1 กซัต 1:33 - ้พระคัมภีร์ละว้า

³³ กซัต ด่าวิต อัฮ เฮี ละ อื, “บะ โรวก โม ป ระ ป คาว ยุฮ อาึ อื เกือฮ โฮว ไม่ เปอะ. เกือฮ ซาโลมอน กวน รเมะ อาึ เซ ฮาวก บุก ลอ ยุฮ อาึ เซ, ตาว เกือฮ โฮว ฮอยจ นึง ก ไก รอาวม ปลาึฮ กีโฮน เซ.

1 กซัต 1:33 Referans Kwoze

4 กซัต 32:30

เอีจ มัฮ กซัต เฮเซคียา เซ ป เกลาะ โตะ เลีฮ รอาวม ปลาึฮ กิโฮน เนอ, เกือฮ รอาวม เซ แม ปัต โอก ลั่ก เมือง ด่าวิต ลวง ลั่ก เลียก ซเงะ นึง อื. เมาะ กัน ยุฮ กซัต เฮเซคียา เซ จเลิน เนอึม ปุ ปุ.

1 กซัต 1:38

เญือม เซ เยอ ซาโด่ก ป มัฮ ซตุ, ไม่ นาทัน ป ซึป ลปุง พะจาว, ไม่ เบ่ไนยา กวน เยโฮยาด่า, ไม่ โม ตฮัน ป มอง โซะโกะ ฮรักซา นึง กซัต เซ, เกือฮ เนอึม ซาโลมอน ฮาวก บุก ลอ ยุฮ กซัต ด่าวิต. ฟวยจ เซ โฮว ตาว เนอึม อื ฮอยจ นึง รอาวม ปลาึฮ กีโฮน เซ.

4 กซัต 33:14

ฟวยจ เซ กซัต มะนาเซ เฌาะ บุ ฆรุง ลวง ก พริ เมือง ด่าวิต. ลวง ลั่ก โอก ซเงะ นึง อื เกือฮ ฮลาวง ฮา ไพรม แตะ. เฌาะ โก อื เน่อึม นึง โตะ โลก โบ รอาวม ปลาึฮ กิโฮน เซ, ฮอยจ ละ ก อัฮ ปุย โตะ รเวือะ กะ ไม่, ฮอยจ โรฮ ละ นึง นาตี โอเฟน โรฮ. ดวน แม โรฮ โม ฮัวนา ตฮัน ยุฮ แตะ เกือฮ โม ตฮัน ยุฮ แตะ อาวต นึง ย่วง ป ไก ปอม ตฮัน นึง เมือง ยูด่า เซ โครยญ โดฮ.

1 กซัต 1:5

ป มัฮ อาโด่นียา เยอ, มัฮ โรฮ กวน รเมะ กซัต ด่าวิต, ไม่ มัฮ แตะ ปุย ไมจ ฮุนฮัง. มอยฮ มะ อื มัฮ ฮักกิต. อาโด่นียา เซ เมีญ ติ แตะ มัฮ ป ระ ป คาว. อัฮ เฮี, “มัฮ อาึ ป ซ แปน กซัต เตอ,” อัฮ เซ. อาโด่นียา เซ มัฮ ปุทัต อัปซาโลม. เคียง เอีจ ยุม อัปซาโลม เมอ, มัฮ อาโด่นียา เซ ป กวต นึง อื ฮา ปุย ไฮญ ไน โม ป มัฮ กวน ด่าวิต เซ เตือง โอยจ อื. ปุย เซ เพรียง โรฮ เลาะ รุป เซิก, ไม่ โม ตฮัน บุก บรอง, ไม่ ตฮัน โฮว รกา แตะ รฮอน ปุย เอิน. กซัต ด่าวิต ไฮมญ โตว โรฮ ป ยุฮ ป อัฮ อื เซ ไม่ โอ โรฮ อื คัต เวียน ติ ชวง เนอึม.

3 โมเซ 19:19

“ไมจ เปอะ ยุฮ ตัม โกตไม ยุฮ อาึ. ปุ เกือฮ คอง เลียง เปอะ ติต ปุ แตะ ไม่ ซัตซิง โอ มัฮ เจือ ติ. ปุ โรฮ วัน รไม่ เฮงาะ ซมา นึง ชิจ ยุฮ เปอะ. ปุ โรฮ จาวป เครอึง เซอึก ไตญ ปุย นึง กอย ลอา เจือ โรฮ.

1 โมเซ 41:43

เกือฮ โลต บรอง นาโยก ละ อื เกือฮ อื บุก อื, เกือฮ โม ตฮัน โฮว รกา อื ไม่ ครอฮ อื ละ ปุย เกือฮ ปุย นุ่ม ไว อื. มัฮ ตอก เซ ตอก โฮลฮ โยเซป แปน ป ตัตเตียง เมือง อียิป เตือง โอยจ อื.

2 ซามูเอน 13:29

ป มัฮ กวนไจ อื เซ ยุฮ เนอึม อื ละ อัมโนน ตอก เซ, ตัม ป อัฮ อัปซาโลม ละ แตะ เซ. โม กวน กซัต ปุย ไฮญ นึง อื ตัง โคน ตัง โกฮ ตอ เอีญ, บุก ปุ เอีญ ลอ ยุฮ แตะ ติ ปุย ติ ตัว.

3 กซัต 29:22

โม เซ เตือง โอยจ อื โซม ดิ ไม่ ปุ แตะ ซองนา พะจาว ไน ซเงะ เซ ไม่ รพาวม ไมจ มวน แตะ. เญือม เซ เยอ โม เซ เรฮ แม โรฮ ลออยฮ นึง ไกญ ซาโลมอน, ละ รโฮงะ อื ละ ปุ แตะ มัฮ ซาโลมอน กซัต ยุฮ แตะ เซ. แปน ลอา โฮน เตือง เซ ดุฮ อื แปน กซัต ยุฮ แตะ นึง มอยฮ พะจาว เซ. เกือฮ แม โรฮ ซาโด่ก แปน ซตุ ละ แตะ ไม่ อื.

1 กซัต 2:35

ฟวยจ เซ กซัต ซาโลมอน ดุฮ โรฮ เบ่ไนยา เซ แปน ฮัวนา ตฮัน รโตง โยอัป เซ ฆาื อื. ดุฮ แม โรฮ ซาโด่ก แปน ซตุ รซอฮ ละ พะจาว รโตง อาบี่ยาทา เซ โรฮ.