กันไกญกอ 15:39 - ้พระคัมภีร์ละว้า

³⁹ ปุย ลอา เซ เก เนอึม เก แนม ปุ แตะ ฆาื อื. ลอต รกัฮ โฮว คระ โน่งๆ ฆาื อื. บ่าระนาบ่า บะ โรวก มาระโก โฮว ไม่ แตะ, บุก ซปาว รอาวม โฮว ฮอยจ จังวัต ป มัฮ เกาะ ไซปรัต.

กันไกญกอ 15:39 Referans Kwoze

โคโลซี 4:10

อาริซทาโค ป อาวต ดิ โตะ คอก ไม่ อาึ อื, รโปะ รซอม นัปทื แตะ ละ เปอะ. มาระโก ป มัฮ คระ เฌือต บ่าระนาบ่า รโปะ โรฮ รซอม นัปทื แตะ ละ เปอะ. เอีจ ฟวยจ รโปะ ปุย รซอม แตะ ละ เปอะ นึง ไลลวง มาระโก เซ. ดัฮ เอีจ ฮอยจ เคะ เปอะ ไมจ เปอะ รัปคัม.

ยาโคโบ่ 3:2

โม เอะ เอ ตึน ซ ไก แนฮ เญือม พิต เตอะ โครยญ โฆะ แตะ. ดัฮ ไก ป โอ ยุฮ ป พิต นึง ป อัฮ ป มวยญ แตะ ติ ชวง เงอ, ปุย เซ เอีจ มัฮ ปุย ญุ่ก เญาะ เติ. มัฮ ป ปุน เตียง ไอฮ โกะ แตะ โครยญ เจือ.

กันไกญกอ 4:36

โยเซป ป มัฮ เจอ เลวี มัฮ ปุย เมือง ไซปรัต. โม ไกญกอ อัฮ บ่าระนาบ่า ละ อื. มัฮ อัฮ อื ปุย เกียฮ เกาะ โลม รพาวม ปุย ไม่.

คูไมจพันญา 7:20

นึง ปลัฮเตะ เฮี ไก โตว ติ ปุย เนอึม ป ซืไซ ลอป ปอ แปน อื ปุย ปุก โครยญ เตะ ลอก โครยญ มวยญ เญอ.

กันไกญกอ 11:20

กัง เคะ เอ โม ลุกซิก เมือง ไซปรัต ไม่ เมือง ไซริน ฮอยจ เวียง อันทิโอก ง่อน, ครอฮ โรฮ ไลลวง พะโองจาว ป มัฮ พะเยซู เซ ละ ปุย ตัง เมือง.

กันไกญกอ 6:1

ฟวยจ เซ เยอ เญือม เอีจ โฮวน ลุกซิก ปุๆ, โม ป ลปุง กริก เติ โม ป ลปุง ฮีบรู, นึง โอ โม แมฮัง ป มัฮ ไน โม โกะ อื โฮลฮ โอเอีฮ เญือม จัต ปุย โอเอีฮ โครยญ ซเง่ะ เซ.

กันไกญกอ 27:4

เอะ บุก แม ปุ โฮว ซปาว เน่อึม นา เซ แม. โฮว เดีย เกาะ ไซปรัต นึง ตัม ลอน กาื ซปาว เซ.

กันไกญกอ 15:2

ปาวโล ไม่ บ่าระนาบ่า เก เนอึม เก แนม ปุ แตะ ไม่ โม เซ ฆาื อื. ฟวยจ เซ ปุย ไน พะจาว เวียง เซ โตก โลง เกือฮ ปาวโล ไม่ บ่าระนาบ่า ไม่ ปุย ไฮญ ลลาึง แตะ ง่อน, ฮาวก เคะ โม ป โฮว ฆรอ ลปุง ตัง พะเยซู ไม่ โม ป กวต นึง เวียง เยรูซาเลม ฆาื อื.

ลืลาว 119:96

ตัม ป เอีจ ยุ เอีจ ฮมอง อาึ อื โอเอีฮ เมาะ ป อัฮ ปุย มัฮ ป ไมจ เจอ, ไก ตื ลั่ง ตอก วิต ตอก วัง. ลปุง ซตอก เปอะ อาึง ปังเมอ มัฮ ป กุม ป ปอ โครยญ เจือ เอิน.

ลืลาว 106:33

ปุย โม เซ ยุฮ โรฮ ควน ไลจ รพาวม ไอ โมเซ โรฮ, มัฮ เซ ป โคะ อัฮ ไอ โมเซ ป โอ แตะ ลัมเปิง อัฮ ฆาื อื.

กันไกญกอ 12:12

เญือม เอีจ ยุง อื คิง แตะ ตอก เซ เยอ, โฮว ฮอยจ นึง เญือะ มาเรีย ป มัฮ มะ โยฮัน มาระโก. เญือะ เซ กัมลัง รเจอึม ไววอน ปุย นึง.

กันไกญกอ 15:37

บ่าระนาบ่า ตะ เกือฮ โยฮัน มาระโก โฮว ไม่ แตะ.

1 เปโตร 5:13

คริตซจัก นึง เมือง บ่าบี่โลน มัฮ โรฮ ป เลือก พะจาว อาึง ตอก เลือก อื โม เปะ โรฮ, รโปะ รซอม นัปทื แตะ ละ เปอะ. มาระโก ป มัฮ ตอก กวน อาึ รโปะ โรฮ รซอม นัปทื แตะ ละ เปอะ โรฮ.