3 กซัต 9:2 - ้พระคัมภีร์ละว้า

² โม ป โฮลฮ แม เอีญ อาวต นึง เตะ ยุฮ โกะ แตะ นึง ย่วง อาวต ไพรม แตะ รกา ปุย นึง อื, มัฮ โม ลัปซด่อน อิซราเอน ง่อน, ไม่ โม ซตุ, โม เลวี, ไม่ โม กวนไจ ป ยุฮ กัน นึง วิฮัน ง่อน.

3 กซัต 9:2 Referans Kwoze

เนฮะมี 7:73

เญือม เซ ป มัฮ โม ซตุ ไม่ โม เลวี, โม ป มอง ญัม, โม นัก โด่นตรี, โม ป ยุฮ กัน นึง วิฮัน เซ, ไม่ โม ลัปซด่อน เมาะ ป มัฮ โม อิซราเอน เตือง โอยจ อื, ลอต ยุฮ เญือะ อาวต คราว โซม แตะ นึง เมือง ยูด่า เซ, เตือง ย่วง ระ ย่วง แตวะ นึง อื.

เอซรา 8:20

โนก ฮา ปุย โม เซ เยอ, ไก แม ลอา รอย ไม่ ง่า ปุย ป ลัง รซอฮ นึง วิฮัน เซ. เอีจ มัฮ ตื จัตเจือ โม ป โจต ด่าวิต อาึง มอยฮ อื ละ ซ เรอึม อื โม เลวี นึง วิฮัน เซ.

เอซรา 2:70

โม ซตุ ไม่ โม เลวี ไม่ โม ลัปซด่อน ง่อน ลอต เอิน อาวต นึง เวียง เยรูซาเลม ไม่ ย่วง แควน เซ. โม ป เชีย นึง อื ไม่ โม ป มอง ญัม นึง อื ไม่ โม ป ยุฮ กัน นึง วิฮัน เซ ลอต โรฮ อาวต นึง ย่วง ก ซดิ อื ไม่ นา เซ. โม อิซราเอน ไฮญ นึง อื ซาวป อาวต ก อาวต จัตเจือ ไพรม แตะ.

เอซรา 2:58

จัตเจือ โม ป ยุฮ กัน นึง วิฮัน ไม่ โม จัตเจือ กวนไจ ซาโลมอน เซ เตือง โอยจ อื ไก 392 ปุย.

เอซรา 2:43

จัตเจือ โม ป ยุฮ กัน นึง วิฮัน นึง อื ป โฮลฮ อื เอีญ มัฮ ตอก เฮี. จัตเจือ ซีฮะ, ฮาชูฟา, ทัปบ่าโอต, เคโรต, ซีอาฮา, พาโด่น, เลบ่านา, ฮากาบ่า, อักคุป, ฮากาป, ชัมไล, ฮานัน, กิตเด่น, กาฮา, เรอายา, เรซีน, เนโคด่า, กัตซัม, อุตซา, ปาเซอา, เบ่ไซ, อัตนา, เมอูนิม, เนฟิซิม, บั่กบุ่ก, ฮาคูฟา, ฮารฮุน, บั่ตลุต, เมฮิด่า, ฮารชา, บ่ารโคต. ซิเซรา, เทมา, เนซิยา ไม่ ฮาทิฟา.

เนฮะมี 7:60

โม ป ลัง ยุฮ กัน นึง วิฮัน ไม่ โม กวนไจ กซัต ซาโลมอน เซ ไก 392 ปุย.

เอซรา 2:1

ฟวยจ เซ ไก โม ครา โฮวน ปุย ป โฮลฮ โอก เอีญ เน่อึม เวียง บ่าบี่โลน เซ เอีญ ฮอยจ นึง เวียง เยรูซาเลม ไม่ เมือง ยูด่า, ตัง โคน ตัง ฮอยจ นึง ย่วง โกะ แตะ ไอฮ. ปุย โม เซ มัฮ โม ป โฮลฮ กซัต เนบู่คัตเนซัน โฮมวต โรวก ละ ซ เกือฮ อื แปน ครา แตะ นึง เวียง บ่าบี่โลน เซ.

เนฮะมี 10:29

เอะ เอีจ บริญ รพาวม ไม่ โม ฮัวนา ยุฮ แตะ ละ ซ ซันญา ดิ แตะ ตอก เฮี. เอะ ซ เกือฮ ติ แตะ ปุน ยุฮ ตัม โกตไม ยุฮ พะจาว ป ซึป ไอ โมเซ ป มัฮ กวนไจ ยุฮ อื เซ ละ เอะ, ไม่ ซ ยุฮ ฮุ ตัม ลปุง ซตอก เยโฮวา ป มัฮ พะจาว ยุฮ แตะ เซ โครยญ เจือ. ดัฮ ไก ป โอ ยุฮ ตัม เซ, เกือฮ ปุย เซ ลอก ป โอยจ นึง โซะ แตะ.

เนฮะมี 11:1

โม ป มัฮ ฮัวนา ปุย นึง อื ลอต อาวต นึง เวียง เยรูซาเลม เซ. โนก ฮา เซ โม ลัปซด่อน โจก เบ่อ นึง อื. ไน ปุย กาว ปุน ซ เกือฮ อื อาวต นึง เวียง เยรูซาเลม ป มัฮ เมือง ซัมคัน เซ ติ ปุน, เตอึม เญือะ ป ปุก เบ่อ อาวต เซ, ปุย ตา ซไตม ปุน นึง อื เซ แปน ลั่ง อาวต นึง ย่วง ก ไฮญ.