ZEPHANI 2:7 - Lacid Common Language Bible

⁷ Deung nyid shi" da" Yuda byumyu" yigi nanu" da" mougmyid ri lhoid yu pyam boem wa nghoid. Nyangnu" gi hau: moug: moo coidbaid kaid yang kaid jang: bui" nhang: pyam wa zi nghoid. Nyangnu" da" Aseing Mangsoo gi nyangnu" yo' dage" nyid lho: ngei pyoo: myenjham" nhang: wa zi nghoid.

ZEPHANI 2:7 Referans Kwoze

ZEPHANI 3:20

Ngoo gi byo sain" lo" da" byumyu" yiri yhoem: khyoo: doem zheing" shu" loo wa ziyo' moug: gyab goin" moo nyangnu" ri myeing fu" nhang: lho: nyangnu" ri dalheing: doem nyid gi yab ge nhang: wa da" ayo, gi ju" lo nyid bye:» ga: wigi Aseing gi tid too" bye:. Aseing tid da" mungdang: nghoid.

EZEKIEL 39:25

Yoem: moo" bo Aseing tid zigi «Nghoid loug we' akhid" ngoo gi Israela byumyu" yi nghoid da" Yaku da" amyed ashen yiri nheig khyeug yu wigi nyangnu" ri dalheing: doem nyid gi yab ge nhang: wa. Ngoo gi nga" gyeung" shang: myeing ri goem loem yu wa.

THU' LO" MOUGSOUG" 4:31

Nyangnu" loem khau: bye: ziyo' Aseing nyangnu" jhang re" lho: nyangnu" da" yau: khe" kyi" khyeug khyoo: ri re" yu" ga: zi shoug" gyoo: lang" nyangnu" goeb pid wigi noku boem bye:.

LUKA 1:68

Israela da" Mangsoo ri coung" nghei nyid ge' Aseing: gi nya: Byumyu" jang" moo gyoo" lo lho: nyangnu" ri loid byoin nang bye.

MIKHA 4:7

Nyangnu" gi khyid: yoin" wigi yhoem: moug: mo ve: gang: nyid boem nghoid loug we' nyid deing bang: mo ngo wigi aseig doem nyheing lho: nyangnu" gi gyi: sheung: da" byumyu" doem bue" loo goo" wa. Hau: ayo, mo thang: phyang" apyaid atoo: moo ju" sho' ngoo gi nyangnu" ri Ziun boem tho' moo vhoeb nyid loo wa» ga: tid.

MIKHA 2:12

«Nghoid loug we' deung nyid shi" da" Israela byumyu" yi nanu" dangain" ri ngoo doem zheung" yu wa nghoid. Ngoo gi yang khyam: khyoo: doem tau" lo da" yang phung: ri yhang: ti" nanu" ri doem shu" yu wa nghoid. Yang joem byeung" jo, da" yang kaid jang: yo' dakhyoo" ti" nanu" da" mougmyid moo byu myoo" sho' yo' doem myo: loo wa zi nghoid»

OBEDIA 1:19

Moug: pyi: shoid mo da" Yuda mung" byu yigi Edom ri zain: oung: yu wa zi nghoid. Bidvang shoid boem khyid: cang nyid mo, gi Philisti byu yiri zain: oung: yu pyam boem wa nghoid. Israela byumyu" yigi Ephrim yi' Samari yi da" mougmyid joem ri seung: pyam lho: Benyamin byumyu" yigi Gilead ri yo" yu pyam loo" wa nghoid.

YEREMIA 33:7

Ngoo gi Yuda yo' Israela ri nyid gi yab gi nhang: wa. Nyangnu" shid phyang" nghoid lo boem yhang: ti" ngoo nyangnu" ri doem tu: to' byid: wa.

YEREMIA 29:14

Nghoid bye:. Ngoo tid zigi nanu" ngoo ri myang boem goo" wa. Ngoo gi nanu" ri nanu" da" mougmyid moo doem nyid nhang: wa. Mungdain: loem: khang" moo" mo yo' ngo wigi nyhid: sain" to" da" joyoo khyi' khang" moo" mo ngoo nanu" ri zheing" yu wa. Ngo wigi pyoung" she: nyhid: pyam bye: da" joyoo mo zi mungdain: khyoo: ngoo doem shu" tau" yu wa. Ngoo Aseing tid too" bye:.

Roma 11:5

Akhid" ayo moo we' - houg: yo" dakhyoo" nghoid nyid. Mangsoo: nheig khyeug yoomo - khyen: to" da" byumyu" dajhi' zoo: deung nyid shi.

ACTS 8:40

Philib, gi Azutu voogung: moo ju" lo" ziri nya: gung nyang: boin: da. Hougsu" nyang: gi kesare khyoo: yhe: lo" khyoo: cang jo, da- voogung khang" moo" moo ngeibu: ludang: seig ri cang kho" kyo" lo.

