โคโลซี 3:15 - ้พระคัมภีร์ละว้า

¹⁵ ป มัฮ ไมจ เปละ ลโลวง พาวม เกือฮ พะคริต ละ เปอะ เซ, ไมจ เปอะ เกือฮ ตัตเตียง โอเอีฮ โตะ รพาวม เปอะ. พะจาว เอีจ กอก โม เปะ ละ ซ โฮลฮ เปอะ รโจะ ดิ แปน ปุย ติ โม่ว, เดอึม เปอะ ซ โฮลฮ ไมจ เปละ ลโลวง พาวม แตะ ตอก เซ. ไมจ โรฮ เปอะ ยุง ญันดี่ ลอป นึง พะจาว.

โคโลซี 3:15 Referans Kwoze

โยฮัน 14:27

อาึ เกือฮ ไมจ เปละ ลโลวง พาวม ละ เปอะ. ไมจ เปละ ลโลวง พาวม ป เกือฮ อาึ ละ โม เปะ เซ, ตอก โตว ป เกือฮ ปลัฮเตะ เฮี ละ เปอะ. ปุ เกือฮ ติ เปอะ เดื่อต เนือะ ฮอน ไจ. ทัน โตว ฮลัต เตีจ.

อิซยา 26:3

โอ พะจาว, ปะ เกือฮ เปอะ ปุย เนอึม รพาวม โฮลฮ อาวต ไม่ ไมจ เปละ ลโลวง พาวม แตะ กุมปอ นึง อาึง อื รพาวม แตะ นึง ปะ.”

นังซื รโปะ ปาวโล ละ คริตซจัก เวียง โรม 15:13

มัฮ พะจาว ป เกียฮ เกือฮ ปุย โฮลฮ ลั่ก ซโอว รพาวม แตะ แจง แน. ปัว พะจาว เซ เกือฮ โม เปะ นาวก นึง รพาวม ไมจ มวน แตะ, ไม่ เกือฮ อื ไมจ เปละ ลโลวง พาวม ละ เปอะ โครยญ เจือ, เบือ อาึง โม เปะ รพาวม แตะ นึง อื, เดอึม เปอะ ซ โฮลฮ แนฮ ซโอว รพาวม ไม่ พะจาว โฮวน ปุ ปุ เบือ อัมนัต ลปุ พะจาว เซ.

1 เทซะโลนิกา 5:18

ไมจ เปอะ เกือฮ ติ แตะ ญันดี่ ไม่ พะจาว นึง โอเอีฮ โครยญ เจือ. เอีจ มัฮ เซ ป ปุก รพาวม พะจาว ละ โม เปะ เอ, มัฮ เบือ รโจะ เปอะ รพาวม แตะ ไม่ พะเยซูคริต.

ลืลาว 29:11

มัฮ พะจาว ป เกือฮ เรียง แด่น ละ โม ปุย ไน แตะ, ไม่ ปิฮ อื กุนมุ่น ละ, เกือฮ อื โฮลฮ อาวต เฮน อาวต ฮลอง.

นังซื รโปะ ปาวโล ละ คริตซจัก เวียง โรม 5:1

เคียง เอีจ โฮลฮ เอะ แปน ปุย ซืไซ ละ พะจาว เบือ รพาวม เจือ แตะ ตอก เซ, เอะ เอีจ โฮลฮ เนอึม อาวต ไมจ อาวต มวน ไม่ พะจาว เบือ พะโองจาว ป มัฮ พะเยซูคริต ทื เอะ เซ.

โคโลซี 3:17

เมาะ ป ยุฮ ป อัฮ เปอะ โครยญ เจือ ไมจ เปอะ ยุฮ ละ ซ รโพ เปอะ มอยฮ พะเยซู จาว นึง. ไมจ เปอะ ยุฮ ไม่ ญันดี่ เปอะ นึง พะจาว ป มัฮ เปือะ เอะ เบือ พะเยซู เซ.

