ด่านีเอน 5:16 - ้พระคัมภีร์ละว้า

¹⁶ อาึ ฮมอง เงอะ อัฮ ปุย ปะ เกียฮ แป ควัมไม โอเอีฮ ไม่ เกียฮ กัฮ แก เปอะ ปันฮา ป ญัก ละ ปุย. ปเลี่ย เฮี ดัฮ เปอะ เกียฮ ลาว นังซื เฮี ไม่ เกียฮ รโฮงะ เปอะ ตอก มัฮ ตอก มอยฮ อื เนิ, อาึ ซ เกือฮ ปะ จาวป ลปิ พา ซี ซูวัน ไม่ จาวป เปอะ ฮนัง ไคร. ซ เกือฮ โรฮ ปะ แปน ป ระ ป คาว ฮา ปุย ไฮญ ติ เมือง เฮี โนก ฮา เปือะ เกอะ ไม่ อาึ อื,” อัฮ เซ ละ อื.

ด่านีเอน 5:16 Referans Kwoze

ด่านีเอน 5:7

กซัต เซ ดวน ปุย นึง ลเลาะ เรียง แตะ. เกือฮ อื กอก โม ป ซโปก ซักซี, โม ป เกียฮ ยุง โอเอีฮ เบือ ซโมยญ, ไม่ โม ป ไก กทา กทอง ฮอยจ เคะ แตะ. กซัต เซ อัฮ อื ละ โม ป ฮลาวง ป ยุง นึง เมือง บ่าบี่โลน เซ ตอก เฮี, “ตัม ไก ป เกียฮ ลาว นังซื เฮี ไม่ เกียฮ รโฮงะ อื ควัมไม อื เนิ อี, อาึ ซ เกือฮ ปุย เซ จาวป ลปิ พา ซี ซูวัน. เกือฮ โรฮ ไอฮ ฮนัง ไคร ไม่ ซ เกือฮ ฮะ ปุย เซ แปน ป ระ ป คาว ฮา ปุย ไฮญ นึง บั่นเมือง ยุฮ ฮุ เฮี โนก ฮา เปือะ เกอะ ไม่ อาึ อื,” อัฮ เซ.

ด่านีเอน 5:29

ฟวยจ เซ กซัต เบ่นชัตซา ดวน ปุย ตุย ลปิ พา ซี ซูวัน ไม่ ฮนัง ไคร เซ เกือฮ อื จาวป อื ละ ด่านีเอน. เกือฮ โรฮ ปุย ครอฮ ไลลวง เกือฮ แตะ ด่านีเอน แปน ป ระ ป คาว ฮา ปุย ไฮญ เตือง โอยจ อื ไน ติ บั่นเมือง เซ, โนก ฮา เปือะ โกะ แตะ ไม่ โกะ อื เซ.

1 โมเซ 40:8

ปุย ลอา เซ โลยฮ อื, “เอะ ลอา ตัง โคน ตัง รโมะ ยุ โอเอีฮ. ไก โตว ป เกียฮ รนึก เนิ,” อัฮ เซ. โยเซป อัฮ เฮี, “กัน รนึก รโมะ ปุย โม่ มัฮ พะจาว ป เกียฮ รนึก เกอ? รโฮงะ แลน ละ อาึ เมอะ รโมะ เปอะ เซ,” อัฮ เซ ละ อื.

กันไกญกอ 8:18

ซีโมน เญือม ยุ อื รัป ปุย ลปุ พะจาว เบือ ย่อง โม ไกญกอ เตะ แตะ ราว อื, ริ เอิน เกือฮ มาื ละ โม ไกญกอ เซ.

1 โมเซ 41:15

ฟาโร อัฮ เฮี ละ โยเซป, “อาึ รโมะ ยุ โอเอีฮ. ไก โตว ป เกียฮ รนึก รโมะ โอะ เนิ ติ ปุย เนอึม. อาึ เอีจ ฮมอง อัฮ ปุย ปะ เกียฮ รนึก รโมะ ปุย,” อัฮ เซ.

1 โมเซ 41:42

ฟาโร ปอยจ ไฌม ซัมคัน ยุฮ แตะ จาวป อื นึง ด่อยฮ โยเซป. เกือฮ ลปิ ซัมคัน ละ อื เกือฮ อื จาวป อื, ดุฮ โรฮ ฮนัง ไคร นึง โงก อื.

ด่านีเอน 2:6

ดัฮ เปอะ เกียฮ รโฮงะ รโมะ อาึ เซ เนิ ไม่ รนึก เปอะ เนิ, อาึ ซ เกือฮ ลังวัน ระ ละ เปอะ ไม่ เกือฮ เปอะ โฮลฮ โญตซัก แตะ. รโฮงะ แปฮ เนิ รโมะ อาึ เซ. รนึก แปฮ ตอก มัฮ อื เนิ,” อัฮ เซ ละ อื.

ด่านีเอน 2:48

เญือม เซ กซัต เกือฮ ด่านีเอน แปน ป ระ ฮา ไพรม แตะ. เกือฮ โรฮ ลังวัน ระ ละ อื โฮวน เจือ. เกือฮ อื เตียง จังวัต บ่าบี่โลน เตือง จังวัต อื. เกือฮ โรฮ อื แปน ฮัวนา โม ป ฮลาวง ป ยุง เตือง โอยจ อื ไม่ อื.

ด่านีเอน 6:2

กซัต เซ เลือก ด่านีเอน ไม่ ปุย ไฮญ ลอา ปุย. ดุฮ อื เกือฮ แปน ป ควป คุม แลน แก โม จาวเมือง เตือง โอยจ อื เซ, ละ ซ เกือฮ อื กัน ยุฮ แตะ เซ จเลิน โฮว ลั่กกา แตะ โครยญ โดฮ.