ACTS 8:26

Aseing: da" moug: lagyoo: dayug gi philib, ri too' we' - Yerusalem mo zi gaza: khyoo: ju" yhe: lo" da" khyoo: khyo" moug: thang: shoid khyoo: yhe: loo" we'. (He: da" fu" moo" khyoo: gi dain" pyid' yoo khyoo: nghoid nyid)

LUKA 7:16

Nyang: nu" dangain" mo, gi gyoug phau" lho: Mang" soo: ri caung" boem ngoonu" moo lapi: zeung dayug thu' loo: bye" ga: Mangsoo gi nya: da" byu phung: ri khyoid yu wa ju" ri" bye ga: tid boem.

MIKHA 4:10

Yerusalem voobyu yi we"- zookhu: wa soin' nyid da" myiyi: myhi' yo' dakhyoo" ti" lang: yhen lho: koug ngau nyid we'. Khasu" wim gari akhid" nanu" gi voomoo" mo phang: thu lo" lho: jang: dam pa: moo nyid ca" goo" wa. Nanu" gi Babelon khyoo: yhe: loo" goo" wa nghoid. Nghoid loug we' Aseing gi nanu" ri hau: jang" mo nanu" da" gyivoo joem da" lo, mo nanu" ri khyoid shu" loo wa zi nghoid.

YEREMIA 32:44

Byu yigi yoothung" ri qei loo wa. Myid veing" mougsoug" ri lo, xoem" lhid" dazid thung"- sagse: too" wigi koid loo goo" we'. He: zigi Benyamin mougmyid moo Yerusalem lheing khoem voogung joem moo boem moug: mo voogung joem moo boem khyid: mo voogung joem moo Yuda mung" mougpyi: shoid moo bue" loo wa. Byumyu" yiri nyangnu" mungdain: moo doem pyeing byid: wa. Ngoo Aseing tid bye:» ga: tid.

YEREMIA 31:7

Aseing tid zigi «Byumyu" yi da" gyi: sheung: thang da" Israela gang mo ngei pyoo: tung" jikhoin" khoin" ge'. Nanu" da" coung" nghei jikhoin" khoin" ge'. ‹Aseing gi nya: byumyu" yiri khyoid yu bye:. Nyang: gi deing da" bang: dangain" ri khyoid yu bye:.

YEREMIA 30:3

Ciwim gari nga" byumyu" Israela yo' Yuda ri doem shu" tau" wa ayo, ju" lo nyid da:. Ngoo gi nyangnu" phoug" phyid" yiri byid: to" da" mungdain: khyoo: nyangnu" ri doem shu" tau" lo wigi nyangnu" hau: ziri doem yo" seing: yu loo goo" wa. Ngoo Aseing tid too" bye:» ga: tid da:.

YEREMIA 23:3

Ngoo gi nyangnu" ri ngoo wigi nyhid: sain" to" da" mungdain: joem moo deing da" nga" byu yiri zheing" yu lho: nyangnu" yhoem: moug: khyoo: doem shu" tau" loo byid: wa. Nyangnu" gi zooshang: myoo" sho' yo" wigi myo: je: loo goo" wa.

YEREMIA 3:18

Israela gi Yuda yo' xo' tei" wigi nya: eig yug gi mougzhung: shoid mungdain: mo pyoung" nyhid: to" jang" mo dage" phang: lo lho: nanu" da" phoug" phyid" yiri apyaid atoo: mo jonu" khyo" ngoo byid: to" da" mougmyid khyoo: tau" phang: loo goo" wa» ga: tid.

ESAIA 11:11

Hau: bidnyid ju" loo lang" Aseing gi nya: yoem so' ri dalheing: doem ci wigi Asuri- Egutu- Pathro mung" joem Etiopi- Elam- Babelon- Hamad yo' gyid yam cang mo mungdain: joem panglai: gugyoo: kang joem moo nyid deing jo, boem da" nya: byumyu" yiri yhoem: khyoo: doem shu" tau" yu wa.

COUNG" NGHEI 85:1

Aseing we" nang gi re" da" mougmyid ri nheug khyeug nyid. Israela byumyu" yiri dalheung: doem nyid gi yab gi nhang: loo bye:.

APOEM AYANG: 50:24

Nyang: gi nya: mang: nhung" yiri «Ngoo gi shid: loo: yid nghoid bye:- nghoid loug Mangsoo gi nanu" ri gyeing" nyang: yu" coung: goem lho: Abraham- Isag yo' Yaku bang: ri nyang: dangsoo" byid: to" da" moug: khyoo: he: moug: mo nanu" ri shu" vhu" thu loo" wa nghoid» ga: wigi tid.

HAGI 2:2

Yuda mung" zoug: Zerubabela yo' khainjung moo" Yoshu ri we' mung" byu yiri we' tid kyoo" we' ga: lapi: Hagi ri tid zigi

HAGI 1:12

Hau: uri Babelon mung" khyoo: pyoung" she: loo" shoug" jang" mo doem tau" lo da" Zerubabela- Yoshu yo' byumyu" yi dangain" gi Aseing Mangsoo nyangnu" ri koid nhang: da" moo" ri koid bye:. Nyangnu" gi Aseing lapi: Hagi ri gyoug boem ziyo' tam" gyo: nyid boem.

