5 เกรา, เชฟูฟัน, ไม่ ฮุรัม.
ชุปปิม ไม่ ฮุปปิม มัฮ กวน อิระ. (มัฮ โรฮ เจอ เบ่นยามิน.) ฮุชิม มัฮ กวน อาเฮอ. (มัฮ เจอ ด่าน นึง อื.)
เญือม เอีจ กอก แม โม อิซราเอน พะจาว เรอึม แตะ, พะจาว เกือฮ แม ป เรอึม อื ฮอยจ ฆาื อื ติ ปุย แม. ปุย เซ มัฮ เอฮุต กวน เกรา. มัฮ เจอ เบ่นยามิน. มัฮ ปุย วิ ไม่ อื. มาื โฮลฮ โม อิซราเอน เซีย พาซี ละ กซัต เอกโลน เมือง โมอัป เปอ, มัฮ เอฮุต เซ ป โฮว ตาว ละ อื.
อาบี่ชูวา, นาอามัน, อาโฮอา,
จัตเจือ เอฮุต มัฮ นาอามัน, อาฮิยา, ไม่ เกรา. โม เซ มัฮ ตื ฮัวนา ซฆลาวม ป อาวต เมือง เกบ่า. ไก ป โฮมวต โรวก เกือฮ โฮว แปน ครา แตะ, ฮอยจ นึง เมือง มานาฮัต. เกรา เซ มัฮ เปือะ อุตซา ไม่ อาฮิฮุต, แปน ป นัม ปุย เญือม โฮว อื ตอก เซ.
