2 ซามูเอน 6:19 - ้พระคัมภีร์ละว้า

¹⁹ จัต คโนมปัง ละ โม อิซราเอน เซ โครยญ โฆะ อื, เกือฮ อื ละ อื ติ ปุย ติ โม่ว, ไม่ โตะ กา ติ ปุย ติ ไซจ, ไม่ อะงุน ซออฮ ติ ปุย ติ แฮลป, ฟวยจ เซ โม ลัปซด่อน เซ เอีญ นึง เญือะ แตะ เตือง ไพ เตือง มัน.

2 ซามูเอน 6:19 Referans Kwoze

เนฮะมี 8:10

เนฮะมี อัฮ เฮี, “เอีญ ฮา นึง ย่วง เปอะ เมิฮ. เอีญ โซม ญุ่ก กุก ญึม นึง ย่วง เปอะ เซ. ไมจ เปอะ รฆุ ป โซม ไม่ รอาวม อะงุน ยุฮ แตะ ละ โม ป โอ ไก. ซเงะ เนาะ เฮี มัฮ ซเงะ ซัมคัน ละ พะจาว ยุฮ เอะ. ปุ เญาะ เกือฮ ติ เปอะ ไลจ รพาวม เฟือฮ เอิน. รพาวม ไมจ มวน ป เกือฮ พะจาว ละ เปอะ เซ ซ แปน เรียง แด่น ละ เปอะ,” อัฮ เซ.

เอเฟโซ 4:8

เอีจ ตอก อัฮ พะทัม อื เฮี, “เญือม ฮาวก พะโองจาว ฮอยจ ก ฮลาวง อื, เอีจ เมือะ โรวก โม ป ไป นึง แตะ ฮอยจ ไม่ แตะ โฮวน. เอีจ ปละ ซาึต โอเอีฮ ละ ปุย ไม่ อื โฮวน เจือ,” อัฮ เซ พะทัม.

กันไกญกอ 20:35

อาึ เอีจ แปน ปิม แตะ ละ โม เปะ นึง ซ เกือฮ แตะ โม เปะ แด่น ยุฮ กัน ตอก เซ โรฮ, ไม่ เรอึม เปอะ ป โอ ปุน โอ เป, ไม่ เกือฮ เปอะ ติ แตะ ไตม ป อัฮ ป มวยญ พะเยซู จาว เญือม อัฮ อื ตอก เฮี โฮ, ‘กัน เกือฮ กอยฮ โอเอีฮ มัฮ ป เกือฮ ปุย โฮลฮ รพาวม ไมจ มวน แตะ ฮา กัน เชือน โอเอีฮ,’ อัฮ เซ.”

เอเซเคียน 45:17

เญือม เอีจ มัฮ อื ซเงะ ชลอง ปุย เยอ, เญือม ฮาวก เคิ ญุ่ก, ซเงะ ลโล่ะ ทัมมด่า ญุ่ก, ป มัฮ กซัต เซ ซ ไจไซ โอเอีฮ ป ลัง ไมจ แตะ ทไว เซ. เฮงาะ รโกะ ญุ่ก, รอาวม อะงุน ญุ่ก, ซัตซิง ลัง ตอง อื ทไว เตือง ตัว อื ญุ่ก, ป ทไว อื แปน ควน โตฮ ปุย ฮา มั่ป ญุ่ก, ป ทไว อื เกือฮ แปน ควน รโจะ รพาวม แตะ ไม่ พะจาว ญุ่ก. โอเอีฮ เซ เยอ ซ แปน ควน รไซจ พิต โฌวะ ยุฮ โม อิซราเอน,” อัฮ เซ.

4 กซัต 30:24

เญือม เซ กซัต เฮเซคียา เซ เกือฮ โมวก โปก ละ ป โพรม เซ ติ เปือน ตัว, แกะ แม อาแลฮ เปือน ตัว ละ ซ เกือฮ อื โม ลัปซด่อน เซ เลียง ปุ แตะ นึง อื. โม จาวไน นึง เมือง ยูด่า เซ เกือฮ โรฮ โมวก โปก ติ เปือน ตัว, แกะ แม ติ ฮมาึน ตัว ละ โม ลัปซด่อน ฮอยจ โพรม เซ โรฮ. โม ป มัฮ ซตุ อู โฮลฮ โรฮ เกือฮ ติ แตะ แปน ปุย ซง่ะ ไล โฮวน ปุย.

4 กซัต 7:10

ปวยฮ พริ เซ แม, ปุก วันที 23 เคิ อาแลฮ นึง อื, กซัต ซาโลมอน เกือฮ โรฮ โม ลัปซด่อน เซ เอีญ ฮอยจ นึง เญือะ นึง ย่วง แตะ ไม่ รพาวม ไมจ มวน แตะ. โม เซ เยอ มวน เนอึม รพาวม นึง เปลีฮ พะจาว กุนมุ่น ยุฮ แตะ ละ ด่าวิต, ไม่ ซาโลมอน, ไม่ โม อิซราเอน ป มัฮ ปุย ไน อื เซ.

3 กซัต 16:3

จัต แม คโนมปัง ละ โม อิซราเอน โครยญ โฆะ อื ติ ปุย ติ โม่ว, โตะ แม ติ ปุย ติ ไซจ, อะงุน ซออฮ ติ ปุย ติ แฮลป, เกือฮ อื ละ อื เตือง ปรเมะ ปรโปวน.