โยฮัน 16:33

“โอเอีฮ ไล เฮี อาึ เอีจ อัฮ ละ โม เปะ, นึง ซ เกือฮ แตะ โม เปะ ไมจ เปละ ลโลวง พาวม, เบือ รโจะ เปอะ รพาวม แตะ ไม่ อาึ. นึง ปลัฮเตะ เฮี ซ เกิต เม่ะมั่ก ละ เปอะ โฮวน เจือ. ปัง มัฮ ตอก เซ ไมจ เปอะ เกือฮ ติ แตะ ไมจ มวน รพาวม นึง เอีจ เป อาึ โอเอีฮ ปลัฮเตะ เฮี,” อัฮ เซ.

เอเฟโซ 5:20

ไมจ เปอะ ญันดี่ ลอป ไม่ พะจาว ป มัฮ เปือะ เปอะ นึง โอเอีฮ โครยญ เจือ เบือ มอยฮ พะโองจาว ป มัฮ พะเยซูคริต ทื เอะ เซ.

2 โคริน 9:11

พะจาว ซ เกือฮ โม เปะ ไก โอเอีฮ ยุฮ โฮวน ปอ ปุน เกือฮ ลอป เปอะ ละ ปุย ไฮญ ไม่ รพาวม ซเปือฮ แตะ. โฮวน ป ซ ญันดี่ ไม่ พะจาว เบือ ป เกือฮ เปอะ ละ อื ป ซ โรวก เอะ ละ อื เซ.

เอเฟโซ 4:4

โกะ เนอึม พะคริต ไก ติ โม่ว โน่ง. ลปุ พะจาว ไก ติ โน่ง. พะจาว เอีจ กอก โม เปะ เอีญ เคะ แตะ ละ ซ เกือฮ อื โม เปะ ไก ควน ซโอว รพาวม ติ เจือ โน่ง.

นังซื รโปะ ปาวโล ละ คริตซจัก เวียง โรม 14:17

ไลลวง ตัตเตียง พะจาว รพาวม ปุย มัฮ โตว ป เกว ไม่ ไลลวง ป โซม ป ปอน ปุย. มัฮ ไลลวง กัน ซืไซ, ไม่ ไมจ เปละ ลโลวง พาวม, ไม่ รพาวม ไมจ มวน ป เกือฮ ลปุ พะจาว ละ ปุย.

ลืลาว 116:17

อาึ ซ รโฮงะ รซอม ญันดี่ แตะ เกือฮ แปน ป ทไว แตะ ละ เปอะ. อาึ ซ กอก รโฮงะ มอยฮ พะจาว.

1 ทิโมที 2:1

กา โอเอีฮ ไฮญ เญอ, อาึ ฆวต เกือฮ โม ป เจือ ไววอน ละ พะจาว. เกือฮ ปัว โอเอีฮ นึง อื, เกือฮ เพือ ปุย ไฮญ นึง รซอม ไววอน แตะ. ฆวต เกือฮ โรฮ ญันดี่ ไม่ พะจาว รโตง ปุย เตือง โอยจ อื.

โคโลซี 2:7

ไมจ เปอะ เกือฮ ติ แตะ ตอก ป ไก แรฮ โด่ะ นึง. เกือฮ ติ เปอะ ตอก ป ยุฮ เญือะ แตะ นึง โฮ. เกือฮ รพาวม เจือ เปอะ ตอน แนฮ ปุๆ ตอก ป เอีจ เพอึก ปุย ละ เปอะ โฮ. เกือฮ ติ เปอะ ปุน ญันดี่ ลอป ไม่ พะจาว.

เอเฟโซ 5:1

ไมจ เปอะ ยุฮ อัฮ โอเอีฮ ตอก ยุฮ พะจาว อื, เกือฮ โปง ไม่ มัฮ เปอะ กวน ฮรัก อื.

