ZEPHANI 3:4 - Lacid Common Language Bible

⁴ Lapi: yi we' loem agi mo, yo' fain" mo, kyeing" za: danghoid boem. Nya: khainjung yi we' gyeung" shang: da" noku joyoo ri avoid avhu: bue" lo" nhang: ziyo' Mangso tarha" ri we' nyangnu" da" akyu" koid wa shid re" za: te: phoug pyam nyid boem.

ZEPHANI 3:4 Referans Kwoze

EZEKIEL 22:26

Khainjung yigi nga" tarha" ri phyo' pyam lho: gyeung" shang: khyoo: ri aphoug" nghoid ago". Nyangnu" gi gyeung" shang: ziyo' agyeungshang: khyoo: ri ci: akho' too" nghoid ago". Nyangnu" gi younglho' ziyo' ayounglho' khyoo: joem shoug" go" ziri ajhau" shid nghoid ago". Nyangnu" gi Dougno: Bidnyid ri cishu: anhang: nghoid ago". Hau: gang mo Israela byumyu" yigi ngoo ri aphoug" nghoid ago".

MALAKHI 2:8

Nghoid loug we' khainjung yi nanu" gi deingmain" da" khyoo: mo gang: lo" lho: nanu" da" jhoug" myeing" jhoug" thui: mo byu myoo" sho' mo, ri khyoo: vhang: loo" nhang: boem bye:. Nanu" yo' ngoo too" go" da" dang: thang" cab ri we' nanu" wigi lhu: phyo' pyam boem bye:.

HOSEA 9:7

Yooboo dam byid: wa ayo, gi ju" loo bye:. Hau: byumyu" yi nyangnu" shoug" kham zoo: wa moin: yi" zi yo" yu wa ayo, ju" bye:. Hau: zi bue" lo uri Israela byumyu" yi hau: khyoo: ri si' goo" wa. Nanu" gi «He: Lapi: phoo gi koo" su: nghoid da:. He: Venyi yoem boo su: gi suid" byo, da» ga: tid ago". Byu nanu" gi nanu" da" yooboo sung gyi: yoomo ngoo ri ngheing" ago".

NGOUG JI: 2:14

Re" da" lapi: yigi nang ri mhau' tid wa tho' moo jain" lho: tid kyoo" wa zi ci: we' ayoo" loo: nghoid ago". Nyangnu" da" tarha" kho" dang: gi re" yooboo ri khanham we' apau: thu' loo: nang ri mhau' pyam nyid ago". Nyangnu" gi nang ri nheigloem: thid aca" ga: myid nhang: nyid.

YEREMIA 5:31

Lapi: yigi mhoug dang: za: tid thu ago". Khainjung yigi Lapi: yi amyeing" byid: da" khyo" vhoeb ago". Houg: lho: nga" byumyu" yigi ci: dakhoin" we' angeug nghoid da:. Nghoid loug we' he: gu: dangain" lo" thang bain byug ri nyangnu" cikoid loo goo" wa la".

ESAIA 9:15

Apyaid gyi: lho: ngi: shab da" bang: gi vhuloem nghoid wigi mhau' lho: jhau" shid boem da" Lapi: yigi shoomyi: nghoid ago".

Pang Shug 19:20

Hau" akhyeung" da" gougnyhoug ni, zeing gi nya: shid khoin" moo mau" pho" alhoo: again joem ri toin" shid mo, mhau' da" lapi: yi yo' dage" thung: myheug lhoung pyam' zi shau" bye. (Nyang: gi akhyeung" goug nyhoug zeung: da" soolhoo: dab, mo, yo' akhyeung" gougnyhoug da" soolhoo: rinoku goeb, pid' bang: ri mau" pho" alhoo: again joem yo' mhau' yu su: nghoid) Nya: eig yug gi fang yo' nge" nyid da" myimi: thoem" khoug: khyoo: - adei phab' phab' du" zei kaid' zi shau" nyid ago".

2~KORINTHU 11:13

Hau: byu yi gi deungmain" da" lagyoo, yi anghoid boem. nyangnu" gi Khristu da" lagyo: gyeung" yhang: ti: bui" sho' akug void lho: mhau' fain" koid yen" mo, nghoid ago".

MATHE 7:15

«Nheugloem: ung: khoug: moo gi lang: kyen: phyo' zoo: wa ga: zeigne nheigloem: kaid ci: lho: yang yid void to" mo, nanu" jang" moo ju" loo wa mhau' da" lapi: yi ri jang" pyam' ge'.

