1 ซามูเอน 25:8 - ้พระคัมภีร์ละว้า

⁸ ดัฮ เปอะ ฆวต ยุง ที โฮ, ไฮมญ แลน นึง โม กวนไจ ยุฮ เปอะ เซ. โม เซ ตึน ซ รโฮงะ อื ละ เปอะ. เคียง มัฮ อื ตอก เซ, ปัว เปอะ เปลีฮ รพาวม เลียก พาวม แตะ ละ โม กวนไจ ยุฮ ฮุ เซ, นึง เอีจ ฮอยจ โรฮ อื ไน ซเงะ ไก กัน เลียง ยุฮ เปอะ โรฮ. ปัว โรฮ เปอะ เกือฮ โฮลฮ โรวก ป โซม ป ปอน ยุฮ เปอะ ง่อน โรฮ, นึง มัฮ อื กวนไจ ยุฮ เปอะ, ไม่ เกือฮ โรฮ เปอะ ละ ด่าวิต ป มัฮ กวน เปอะ เซ,’ อัฮ เซ.”

1 ซามูเอน 25:8 Referans Kwoze

เอซเทอ 9:19

โม ยิว ป อาวต นึง ย่วง แตวะ นึง อื, ปังเมอ ชลอง อื วันที กาว โรฮ ปาวน นึง เคิ อาด่า เซ, ลอต เอิน เกือฮ ซเงะ เซ แปน ซเงะ ซัมคัน ละ แตะ. เลียง โรฮ ปุ แตะ นึง อื ไม่ รพาวม ไมจ มวน แตะ. เกือฮ โรฮ คองควน ละ ปุ แตะ โรฮ.

ลูกา 11:41

ไมจ เปอะ เกือฮ ป โซม ป ปอน โตะ กลอง โตะ เชือม ยุฮ เปอะ เซ ละ ป ตุก ป ญัก, เดอึม โอเอีฮ ซ ซง่ะ ละ เปอะ โครยญ เจือ.

คูไมจพันญา 11:2

โอเอีฮ ป โฮลฮ ป ปุน เปอะ ไมจ เปอะ รฆุ ละ ปุย โฮวน ปุย, นึง โอ เปอะ ยุง เญือม ซ ไลจ ซ โลง แตะ นึง ปลัฮเตะ เฮี.

เอซเทอ 9:22

นึง มัฮ อื ซเงะ เป โม ยิว โม ป เกละยุ แตะ เตือง โอยจ อื, ไม่ มัฮ อื เคิ เปียน รพาวม ตุก เกือฮ แปน รพาวม บาึง, เปียน รพาวม กลาึง เกือฮ แปน รพาวม ซไบ่ ละ อื. เกือฮ ปุย จัต กัน เลียง ไน ซเงะ เซ ไม่ อาวต อื ไม่ รพาวม ไมจ มวน แตะ. เกือฮ อื แปน ซเงะ เกือฮ ปุย คองควน ละ ปุ แตะ, ไม่ เกือฮ โรฮ อื คองควน ละ โม ป ตุก ป ญัก โรฮ.

1 ซามูเอน 24:11

แลน เมิฮ, เปือะ, ป อาวต นึง เตะ อาึ เฮี. เฮี มัฮ ชวง ลปิ เปอะ. อาึ ปุน ยุฮ เนอึม ยุม ไม่ เปอะ ปังเมอ โอ ยุฮ. กิต ชวง ลปิ เปอะ เฮี โน่ง. เอีจ ที นึง เซ โอ อาึ พิต ละ เปอะ ฆาื อื. ฆวต เลฮ โตว โรฮ เตียง เปอะ. ปะ ปังเมอ ฆวต ซาวป ลอป เปอะ ยุฮ ยุม ไม่ อาึ.

1 ซามูเอน 3:6

พะจาว กอก แม อื ติ โฮน. “ซามูเอน,” อัฮ เซ ละ อื. ซามูเอน โกฮ ตอ แม โฮว เคะ เอลี. อัฮ เฮี “อาึ ฮมอง กอก ปะ แตะ. เมอ ยุฮ เปอะ นึง อาึ อื?” อัฮ เซ. เอลี อัฮ เฮี, “กวน, อาึ กอก โตว ปะ เมอ, เอีญ ไอจ เมิฮ,” อัฮ เซ ละ อื.

1 ซามูเอน 25:9

เญือม เอีจ ฮอยจ กวนไจ ด่าวิต นา เซ, รโฮงะ เนอึม รซอม เซ ละ นาบั่น เซ นึง มอยฮ ด่าวิต. ฟวยจ เซ มอง ง่อต ตอก ซ โลยฮ อื.