2 โคริน 4:15

โอเอีฮ ตอก เซ มัฮ ไก อื ละ ซ ไก ป มัฮ อื ละ โม เปะ. ดัฮ กุนมุ่น ยุฮ พะจาว ฮอยจ แนฮ ละ ปุย โฮวน ฮา ไพรม แตะ ปุ ปุ, ซ โฮวน โรฮ ป ไววอน ญันดี่ นึง อื ไม่ ซ แปน อื โญตซัก ละ พะจาว เบือ อื.

อิซยา 57:15

“อาึ มัฮ พะจาว ป ตึก นึง ระ นัน นึง ฮลาวง แตะ, มัฮ ป ไอม ลอป, มัฮ ป ซง่ะ ซงอม, อาึ อาวต ก ฮลาวง อื นา ก ซง่ะ ซงอม อื. อาึ อาวต โรฮ ไม่ โม ป ไก รพาวม ตุเตียม ไม่ ญอม อื อาวม พิต แตะ, ละ ซ เกือฮ ฮะ โม ป ไก รพาวม ตุเตียม เซ โฮลฮ แม รพาวม เรียง แตะ, ไม่ เกือฮ ฮะ ป อาวม พิต แตะ เซ โฮลฮ แม รพาวม ไมจ มวน แตะ.

รโฮงะ 7:12

อัฮ อื ตอก เฮี, “อาเมน. รซอม ลืลาว, ไม่ โญต ไม่ ซัก, ไม่ พันญา พันญวง, ไม่ รซอม ญันดี่, ไม่ อัมนัต โญตซัก, ไม่ ระ เรียง ระ แด่น, มัฮ ป โปง ไม่ พะจาว ยุฮ เอะ เน่อึม ปเลี่ย ฮอยจ เฆียง เฮี โอ เญาะ ไก ลอยจ. อาเมน,” อัฮ เซ.

เอเฟโซ 4:16

โอเอีฮ ป ไก นึง โกะ เนอึม พะคริต เซ เอีจ รโจะ ดิ ไม่ ปุ แตะ เบือ พะคริต เซ. โอเอีฮ โครยญ เจือ เซ เอีจ รติต ไม่ ปุ แตะ เบือ ลฆลอยจ อื เซ แปน ปุย ติ โม่ว. เญือม เอีจ รซอฮ โอเอีฮ อาวต นึง อื โครยญ เจือ เซ ตัม โซมกวน อื, ปุย ติ โม่ว เซ เกียฮ ระ ฮอน ปุ ปุ, จเลิน ปุ ปุ เบือ รพาวม ฮรัก.

ลืลาว 107:22

ไมจ โรฮ อื ทไว โอเอีฮ ละ, ละ ซ เปลีฮ อื รพาวม ญันดี่ แตะ นึง. ไมจ โรฮ อื กอก รโฮงะ กัน ยุฮ พะจาว เซ นึง รซอม เชีย มวน แตะ.

โคโลซี 1:12

ดัฮ มัฮ ตอก เซ ซ โฮลฮ เปอะ ญันดี่ นึง เปือะ เกอะ ไม่ รพาวม ไมจ มวน แตะ, นึง เกือฮ อื โม เปะ โปง ไม่ โฮลฮ เปอะ รโตง แตะ นึง โอเอีฮ แฮรน พะจาว อาึง ละ ปุย ไน แตะ นึง บั่นเมือง รัง ซเปีย ยุฮ อื.

ลืลาว 100:4

ไมจ เปอะ เลียก โตะ รเวือะ ฆรุง วิฮัน ยุฮ อื ไม่ รพาวม ญันดี่ แตะ นึง. เลียก นึง ควง วิฮัน เซ ไม่ ลืลาว เปอะ พะจาว. ไมจ เปอะ ญันดี่ ไม่ พะจาว. ลืลาว โรฮ มอยฮ อื.

