ZEPHANI 2:8 - Lacid Common Language Bible

⁸ Yoem: moo" bo da" Aseing tid zigi «Moba yo' Amon byumyu" yigi nga" mung" byu yiri juang" yi boem wigi nyangnu" da" mung" ri lhoid yu pyam wa ga› nghoid boin: myheung nyid ziri ngoo shoug" gyoo: bye:.

ZEPHANI 2:8 Referans Kwoze

AMO 1:13

Aseing tid zigi «Amon voo bang: gi pug lho: pug lho: yooboo ri dakoid nyid boem yoomo ngoo gi nyangnu" ri gyeing" gyeing" nyang: yooboo dam byid: wa. Nyangnu" gi mougmyid ri ce" yu wa shid re" gyi zain: lho: Gilead moug: mo gung lid: ci: da" myhi' zeing yiri voem: doug: yham" kho' pyam byid: boem ago".

YEREMIA 49:1

He: zigi Amon yo' sen: wigi Aseing tid to" zi nghoid. Hau: zigi «Israela byu yi khayoo: nghoid la". Nyangnu" mougmyid ri goem loem wa dayug we' anyid la". Nyangnu" gi Moleg ri no' da" byumyu" yiri Gad byumyu" kung: yi da" mougmyid ri ciwim seing: yu nhang: lho: houg moo tam: nyid nhang: ago" la".

YOSHU 5:9

Aseing gi Yoshu ri «Egutu mung" moo join bue" khyo" asho' ashid: bue" khyoo: ri akhid nyid" ngoo nanu" mo yu pyam byid: bye:» ga: tid. Hougsu" yoomo hau: joyoo ri Gilgala ga: myheing to" ago". Hau: myeing gi akhid" ju" sho' jo, shi" da:.

ESAIA 15:1

He: zigi Moba shid re" mungdang: nghoid. Ara yo' Kira voomoo" joem gi damyen ri za: phyo' shoin' pyam zi shoug" ago". Houg: lho: Moba mung" gi jham" coug: youg bue" byug da:.

ESAIA 16:6

Yuda byumyu" yigi «Moba byumyu" yi khayhi' nghoid boin: boem da" thui: ri ngoonu" shoug" gyoo bye:. Nyangnu" nghoid boin: lho: phau: mo, nghoid boem ziri ngoonu" se' da:. Nghoid loug we' nyangnu" phau: zigi akoem: nghoid ago"» ga: tid ago".

YEREMIA 12:14

Aseing tid zigi «Nga" da" byumyu" Israela yiri ngoo byid: to" da" mougmyid ri phyo' shoin' pyam da" Israela da" yhoem: kyoo" cang" mungdain: yiri ngoo tid wa daja: jo,. Ngoo gi hau: akhyeing" da" byumyu" yiri agyi: mo boin" lo" da" seiggam yhang: ti" yu pyam wa. Houg: lho: ngoo gi Yuda ri nyangnu" mo khyoid yu wa.

NGOUG JI: 3:61

O" Aseing we"- nyangnu" ngoo ri coem rue" nyid ziri nang shoug" gyoo: bye:. Nyangnu" da" byen pyoo: moo" zoo" dangain" ri nang si' bye:.

EZEKIEL 21:28

«Shid: se' da" byu we" Lapi: pi: we' Israela byumyu" yiri rue" nyid da" Amon byu yiri yoem: moo" bo Aseing ngoo tid nyid da" dang: joem ri tid fu" kyoo" we'. Nyangnu" ri hid: su" ein: tid we'. ‹Shamcoin" gi said wa jen" jen" nghoid nyid bye:. Hau: zigi lhab' su" yi: yi: bang wa shid re" yo' byu said wa shid re" boid yung" too" bye:.

AMO 2:1

Aseing tid zigi «Moba byumyu" yigi pug lho: pug lho: yooboo koid nyid shi" yoomo ngoo gi nyangnu" ri gyeing" gyeing" nyang: yooboo dam byid: wa. Nyangnu" gi Edom khokham da" shooyoug: ri myiyab bui" sho' nghe' lho: aphoug" akhyoid koid pyam abye: go".

ZEPHANI 2:10

Houg: gi Moba yo' Amon byumyu" yigi khuang zi phau: ziyo' yoem: moo' bo da" Aseing byumyu" yiri juang" yi doin: khyoo' yoomo shen" yhen zi thoung" shau" da" khyoo: nghoid.

APOEM AYANG: 19:37

Bi zeing yug gi yuggi nu" dayug ri khu: lho: nyang: ri Moba ga: myeing myheing bye:. Nyang: gi akhid" nyid" ayo, mo Moba byumyu" da" phoug" phyid" bue" loo bye:.

APOEM AYANG: 19:38

Bi laid yug we' yuggi nu" dayug ri co' phyed wigi nyang: ri Benammi ga: myeing myheing bye:. Nyang: gi akhid" ayo, mo Amon byumyu" da" phoug" phyid" bue" loo bye:.

YEREMIA 48:1

He: zigi Moba yo' sen: wigi myhang: thang Aseing tid zi nghoid da:. Hau: zigi «Nebo byu yigi asho" ajhen: nghoid ago". Nyangnu" voogung joem ri phyo' shoin' pyam shau" abye:. Kiriathaim gi seing: yu pyam zi shau" ago". Nya: da" yoem: bo gyidab voogung ri phyo' khyo' pyam abye: go". Nya: da" voobyu yigi sho' phu" zi shau" ago".

EZEKIEL 25:1

Aseing gi ngoo ri dang: tid da:.

EZEKIEL 35:12

Houg: lho: Israela boem joem gi jham" coug: youg nghoid wigi hau: joem gi nang myhau: pyam: wa shid re" nghoid ga: nang aphoug" akhyoid tid ziri ngoo Aseing shoug" gyoo: bye: khyoo: ri nang se' loo wa.