ZEPHANI 2:9

Ngoo gi Israela byumyu" da" Mangsoo dei nyid da" yoem: moo" bo Aseing ngoo nghoid ziyo' dakhyoo" ti" Sodom yo' Gomora ri phyo' sain" pyam yhang: ti" Moba yo' Amon ri we' phyo' sain" pyam zi shoug" wa nghoid ein: ngoo dang: theing to" zi nghoid. Hau: moug: gi xoo" khuang" yo' apyaid atoo: byo, yoin" jo, ziyo' mhain" yoo bue" loo" wa zi nghoid. Deung nyid shi" da" nga" byumyu" yi we' nyangnu" ri zain: lho: nyangnu" da" ziyoo jonu" ri lhoid lho: nyangnu" da" mungdain: yo" yu pyam wa zi nghoid.

ESAIA 14:1

Aseing gi nya: byumyu" Israela ri dalheing: doem nheig khyeug byid: lho: nya: byumyu" khyo" nyangnu" ri doem khyen: yu loo wa. Nyangnu" nya: mung" moo nyangnu" ri doem nyid nhang: wa. Tungbau byu yigi ju" re" lho: houg moo nyangnu" yo' dage" re" nyid boem wa.

RUTHA 1:6

Ayo, dajhi' myang" lo" thang: ri Aseing gi nya: byumyu" yiri gug zoo gi nhang: khyo" wigi mainkaid byid: nyid bye: ga: ziri Naomi gi shoug" gyoo: yoomo nyang: gi nya: dumoo" tang: yo' dage" Moba mung" mo thu loo wa ga: jen" jen" soin' too" bye:.

COUNG" NGHEI 80:14

Gyi: myhang: thang da" Mangsoo we"- ngoonu" jhang khyoo: doem tau" loo we'. Mougkhung: tho' mo ngoonu" ri goeb yu" kaid wigi re byumyu" yiri khyoid yu wa shid re" ju" ri" we o".

ESAIA 11:16

Nyangnu" da" phoug" phyid" yi Egutu mo thu lo boem uri yo' dayhang: ti" Asuri moo nyid deing jo, shi" da" nya: byumyu" Israela shid re" Asuri mung" mo thu lo" da" fu" moo" khyoo: jo, loo wa.

ESAIA 32:14

Khokham khoo" rilang" she pyam too" kho' zi shau" wigi voomoo" zeing gi bain sho' jham" coug: youg nghoid byug wa. Zung" nyid da" yhoem: joem yo' gyidab joem gi apyaid atoo: moo byo, yoin" jo, wa. Siyoo loo zei: joem gi houg moo so" yen" wigi yang joem gi houg moo coung" yoo shau" myang wa.

YEREMIA 29:10

«Aseing tid zigi ‹Babelon da" nyhed xi: zain thang loo" lang" ngoo gi nanu" ri nheig khyeug myid ci: shug byid: wa. Nanu" ri yhoem: khyoo: doem shu" yu wa ein: tid to" da" nga" dangsoo" ri pyeing byid: wa.

YEREMIA 33:12

Myhang: thang Aseing tid zigi «Dain" pyoid yoo yo' dayhang: ti" nghoid wigi byu yo' gougnyhoug joem we' anyid da" he: mungdain: moo yang zung" bang: nyangnu" yang joem ri yo" shu" yhe: da" coung" yoo dalheing: doem bue" loo wa.

YEREMIA 47:5

Gye" kougshu: ca" khyoo: Gaza: byu yi jhang ju" re" wigi Ashkelon byu yigi sam: zoo: tam" jo, lo boem wa. Deing nyid da" Philisti byu yi khamyhang ju" sho' koug ngau nyid boem shi" wa la".

HOSEA 6:11

Houg: lho: nanu" Yuda byumyu" yi shid re" nanu" koid nyid da" moo" yoomo nanu" ri ngo wigi yooboo dam byid: wa ayo, dayo, soin' too" byid: bye:.

ZEPHANI 3:13

Deung nyid da" Israela byumyu" yigi age da" akhyeing" ashoeb khyoo: ri akoid boem loo: za: mhoug" we' amhoug boem loo:- eig phug eig shoid we' akoid boem loo:. Nyangnu" gi nyid gi yab ge lho: gau: nyu: goem loem nyid boem wigi hang" ri we' gyoug anoo" boem loo.

ESAIA 11:14

Nyangnu" dage" bidvang shoid mo Philisti byu yiri gyi zain: lho: bidthu shoid moo nyid boem da" bang: ri phyo' zo: loo goo" wa. Nyangnu" gi Edom- Moba byumyu" yiri oung: pyam lho: Amon byu yigi nyangnu" da" dang: tam" gyo: loo goo" wa.