ฮีบรู 13:15

ดัฮ มัฮ ตอก เซ, ไมจ เอะ ลืลาว ลอป พะจาว, ไม่ รโฮงะ เจือ แตะ พะเยซู ละ ปุย, เกือฮ แปน ป ทไว แตะ ละ พะจาว เบือ พะเยซู เซ.

1 โคริน 7:15

ปรเมะ ญุ่ก ปรโปวน ญุ่ก ป โอ เจือ พะจาว, ดัฮ ฆวต ละ ปุ แตะ ไม่ ปุย ไน พะจาว, เตอึม โกะ อื ไอฮ. ดัฮ มัฮ ตอก เซ, ปุย ไน พะจาว, ปรเมะ ญุ่ก ปรโปวน ญุ่ก, ไก โตว ป เกียฮ คนัป อื อาวต ไม่ ปุ แตะ, นึง เอีจ เลือก พะจาว เอะ เกือฮ อาวต ไมจ อาวต มวน ไม่ ปุ แตะ.

นังซื รโปะ ปาวโล ละ คริตซจัก เวียง โรม 1:21

โม เซ เอีจ ยุง อื ป มัฮ พะจาว ปังเมอ โอ ญอม ทไว โญตซัก ละ อื ตัม โปง อื ไม่ พะจาว. ญอม โตว ญันดี่ นึง อื เฟือฮ. กัมกึต อื แปน โอเอีฮ โอ ไก ป มัฮ ฆาื อื. รพาวม งาว อื เซ แปน ป เฟียก ตัน กไน อื.

โยนา 2:9

อาึ ปังเมอ ซ ทไว โอเอีฮ ละ เปอะ ไม่ รซอม ลืลาว เนอึม แตะ. อาึ ซ ทไว เนอึม โอเอีฮ ตัม ป เอีจ ซันญา แตะ อาึง. มัฮ พะจาว โน่ง ป เกือฮ ปุย โปน ป โอ ไมจ เจอ,” อัฮ เซ.

อิซยา 27:5

ดัฮ โม ป ตอซู ปุ แตะ ไม่ ปุย ไน อาึ เซ ฆวต เกือฮ อาึ แลน แก แตะ โฮ, ปังเมอ ไมจ อื เกือฮ ติ แตะ ปุก ปอ ปุ แตะ ไม่ อาึ. ไมจ เนอึม อื เกือฮ ติ แตะ ปุก ปอ ปุ แตะ ไม่ อาึ,” อัฮ เซ พะจาว.

อิซยา 57:19

อาึ ป มัฮ พะจาว เยอ, ซ เกือฮ ปุย โฮลฮ อาวต ไมจ มวน เฮน ฮลอง เตือง ป อาวต ซไง ไม่ ป อาวต ซดิ. อาึ ซ เรอึม ป มัฮ ปุย ไน แตะ เกือฮ ไฮ ป โซะ นึง.

1 โคริน 10:17

ปัง โฮวน โกะ โอะ, เอะ มัฮ ลั่ง ปุย ติ โม่ว นึง มัฮ คโนมปัง เซ ติ โม่ว โน่ง. มัฮ เบือ เอีจ โฮลฮ เอะ โซม ดิ คโนมปัง ติ โม่ว เซ โครยญ โฆะ แตะ.

1 ทิโมที 6:12

นึง ไลลวง รพาวม เจือ เปอะ เซ ไมจ เปอะ ตอซู เนอึม ตอซู แนม. ไมจ เปอะ ซโอว พาวม ไม่ จีวิต โอ เญาะ ไก ลอยจ เปอะ. พะจาว เอีจ กอก ปะ เอีญ เคะ แตะ ละ ซ โฮลฮ เปอะ จีวิต เซ. ปะ เอีจ รโฮงะ เปอะ รพาวม เจือ แตะ เซ ซองนา ปุย โฮวน ไม่ รพาวม กา เปอะ.