ZEPHANI 3:6 - Lacid Common Language Bible

⁶ Aseing tid zigi «Mung" byu yi dangain" ri ngoo wigi jhoid za: shoem" pyam byid: bye:. Nyangnu" da" voomoo" joem ri ngoo phyo' sain" pyam byid: wigi nyangnu" da" vang khyam: joem yo' gyipyu zung joem ri byo, sain" jo, nhang: bye:. Voomoo" joem ri phang: lhei" too" khare" boem bye:. Fu" moo" khyoo: joem moo: byu hang" we' anyid loo nghoid da:.

ZEPHANI 3:6 Referans Kwoze

1Korinthians 10:6

Akhid" he: da" khyoo: dangain" gi nyangnu" koid ziyo' dakhyoo" ti" age, da" khyoo: ri ngoonu" age, myono, ziyo'- ngoonu" nyangnu" dayham" bang: yhang: ti"- phara" soolhoo: ri abo no" wa khyoo- ngoonu" ri yu" gyoug yu" ci, wa da"- khoo" shid: toin" shid too" bye.

1Korinthians 10:11

Hid: yhang: te" da" khyoo: myoo" sho' nyangnu" jang" moo: bue" lo da" khyoo: gi byu yi gootu: bang: yu" kyi" lho: khoo" shid: bue" wigi- ngoonu" ri tid poin" zid" nhang: wa shid re" lhid" to" zi nghoid. Khasu" wim ga: ri ngoonu" gi moug: myid apyaid' thang loo" wa da" ayo, moo: re" nyid eung: bang: nghoid nyid boem.

ZEPHANI 2:5

Panglai: gyid yam cang nyid da" Philisti byumyu" yi nanu" we' joem: loo" goo" wa. Aseing gi nanu" tho' moo dang: phyed pyam bye:. Nyang: gi nanu" ri phyo' sain" pyam loo: wa nanu" moo dayug we' deing loo: wa zi anghoid.

ZEKHARIA 7:14

Ngoo gi uglid zoo" mo wigi nyangnu" ri tungbau mung" khyoo: moid sain" pyam' bye:. Houg: yhi' ge da" moug: gi jham" coug: youg bue" lo" lho: houg: moo hang" we' anyid boem loo.

ESAIA 37:36

Aseing da" moug: lagyoo: dayug Asuri dab khyoo: gyoo" re" wigi gyizoo: 185,000 yug ri said pyam da:. Hau: thang: nyid" moug: boo" zoo" ri houg moo dangain" bang: shid: jo, ago".

XOIN" NGEI" 26:31

Ngoo gi nanu" da" voomoo" joem ri phyo' shoin wa. Nanu" da" noku joyoo ri phyo' pyam wigi nanu" da" ngei" xoin" ri we' ngeug pyam byid: wa.

MATHE 23:38

Yu" we' re" noku yhoem: moo" gi akoem: she: pyam too" wam: bye.

ESAIA 6:11

Ngoo gi «Aseing we"- he: zigi kha myhang myang" wa la"» ein: myid: bye:. Nyang: gi «Voomoo" joem byo, lo" lho: akoem: bue" da" ayo, ju" sho' yhoem: joem moo: byu anyid da" ayo, ju" sho' mungdain: nyang: we' jham" coug: youg bui" yo, ju" sho' myang" wa.

ESAIA 14:26

He: zigi mougmyid shid re" ngoo soin' to" da" khyoo: nghoid. Byumyu" yiri yooboo dam byid: wa shid re" nga" lo, tu: yeing bye: ga: zi nghoid da:.»

YEREMIA 9:12

Ngoo gi «Aseing we"- hau: mougmyid gi ciwim yoomo byu alid: da" dain" pyoid yoo yhang: ti" jham" coug: youg bue" byug loug la". He: ziri yo" se' gyoo: sho' hang" phajhi" se' la". Subi gootu: ri doem yo" xo' tid kyoo" wa shid re" hang" ri nang tid kyo" yu" la"» ein: myid: bye:.

YOSHU 23:4

Ngoo gi nanu" da" byumyu" yi mougmyid jonu" khyo" akhid" nyid boem shi" go" da" byumyu" yi mung" ri we' bid thu shoid Yodan gyid lang mo zi bidvang shoid Meing: gung panglai: ju" sho' ngoo oung: yu bye: da" byumyu" yi mungdain: dangain" ri nanu" ri kho' gam byid: bye:.