2 ซามูเอน 15:1 - ้พระคัมภีร์ละว้า

¹ กัง เคะ เอ อัปซาโลม เพรียง อาึง เลาะ รุป เซิก ไม่ บรอง ละ โกะ แตะ. เกือฮ แม โรฮ โม ตฮัน โฮว ลั่กกา แตะ รฮอน ปุย.

2 ซามูเอน 15:1 Referans Kwoze

1 กซัต 1:5

ป มัฮ อาโด่นียา เยอ, มัฮ โรฮ กวน รเมะ กซัต ด่าวิต, ไม่ มัฮ แตะ ปุย ไมจ ฮุนฮัง. มอยฮ มะ อื มัฮ ฮักกิต. อาโด่นียา เซ เมีญ ติ แตะ มัฮ ป ระ ป คาว. อัฮ เฮี, “มัฮ อาึ ป ซ แปน กซัต เตอ,” อัฮ เซ. อาโด่นียา เซ มัฮ ปุทัต อัปซาโลม. เคียง เอีจ ยุม อัปซาโลม เมอ, มัฮ อาโด่นียา เซ ป กวต นึง อื ฮา ปุย ไฮญ ไน โม ป มัฮ กวน ด่าวิต เซ เตือง โอยจ อื. ปุย เซ เพรียง โรฮ เลาะ รุป เซิก, ไม่ โม ตฮัน บุก บรอง, ไม่ ตฮัน โฮว รกา แตะ รฮอน ปุย เอิน. กซัต ด่าวิต ไฮมญ โตว โรฮ ป ยุฮ ป อัฮ อื เซ ไม่ โอ โรฮ อื คัต เวียน ติ ชวง เนอึม.

ลืลาว 20:7

ปุย ง่อน อื อาึง รพาวม แตะ นึง เลาะ รุป เซิก โฮวน ยุฮ แตะ, ง่อน อื อาึง รพาวม แตะ นึง บรอง โฮวน ยุฮ แตะ. เอะ ปังเมอ อาึง รพาวม แตะ นึง อัมนัต ระ ยุฮ เยโฮวา ป มัฮ พะจาว ยุฮ แตะ.

2 ซามูเอน 12:11

“อาึ อัฮ ละ เปอะ ตัม เนอึม อื, อาึ ซ เกือฮ ปุย ไน เญือะ โกะ เปอะ ไอฮ เกือฮ ป โตะ ป ตอง ฮอยจ ละ เปอะ. อาึ ซ ตุย ปรโปวน เญือะ เปอะ ฮา เปอะ ซองนา เปอะ ง่อน. ซ เกือฮ ปรเมะ ป มัฮ คระ เฌือต โกะ เปอะ ไอฮ ฮา เปอะ. ซ ไอฮ เปงๆ เอิน อื ซองนา ปุย.

1 ซามูเอน 8:11

อัฮ เฮี, “กซัต ป ซ ตัตเตียง โม เปะ เซ ซ ยุฮ อื ละ เปอะ ตอก เฮี, ซ เกือฮ กวน รเมะ เปอะ แปน ตฮัน. ซ โฮว ไม่ เลาะ รุป เซิก ง่อน, ซ แปน ตฮัน บุก บรอง ง่อน. ซ เกือฮ อื ตอ นึง ชวง แตะ รกา เลาะ รุป เซิก เซ ง่อน.

ซตอกรเง่อึม 17:19

ปุย ดัฮ ฮรัก กัน พิต กัน มั่ป โฮ, ซ เกิต กัน รเจ รไซญ ละ ฆาื อื. ปุย ฮลาวง ลปุง เงอ, ซ ฮอยจ เม่ะมั่ก ละ ฆาื อื.

ซตอกรเง่อึม 16:18

ไลลวง เกียฮ ฮุน ปุย มัฮ ป นัม ปุย ฮอยจ ละ ไลจ โลม อื. ป อวต ติ แตะ ซดิ ไม่ ซ ฆลาื แตะ.

ซตอกรเง่อึม 11:2

ปุย เกียฮ ฮุน เนอ ซ โฮลฮ โซะกิจ ปิญไง่, ป ปึกๆ ออนๆ ปังเมอ ซ อาวต ไม่ กัมกึต วิไซ ไมจ แตะ.

1 กซัต 1:33

กซัต ด่าวิต อัฮ เฮี ละ อื, “บะ โรวก โม ป ระ ป คาว ยุฮ อาึ อื เกือฮ โฮว ไม่ เปอะ. เกือฮ ซาโลมอน กวน รเมะ อาึ เซ ฮาวก บุก ลอ ยุฮ อาึ เซ, ตาว เกือฮ โฮว ฮอยจ นึง ก ไก รอาวม ปลาึฮ กีโฮน เซ.

5 โมเซ 17:16

ป มัฮ กซัต เซ ไมจ โตว อื เกือฮ ติ แตะ ไก บรอง ยุฮ โฮวน ลอน, ไม่ โอ อื ไมจ เกือฮ ปุย แม ฮอยจ นึง เมือง อียิป ละ ซ ซาวป อื รวี บรอง ละ แตะ เซ, นึง เอีจ อัฮ พะจาว อื ละ เปอะ ตอก เฮี, “โม เปะ ปุ เญือะ แม คระ เซ เฟือฮ เอิน,” อัฮ เซ.