2 กซัต 22:4 - ้พระคัมภีร์ละว้า

⁴ “ไมจ เปอะ โฮว เคะ ฮินคียา ป มัฮ ฮัวนา ซตุ เซ, ละ ซ เกือฮ เปอะ เมีญ แลน เมาะ ไก มาื ป อาวต นึง วิฮัน เซ. มาื เซ เอีจ มัฮ มาื เกป ป มอง โตะ รเวือะ วิฮัน เซ เน่อึม นึง โม ลัปซด่อน.

2 กซัต 22:4 Referans Kwoze

2 กซัต 12:4

กซัต โยอัต อัฮ เฮี ละ โม ป มัฮ ซตุ เซ, “มาื ป โรวก ปุย ทไว นึง วิฮัน ยุฮ พะจาว เตือง โอยจ อื เซ, มาื เซีย ปุย พาซี ละ เรอึม อื วิฮัน ญุ่ก, มาื ซันญา ปุย ทไว นึง โกะ แตะ ญุ่ก, มาื ทไว ปุย นึง รพาวม ฆวต ทไว แตะ ญุ่ก, ไมจ เปอะ แฮรน อาึง นึง วิฮัน ยุฮ พะจาว.

ลืลาว 84:10

เญือม อาวต เอะ นึง ควง วิฮัน ยุฮ เปอะ ปัง มัฮ ติ ซเงะ โน่ง, ไมจ เนิ ฮา อาวต เตอะ ก ไฮญ ติ เปือน ซเงะ. อาึ ดัฮ โฮลฮ แปน ป มอง ญัม โตะ รเวือะ วิฮัน ยุฮ พะจาว ยุฮ แตะ, ไมจ เนิ ฮา ซ อาวต ซไบ่ เยอะ นึง เญือะ ยุฮ ปุย ฆอก ปุย เบร.

เนฮะมี 11:19

โม ป มอง ญัม นึง โตะ รเวือะ วิฮัน เนอ มัฮ อักคุป, ทันโมน, ไม่ โม เอียกปุ อื. ปุย โม เซ เตือง โอยจ อื ไก ติ รอย ไม่ อาลแฆลฮ โรฮ ลอา ปุย.

4 กซัต 8:14

กซัต ซาโลมอน เมกไม กัน ละ โม ซตุ ไม่ โม เลวี เซ ตัม ป เอีจ อัฮ ด่าวิต เปือะ โกะ อื เซ อาึง. เกือฮ เนอึม โม เลวี เซ แปน ป เรอึม โม ซตุ เซ, ไม่ เกือฮ อื แปน ป เชีย ลืลาว พะจาว ง่อน. เกือฮ โรฮ อื แปน ป มอง โตะ รเวือะ วิฮัน เซ ตัม เวน ลัง อาวต อื โครยญ ซเง่ะ, ตอก เอีจ อัฮ ด่าวิต ป มัฮ ป ซึป ลปุง พะจาว อาึง โฮ.

3 กซัต 9:19

ชันลุม มัฮ กวน โคเร, โคเร มัฮ กวน เอบี่ยาซัป ป มัฮ ซฆลาวม โครา. ชันลุม ไม่ โม คระ เฌือต อื มัฮ ป ลัง แลน แก โตะ รเวือะ เลียก ปุย นึง พากัง ยุฮ พะจาว. มัฮ ยุฮ อื ตอก ยุฮ จัตเจือ ไพรม อื โฆะ นึง มอง อื โตะ รเวือะ พากัง ไพรม นึง ไคะ ยุฮ พะจาว โฮ.

3 กซัต 9:11

อาซาริยา กวน ฮินคียา, มัฮ ฮัวนา โม ป รซอฮ นึง วิฮัน. ฮินคียา เซ ซึป เจือ แตะ เน่อึม นึง เมชุนลัม, ซาโด่ก, เมราโยต, ไม่ อาฮิทุป.

3 กซัต 6:13

ฮินคียา, อาซาริยา,

2 กซัต 18:18

กอก กซัต เฮเซคียา โอก เคะ แตะ เน่อึม นา เซ. เญือม เซ ไก ลอวย ปุย ป โอก ลปุง ไม่ อื. มัฮ เอลียาคิม ป มัฮ กวน ฮินคียา ติ. (ปุย เซ มัฮ ไกญ กัน เญือะ กซัต). มัฮ โรฮ เชปนา ป มัฮ เลคา ยุฮ กซัต ติ ไม่ โยอา ป มัฮ กวน อาซัป ป มัฮ ไน ทะเบี่ยน ยุฮ อื ติ.

2 กซัต 12:5

มาื โฮลฮ โม ซตุ เน่อึม นึง ป ทไว แตะ โอเอีฮ รโตง อื เซ, ไมจ โม ซตุ โซะโกะ อาึง นึง, ละ ซ เกือฮ อื ปุย เฌาะ เพรียง วิฮัน เซ นึง นา ก ไมจ อื เพรียง,” อัฮ เซ.