2 ซามูเอน 2:13 - ้พระคัมภีร์ละว้า

¹³ ป มัฮ โยอัป กวน เซรุยา ไม่ โม ตฮัน ยุฮ ด่าวิต เซ โกฮ โฮว โรฮ. รโตฮ ยุ ปุย โม เซ นึง โบ นอง นึง เมือง กิเบ่โอน เซ. ปุย โม เซ งาวม นึง เฆียง นอง เซ. อาวต เฆียง ลั่กเอีฮ อื ติ มู, อาวต เฆียง ลั่กเติต อื ติ มู.

2 ซามูเอน 2:13 Referans Kwoze

3 กซัต 2:16

โนก ฮา เซ ไก แม กวน รโปวน ลอา ปุย. มัฮ เซรุยา ไม่ อาบี่กายิน. เซรุยา เซ ไก กวน รเมะ ลอวย ปุย. มัฮ อาบี่ไช, โยอัป, ไม่ อาซาเฮน.

2 ซามูเอน 8:16

โยอัป กวน เซรุยา แปน ฮัวนา ตฮัน ยุฮ อื. เยโฮชาฟัต กวน อาฮิลุต แปน ป โซะโกะ ฮรักซา นึง นังซื ซัมคัน ยุฮ อื.

เยเรมี 41:12

โกฮ โฮว เอิน ฆาื อื ไม่ โม ตฮัน ยุฮ แตะ, อาื รุป ปุ แตะ ไม่ โม อิชมาเอน เซ. เครอึป อื นึง ย่วง กิเบ่โอน นา ก ไก นอง ระ นึง เซ.

3 กซัต 11:6

ด่าวิต อัฮ เฮี ละ โม ตฮัน ยุฮ แตะ, “ป โฮลฮ ยุฮ ยุม ไม่ โม เยบุ่ต เซ กา ปุย ไฮญ เญอ, อาึ ซ ดุฮ ปุย เซ เกือฮ แปน ฮัวนา ตฮัน ระ,” อัฮ เซ. เญือม เซ โยอัป กวน เซรุยา เลียก รุป เอิน ไม่ โม เยบุ่ต เซ รกา ปุย ไฮญ, โฮลฮ เนอึม แปน ฮัวนา ตฮัน ฆาื อื.

1 กซัต 1:7

เญือม เซ อาโด่นียา เซ ซิงซา โรฮ โอเอีฮ ไม่ โยอัป กวน เซรุยา ไม่ อาบี่ยาทา ป มัฮ ซตุ เซ. ปุย ลอา เซ พาวม ดิ โรฮ ไม่ อาโด่นียา เซ.

2 ซามูเอน 20:23

โยอัป มัฮ ฮัวนา ตฮัน ไน โม อิซราเอน เตือง โอยจ อื. เบ่ไนยา กวน เยโฮยาด่า มัฮ ฮัวนา ยุฮ ตฮัน ป มอง โซะโกะ ฮรักซา นึง กซัต.

2 ซามูเอน 2:18

กวน เซรุยา เตือง ลอวย อื อาวต ตื นา เซ, ป มัฮ โยอัป, อาบี่ไช ไม่ อาซาเฮน. อาซาเฮน เซ มัฮ ปุย เลียน ตอ ตอก จัก ปอยฮ โฮ.

2 ซามูเอน 20:8

เญือม เอีจ ฮอยจ โม เซ นึง ก ไก ซโมะ ระ นึง เมือง กิเบ่โอน เซ, อามาซา รโตฮ ยุ ปุย โม เซ. โยอัป เซ จาวป เครอึง ตฮัน แตะ, โม่ะฮุต อื เซ ไก วิจ ป อาวต โตะ รเฆือง แตะ นึง อื ปุม อื ไม่ ญวย แตะ. เญือม เอีจ โกฮ โฮว อื วิจ อื เซ ดุฮ ฮา อื, ปังเมอ ตุย แม ไปญ อื.