1 กซัต 8:66

ซเงะ ซเตะ นึง อื, กซัต ซาโลมอน เกือฮ โรฮ โม ลัปซด่อน เซ เอีญ นึง ย่วง แตะ. โม ลัปซด่อน เซ ปิฮ โรฮ มุ่น ละ กซัต ซาโลมอน. ฟวยจ เซ เอีญ นึง ย่วง แตะ ไม่ รพาวม ไมจ มวน แตะ, นึง ยุ แตะ ป ยุฮ พะจาว ละ กซัต ด่าวิต กวนไจ ยุฮ อื เซ, ไม่ ป ยุฮ อื ละ โม อิซราเอน ป มัฮ ปุย ไน อื เซ โรฮ.

2 ซามูเอน 6:18

เญือม เอีจ ฟวยจ ตอง อื ทไว โอเอีฮ ละ พะจาว เซ, กซัต ด่าวิต ปิฮ มุ่น ละ ปุย เตือง โอยจ อื เบือ มอยฮ พะจาว ป กุม ตฮัน มะลอง.

2 ซามูเอน 6:20

เญือม เซ ด่าวิต เอีญ ปิฮ โรฮ มุ่น ละ ครอปครัว เญือะ โกะ แตะ ไอฮ. มีคัน กวน รโปวน ซาอุน เซ โอก เคะ ด่าวิต เซ. อัฮ เฮี ละ อื, “ซเงะ เนาะ เฮี กซัต ยุฮ โม อิซราเอน โฮลฮ เนอึม โญตซัก ระ ลัมเลือ แตะ, เอีจ ปอยจ เอิน เครอึง เซอึก แตะ ซองนา กวนไจ รโปวน แตะ ตอก ปุย รัมนา โฮ,” อัฮ เซ.

3 กซัต 16:43

ฟวยจ เซ โม ลัปซด่อน เตือง โอยจ อื, ตัง โคน ตัง เอีญ, ฮอยจ นึง ย่วง โกะ แตะ เตือง ไพ เตือง มัน. กซัต ด่าวิต เตอ โกฮ เอีญ โรฮ ละ ซ ปิฮ แตะ มุ่น ละ ครอปครัว โกะ แตะ ไอฮ.

รซอมเชียซาโลมอน 2:5

ปัว โม เปะ เกือฮ เปลิ อะงุน ซออฮ เนิ ละ ซ ปุน แม อาึ เรียง แตะ เบือ อื. เกือฮ เปลิ มักมุต เนิ ละ ซ โฮลฮ แม อาึ รพาวม แด่น แตะ, นึง เอีจ อาวต เยอะ ไม่ อัฮ เตะ ฮรัม ชวง แตะ ฆาื ฮรัก ลอน แตะ ปุย เซ.

โฮเชยา 3:1

พะจาว อัฮ อื ละ อาึ ตอก เฮี, “ไมจ แม เปอะ โฮว ติ โฮน, ไมจ เปอะ เปลีฮ รพาวม ฮรัก แตะ ละ ปรโปวน เญือะ เปอะ ป เอีจ ไก ป ฮรัก ไม่ เอีจ เลน อื จุ ไม่ เซ. ปะ ไมจ เปอะ ฮรัก ปรโปวน เซ ตอก ฮรัก อาึ โม อิซราเอน โฮ, ปัง เอีจ ลเตือฮ ปุย โม เซ ติ แตะ ฮา อาึ นึง ซาวป แตะ ไว พะ ไฮญ ไม่ เอีจ ทไว อื เปลิ อะงุน ซออฮ ละ ฮุป เซ ญุ่ก,” อัฮ เซ เนิ.

โยชูวา 22:6

โยชูวา ปิฮ มุ่น ละ ปุย โม เซ, ไม่ โปง อื โม เซ เกือฮ เอีญ. อัฮ เฮี ละ ปุย โม เซ, “โม เปะ ซ เอีญ เปอะ นึง ย่วง แตะ ไม่ กอย เตอึม เนอึม รโอฮ แตะ, โฮลฮ ปุน เปอะ โอเอีฮ. เอีจ โฮวน ซัตซิง ยุฮ เปอะ ไม่ ไคร มาื ไม่ ไร ซเงี ไม่ ไร เฮลีจ ไม่ โฮวน โรฮ เครอึง เซอึก เปอะ. ไมจ โรฮ เปอะ รฆุ ป โฮลฮ แตะ นึง กัน รุป เปอะ เซ ละ โม เอียกปุ คระ เฌือต แตะ เซ โรฮ,” อัฮ เซ ละ อื. เญือม เอีจ ฟวยจ ปิฮ อื มุ่น ละ โม เซ โยชูวา โปง โม เซ เกือฮ เอีญ. โม เซ เอีญ เนอึม. (เญือม ไอม ลั่ง อื ไอ โมเซ เอีจ มอป อาึง ปลัฮเตะ นึง บ่าชัน ละ โม มะนาเซ ตา บลัฮ เจอ. โม มะนาเซ ตา บลัฮ เจอ อื เซ แม เยอ, โยชูวา เอีจ มอป โรฮ ปลัฮเตะ ลวง บลัฮ โกลง จอแด่น ลวง ลั่ก เลียก ซเงะ ละ เกือฮ อื แปน คอง อื. ติต เอิน ปุ แตะ ไม่ ปลัฮเตะ ยุฮ โม เอียกปุ เจอ ไฮญ นึง อื.)