ZEPHANI 3:2 - Lacid Common Language Bible

² Nyang: gi Aseing da" mungdang: ri atam" gyoo:. Jhoug" myeing" jhoug" thui: ri we' akham: yu- nyang: gi Aseing ri we' aloem- nyang: ri akyu" we' amho' yu".

ZEPHANI 3:2 Referans Kwoze

YEREMIA 22:21

Nang yoo" zoo: yoo" shug uri Aseing gi nang ri dang: tid da:. Nghoid loug we' nang atam" gyoo: byid: nghoid da:. Hau: zigi nanu" pyaid goin" moo nanu" koid lo zi nghoid abye:. Nanu" gi khanham we' Aseing ri tid dang: alhoung tam" gyo: loo: nghoid da:.

YEREMIA 5:3

Gyeing" nyang: Aseing gi jhug zug ziri sho: da:. Nyang: gi nanu" ri baid da:. Nghoid loug we' nanu" gi ci: atam" gyoo: nghoid da:. Nyang: gi nanu" ri phyo' pyam da:. Nghoid loug we' nanu" jhau" yu wa he: ngeug pyam ago". Nanu" gi nheigloem: thain: wigi nanu" da" yooboo joem mo anau lheing: phoug loo nghoid ago".

YEREMIA 32:33

Nyangnu" gi ngoo ri nungthang phug pyam boem bye:. Ngoo nyangnu" ri xo' wigi jhau" shid nghoid loug we' anau tam" gyoo: anau jhau" yu nghoid ago".

YEREMIA 2:30

Ngoo gi nanu" ri yooboo dam byid: loug ce: akyu" aboo nghoid da:. Nanu" gi ngoo wigi nanu" ri jhau" shed wa akhang" abyid: nghoid ago". Nanu" gi nheig joem: yo: da" khangkhyi yhang: ti" nanu" da" Lapi: yiri said pyam abye:.

ESAIA 43:22

Aseing tid zigi «Nghoid loug we' Israela we"- nang gi ngoo ri he: pyam wigi nang ngoo ri anoku nghoid da:.

ESAIA 29:13

Aseing tid zigi «He: byu yigi ngoo ri noku ga: tid ago". Nghoid loug we' nyangnu" da" dang: joem gi dang: kang: aboo nghoid ago". Nyangnu" nheigloem: gi gootu: moo nghoid nyid ago". Nyangnu" da" noku thung" gi akoem: nghoid da:. Nghoid loug we' nyangnu" yu" yu" za: myid boin: da" xangsu: byu tarha" yo' thung" ri: joem za: nghoid da:.

DANG: ZHOEM 5:12

Houg: lang" nang gi: ciyoomo ngoo gi khanham we' ase' jhau" yu nyid lug lha". Byu dayug yug tid poin" tid kyeung" ziri ngoo ciwim atam" gyo: lha".

COUNG" NGHEI 78:22

Khasu" wim gari nyangnu" gi nyang: ri aloem" ajeung" ziyo' nyang: yo" khyoid yu khyoo: ri nyangnu" aloem" jeing" yoomo nghoid.

COUNG" NGHEI 73:28

Nghoid loug we' nga" shid re" koem gi Mangso jhang yo" tain" tab yhe: lo" khyoo: phung" yoeb bo da" Aseing Mangso jang" mo goem loem byid: khyoo: shoug" kham: yu lho: nyang: zei: bye: da" moo" zoo" joem dangain" ri yo" tid fu" wa zigi khayhi' mau" pho" khyoo: nghoid lha".

COUNG" NGHEI 50:17

Ngoo so' koid so' soin da" dang: ri nang gi ngeug pyam lho: wigi nga" da" amyeing" dang: joem ri nang she: pyam nyid da:.

COUNG" NGHEI 10:4

Akhyeing" ashoeb su: gi Aseing ri cishu: anhang:. Nya: da" nghoid boin: nheigloem: moo Mangsoo gi ce: yhoug: agyen: ga: myid nyid.

NEHEMIA 9:26

«Nghoid loug we' re" byumyu" yigi nang ri thougtheung gyi koid lho: re" da" tid dang: ri atam" gyoo: nghoid ago". Nyangnu" gi re" tarha" ri nungthang phug pyam ago". Nyangnu" gi nyangnu" ri tid poin" da" lapi: yiri said pyam ago". Houg bang: gi nyangnu" ri re" jhang khyoo: lheing: loo: wa khyo" tid boem. Nyangnu" gi dalheing: thang: dalheing: nang ri aphoug" akhyoid koid da:.

