2 ซามูเอน 6:2 - ้พระคัมภีร์ละว้า

² เญือม เซ กซัต ด่าวิต เซ โกฮ โฮว ไม่ ปุย ยุฮ แตะ ฮอยจ นึง บ่าอาเล นึง เมือง ยูด่า เซ, ละ ซ เกือฮ อื โฮว ตุย ฮิต ลปุง ซันญา ยุฮ พะจาว เน่อึม นา เซ. ป มัฮ ฮิต อัฮ ปุย มอยฮ อื ตัม มอยฮ พะจาว กุม ตฮัน มะลอง ป อาวต นึง ก ไก ฮุป เตปด่า ไก โพรยจ เซ.

2 ซามูเอน 6:2 Referans Kwoze

1 ซามูเอน 4:4

เญือม เซ เกือฮ เนอึม ปุย โฮว นึง ย่วง ชิโล เซ, เกือฮ อื ตุย โรวก ฮิต ลปุง ซันญา ยุฮ พะจาว กุม ตฮัน มะลอง. พะจาว เซ มัฮ ป งาวม นึง ราว ฮิต ซน่ะ ฮุป เตปด่า ไก โพรยจ เซ. กวน รเมะ เอลี เตือง ลอา อื ป มัฮ โฮฟนี ไม่ ฟีเนฮัต เซ ฮอยจ โรฮ ไม่ ฮิต ลปุง ซันญา ยุฮ พะจาว นา เซ.

ลืลาว 80:1

โอ พะจาว, ป มัฮ ป แลน แก โม อิซราเอน, ปะ เอีจ นัม เปอะ จัตเจือ โยเซป ตอก นัม ปุย แกะ ยุฮ แตะ โฮ. ปัว เปอะ ง่อต ฮมอง ป ปัว เยอะ, ปะ ป งาวม ราว โม เตปด่า ไก โพรยจ เจอ, ปัว เปอะ ซอต รัง ซเปีย ยุฮ เปอะ ละ เอะ.

1 ซามูเอน 7:1

ปุย ย่วง คีริยัต-เยอาริม เซ โฮว ตุย เนอึม ฮิต ลปุง ซันญา ยุฮ พะจาว เซ, โรวก อื ฮอยจ นึง เญือะ อาบี่นาดั่ป ป อาวต นึง ไกญ ย่วง เซ. เญือม เซ ปุย มอป กัน ละ เอเลอาซา ป มัฮ กวน อื เซ, เกือฮ อื แปน ป แลน แก ฮิต เซ.

1 เปโตร 1:12

พะจาว เกือฮ โม ป ซึป ลปุง แตะ เซ ยุง โอ ป อัฮ อื เซ ซ เกิต เจน โกะ อื เซ, ปังเมอ เอีจ เกิต เจน โม เปะ เฮี. โม ป ครอฮ ไลลวง กัน ระ ไล ยุฮ พะจาว ละ เปอะ เจน ปเลี่ย เฮี, เอีจ มัฮ รโฮงะ อื ไลลวง ติ เซ ละ เปอะ เบือ อัมนัต ลปุ พะจาว ป เลีฮ เน่อึม เมือง มะลอง. โอเอีฮ ไล เซ โม เตปด่า ฆวต ยุ ฆวต ฮมอง โรฮ อื.

อิซยา 54:5

พะจาว ป ซัง โม เปะ เกิต เซ เอีจ มัฮ ตอก ปรเมะ เญือะ เปอะ. มอยฮ อื มัฮ พะจาว กุม ตฮัน มะลอง. ป โตฮ ปะ ฮา ป โอ ไมจ มัฮ พะจาว ซง่ะ ซงอม ทื โม อิซราเอน. ปุย อัฮ อื มัฮ พะจาว กุม ปลัฮเตะ เตือง โอยจ อื.

อิซยา 47:4

พะจาว ป เอีจ โตฮ เอะ เกือฮ โปน ฮา ป โอ ไมจ เซ, มอยฮ อื มัฮ เยโฮวา พะจาว ป กุม ตฮัน มะลอง, มัฮ พะจาว ซง่ะ ซงอม ทื โม อิซราเอน.

โยชูวา 15:60

ฟวยจ เซ มัฮ แม คีริยัต บ่าอัน (ป มัฮ เมือง คีริยัต-เยอาริม.) ไม่ เมือง รัปบ่า. รโจะ แปน ลอา ย่วง, ไม่ ย่วง แตวะๆ ป ไก แควน เซ โรฮ.

2 ซามูเอน 22:11

พะจาว บุก ปุ เลีฮ เตปด่า ไก โพรยจ, โปว ไม่ อื, งาวม ปุ ฮอยจ นึง กาื กอ.

1 ซามูเอน 6:21

โม เซ เกือฮ ปุย โฮว อัฮ อื ละ ปุย ย่วง คีริยัต-เยอาริม เซ ตอก เฮี, “โม ฟีลิซเตีย เซ เอีจ รแม่ ฮิต ลปุง ซันญา ยุฮ พะจาว เซ ละ เอะ. ปัว โม เปะ เลีฮ ตุย เกือฮ อาวต ไม่ เปอะ,” เกือฮ อื อัฮ เซ.

ลืลาว 99:1

พะจาว มัฮ เนอึม กซัต, ไมจ ปุย โครยญ เจือ ปุย นัปทื ปอ รกุฮ รเตียง แตะ. ก งาวม คึ ยุฮ อื อาวต ฮลาวง ฮา โม เตปด่า ไก โพรยจ. เกือฮ โรฮ ปลัฮเตะ ดุงเดียง ฆาื โรฮ นึง นัปทื แตะ.