ป ตัตเตียง เยรูซาเลม, มัฮ ฮานานี ป มัฮ เอียกปุ อาึ, ไม่ ฮานันยา ป มัฮ ฮัวนา นึง ปอม ตฮัน เซ. ฮานันยา เซ มัฮ ปุย เนอึม รพาวม, ไม่ มัฮ อื ปุย นัปทื เนอึม พะจาว โฮฮ ฮา ปุย ไฮญ.

ด่านีเอน 5:7

กซัต เซ ดวน ปุย นึง ลเลาะ เรียง แตะ. เกือฮ อื กอก โม ป ซโปก ซักซี, โม ป เกียฮ ยุง โอเอีฮ เบือ ซโมยญ, ไม่ โม ป ไก กทา กทอง ฮอยจ เคะ แตะ. กซัต เซ อัฮ อื ละ โม ป ฮลาวง ป ยุง นึง เมือง บ่าบี่โลน เซ ตอก เฮี, “ตัม ไก ป เกียฮ ลาว นังซื เฮี ไม่ เกียฮ รโฮงะ อื ควัมไม อื เนิ อี, อาึ ซ เกือฮ ปุย เซ จาวป ลปิ พา ซี ซูวัน. เกือฮ โรฮ ไอฮ ฮนัง ไคร ไม่ ซ เกือฮ ฮะ ปุย เซ แปน ป ระ ป คาว ฮา ปุย ไฮญ นึง บั่นเมือง ยุฮ ฮุ เฮี โนก ฮา เปือะ เกอะ ไม่ อาึ อื,” อัฮ เซ.

เอซรา 4:22

ปุ ซลัฮ นึง ไลลวง เฮี, อัฮ เนอึม อัฮ แนม ละ อื, เดอึม โอ ซ แปน ป ไลจ โลม ละ กซัต. อัฮ เซ รซอม กซัต เซ.