HEBRE 10:22

Houg: su" nghoid yoomo ngoonu" gi yooboo yoo" boin: da" nheigloem: ung: khoug: joem ri ced" yung" ced' shang: pyam' lho: ngoonu" da" gung doem: ri we' gyeungshang: da" gyid yo' bain' ced" shang: pyam' lang" ashoid' avhang: loo:- jhug zug da" loem" jeung" nheigloem: yo' Mangso jhang khyoo: yu: tain" vang lo" boem shang.

EZEKIEL 24:13

Yerusalem we"- re" akhyeing" ashoeb lo, moo" gi nang ri ayung" alho' bui" nhang: bye:. Ngoo gi nang gyeung" shang: sho' yoem: kaid nghoid loug we' nang gi ayung" alho' za: bue" jo, da:. Nang gi nga" da" nheig yo: yoem: so' ri gyi: sho' ashau" loem zoo: rigi nang doem yo" gyeung" shang: wa zi anghoid.

YEREMIA 35:17

Houg: yoomo Israela da" Mangsoo- Myhang: thang Aseing ngoo gi Yuda yo' Yerusalem byu yi adang moo ngoo dangsoo" byid: to" da" byo, yoin" zi dangain" bui" nhang: wa. Nanu" ri ngoo dang: tid uri nanu" atam" gyo: boem wigi ngoo nanu" ri khe: uri nanu" atu" boem yoomo he: ziri ngoo koid wa ga: tid da ein: yhe: tid kyoo" we' ga:.

ESAIA 31:1

Egutu mung" khyoo: pang" thoug wa ziri yhe: mho' da" bang: gi joem: lo" abye:. Nyangnu" gi Egutu da" gyidab yoem: nghoid da" myang: joem myang: rheing" joem yo' gyizoo: yiri khau: nghe: ago". Nghoid loug we' nyangnu" gi Israela da" gyeung" shang: da" Aseing Mangsoo ri akhau: nghi: nghoid ago". Pang" thug wa shid re" we' nyang: ri amho' goo" nghoid da:.

ESAIA 1:5

Ciwim yoomo thougtheung gyi koid noug go" la". Yooboo dam je myoo: sho' byid: wa ziri nanu" vhoo: go" rhe". Israela we"- re" vhuloem gi dam khoo: za: byeung" sho' nghoid jo, abye:. Re" nheigloem: yo' myid gi no nyid abye:.

DANG: ZHOEM 1:7

Nang gi lasi phajhi" yo" yu wa shid re" xang: shed" moo: Aseing ri gyoug phau" nheigloem boo ca" nyid. Byugang: yigi phajhi" ri ce" aphoug" ase' tab boem ziyo'-hau: ziri jhau" yu wa khyoo: ri ngeug pyam nyid boem.

2 TIMOTHI 3:16

Hau: jhoem: mungdang: dangain" gi Mangsoo nyang: yoem: foin: byid: ziyo' lhid" to" zi nghoid yoomo deingmain" khyoo: ri jhoug" byid: wa ziyo' shoid vhang; khyoo: ri we' yoobo toin" shid' gyikoid lho: jhoug" byid: nyid. Shoid vhang: lo" khyoo: ri so' koid so' nyheung wa ziyo' jo da" kangso' dei khyoo: moo jhoug" byid: mhoo, byid: wa shid re" akyu" bo.

YEREMIA 13:25

He: zigi nanu" da" vhu" pi: lo, kyo' nghoid loo wa ga: nyang: tid to" abye:. He: zigi nanu" ri nyang: koid wa ga: myid phyed too" bye: zi nghoid da:. Ciwim gari nanu" gi nyang: ri to" myhid pyam wigi yu phara" joem ri loem khau: abye: go".

EZEKIEL 22:24

Nyang: tid zigi «Shid: se' da" byu we"- Israela byumyu" yiri nyangnu" da" mougmyid gi agyeungshang: loo: yoomo nga" nheig yo: zigi hau: ziri yooboo dam byid: nyid zi nghoid ein: tid kyoo" we'.

ESAIA 9:12

Israela byumyu" yiri myhau: pyam wa shid re" bidthu shoid mo Suri- bidvang shoid mo Philisti bang: nyangnu" nhoid ri ho' ci: ago". Hougsu" nghoid loug we' Aseing da" nheig yo: zigi athang nghoid da:. Nya: lo, gi yooboo dam byid: wa yhoin" to" ashi".

ZEPHANI 1:6

Ngoo gi nga" jang" moo acang loo: doem tau" loo" bang: ngoo ri acang shoo: bang: anghoid lang" nyangnu" ri khyoo: shid wa shid re" akyu" amho' bang: dangain" ri phyo' shoin' pyam wa nghoid.