MIKHA 2:11

«He: da" byumyu" yigi mhau' fain" ziyo' nanu" shid re" zabyid yhid: yo' yhid: yau thu ri" wa ein: da" lapi: pi: byid: ga: tid lho: mhui" jhoem" yen" da" lapi: yiri vho: nyid boem ago".

YEREMIA 23:32

Ngoo Aseing tid da" dang: ri tam" gyoo: ge'. Mhau' fain" dang: byeung" jo, da" nyangnu" yhoebmo, joem ri tid boem da" lapi: yiri ngoo thougtheung da:. Nyangnu" gi hau: joem ri tid wigi nyangnu" mhau' fain" da" dang: yo' phau: tid da" dang: wigi nga" byumyu" yiri khyoo: vhang: shu" vhang: da:. Ngoo gi nyangnu" ri anhang: kaid. Yhi: wa shid re" we' nyangnu" ri amyeing" abyid: wigi nyangnu" gi byumyu" yiri dajhi' we' ayo" pang" byid: nghoid ago". Ngoo Aseing tid too" bye:» ga: tid.

YEREMIA 8:10

Houglho: ngoo gi nyangnu" da" mougmyid joem ri subi" goo" bang: jhang byid: pyam wigi nyangnu" da" yhoem: seing: myhi' yiri we' yuggi gooji bang: jhang byid: pyam wa. Byu gyi: zoo: nge zoo: yi yugkhang" moo" gi adeingmain" khyo" ngei shoo: wa yoem kaid nyid boem. Lapi: yi yo' khainjung yi lang" byumyu" yiri mhoug zo: ago".

1 SAMUELA 2:22

Akhid" gi Eli gye" mang: bye:. Nyang: gi nya: zoo: yi Israela byumyu" yiri zoem" khau: gu: dangain" yo' Aseing da" zoem" khoem" duang: moo moo" zei: da" myiyi: yi yo' nyangnu" dage" yhoeb go" nyid ga: ziri shoug" gyoo: bye:.

TARHA" AGYI 9:4

Nyangnu" gi Bala da" dang: theing yhoem: mo ngei nyhed xi: pyi" nyang: ri byid: ago". Hau: ngei wigi nyang: gi ce: phoug" adab da" byu koo" daphung: ri nya: thang: cang goo" wa shid re" vhoo" kung: lhung: yu da:.

EZEKIEL 44:23

Khainjung yigi nga" byumyu" yiri gyeung" shang: ziyo' agyeungshang: khyoo:- thung" khyo" younglho' ziyo' ayung" alho' khyoo: shai" goo" ziri kho' wigi jhau" shid byid: ca" da:.

MALAKHI 1:6

Yoem: moo" bo da" Aseing Mangsoo gi khainjung yiri hid su" ga: tid- «Zooshang: gi nya: phoo ri phau" myang:- join we' nya: yhoem: seing: ri phau" myang:- nanu" da" nya: phoo gi ngoo nghoid ri ngoo ri khanham phau" myang: yu" go" lha". Ngoo gi nanu" da" Aseing nghoid- khanham gyoug phoug" yu" go". Nanu" gi ngoo ri aphoug" akhyoid koid lho: ngoo gi nanu" Aseing nghoid ri khanham gyoug phoug" yu" go". Nanu" gi ngoo ri aphoug" akhyoid koid lho: ngoonu" gi Aseing ri arui" yu"» ga: we' datid ashi" go".

MALAKHI 2:7

Khainjung yigi yoem: moo" bo da" Aseing Mangso da" lagyoo: yi nghoid yoomo mung" byu yiri Mangso deingmain" da" lasi phajhi" ri jhau" byid: cang bo nyid. Mung" byu yi we' ngoo vho: ngei khyoo: ri khainjung yi jang" mo yhe: jhoug" yu ca" nyid.

EZEKIEL 22:6

Israela vhujhung: yi dangain" gi nyangnu" nya: yoem: ri myid loem lho: byu said moo" shoid ago".

MIKHA 3:11

Voomoo" mo zoug: yigi khougvhoid jhungshug yoo" wa shid re" vhoebkhang" nyid ago". Khainjung yi we' aphoug" yoo" wa gu: za: tarha" ri phid: jhau" byid: nyid ago". Lapi: yigi ngei yoo" wa shid mo nyangnu" nya: da" yoeb myang ri toin" shid nyid ago". Hau: lho: nyangnu" dangain" mo, «Aseing gi ngoonu" yo' dage" nyid» ga: tid fu" nyid ago". Nyangnu" gi «Ngoonu" moo ce" yau: khe" khyoo: we' aju" wa Mangsoo gi ngoonu" yo' dage" nyid» ga: tid.