1 กซัต 2:5

“ไก แม โรฮ ติ เจือ แม. ปะ ตึน ซ ไตม ลั่ง เปอะ ป ยุฮ โยอัป กวน เซรุยา ละ อาึ โฮ. โยอัป เซ เอีจ ยุฮ ยุม ไม่ ฮัวนา ตฮัน ยุฮ โม อิซราเอน ลอา ปุย, มัฮ อัปเนอ กวน เนอ เซ, ไม่ อามาซา กวน เยเทอ เซ. มัฮ โฆง อื โรก เวน ละ เญือม ไมจ เมือง, มัฮ โรฮ รโตง ยุม ปุย เญือม รุป ปุย ปุ แตะ. ยุม ปุย ป โอ ไก พิต โฌวะ ยุฮ ตอก เซ เยอ, แปน ลอป เม่ะมั่ก รพาวม ตุก ละ อาึ ฆาื อื ฮอยจ ละ ปเลี่ย เฮี.

1 ซามูเอน 26:6

เญือม เซ ด่าวิต อัฮ อื ละ อาฮิเมเลก ป มัฮ โม ฮิตไท ไม่ อาบี่ไช กวน เซรุยา เซ ตอก เฮี, “มัฮ ปุย ติ ติ ป ซ โฮว ไม่ อาึ ฮอยจ นึง ไคะ ยุฮ ซาอุน เซ?” อัฮ เซ. อาบี่ไช เซ โลยฮ อื, “อาึ ซ โฮว ไม่ เปอะ,” อัฮ เซ. อาบี่ไช เซ มัฮ ปุ โยอัป.

2 ซามูเอน 23:24

มอยฮ ปุย ไฮญ นึง อื ไน โม ตฮัน เกง ป อัฮ ปุย มู ง่วย ไม่ เซ มัฮ ตอก เฮี, อาซาเฮน มัฮ ปุ โยอัป. เอนฮานัน มัฮ กวน รเมะ โด่โด่, มัฮ ปุย ย่วง เบ่ตเลเฮม. ชัมมา ไม่ เอลีคา มัฮ ปุย เมือง ฮาโรต. เฮเลต มัฮ ปุย ซฆลาวม โม เปเลต. อิรา กวน อิกเคต มัฮ ปุย เมือง เทโคอา. อาบี่เยเซอ มัฮ ปุย ย่วง อานาโทต. เมบุ่นไน มัฮ ปุย ซฆลาวม โม ฮุชา. ซันโมน มัฮ ปุย เมือง อาโฮ. มาฮะไร มัฮ ปุย เมือง เนโทฟา. เฮเลป กวน บ่าอานา มัฮ ปุย เมือง เนโทฟา. อิตไท กวน รีไบ่ มัฮ ปุย เมือง กิเบ่อา, มัฮ เจอ เบ่นยามิน. เบ่ไนยา มัฮ ปุย เมือง ปิราโทน. ฮิตได่ มัฮ ปุย อาวต โตะ โลก โบ เมือง กาอัต. อาบี่อันโบ่น มัฮ ปุย ซฆลาวม อาราบ่า. อัตมาเวต มัฮ ปุย เมือง บ่าฮูริม. เอลียาบ่า มัฮ ปุย ย่วง ชาอันโบ่น. โม กวน ยาเชน. โยนาทัน. ชัมมา มัฮ ปุย ย่วง ฮารา. อาฮิยัม มัฮ กวน ชารา ปุย ย่วง ฮารา. เอลีเฟเลต มัฮ กวน อาฮัตไบ่ ปุย ย่วง มาอาคา. เอลีอัม มัฮ กวน อาฮิโทเฟน ปุย ย่วง กิโล. เฮตโร มัฮ ปุย ย่วง คาระเมน. ปาไร มัฮ ปุย ย่วง อารัป. อิกัน มัฮ กวน นาทัน ปุย ย่วง โซบ่า. บ่านี มัฮ ปุย เจอ กาต. เซเลก มัฮ โม อัมโมน. นาฮะไร มัฮ ปุย ย่วง เบ่เอโรต, มัฮ ปุย ไปญ เครอึง รุป ยุฮ โยอัป. อิรา ไม่ เกเรป มัฮ ปุย อาวต ย่วง อิตไร เตือง ลอา แตะ. อุรีอา มัฮ โม ฮิตไท. โม ตฮัน เกง เลือ เซ เตือง โอยจ อื รโจะ แปน ง่วย โรฮ อาแลฮ ปุย.