ZEPHANI 1:7 - Lacid Common Language Bible

⁷ Aseing dang: phyed wa da" bidnyid gi ju" lo nyid bye:- houg: yoomo nya: shidkhoin" moo sam: zoo: nyid we'. Xoin" said ngei" yhang: ti" Aseing gi nya: byumyu" yiri said ngei" byid: wa zi soin' nyid wigi Yuda mung" ri zain: loo wa da" gyivoo joem ri khe: zheung" too" bye:.

ZEPHANI 1:7 Referans Kwoze

HABAKU 2:20

Aseing gi nya: da" gyeung" shang: Noku Yhoem: Moo" moo danyid nyid. Mougmyid tho' mo yugkhang" moo" gi nya: shidkhoin" moo sam" zoo: tam" too" we'.

ZEKHARIA 2:13

Aseing shidkhoin" moo nyid da" byumyu" yi dangain" bang: we"- sam: zoo: nyid we'. Khasu" wim gari nyang: gi nya: gyeung" shang: yhoem: moo" moo re" lo nyid bye:.

ZEPHANI 1:14

Aseing da" gyi: thang bidnyid gi jhang loo bye:. Hau: bidnyid gi jhang lo ziyo' myab myab ju" re" nyid bye:. Hau: bidnyid gi gye" khoo" wa da" bidnyid nghoid. Khasu" wim gari gye" yoem: bo ziyo' gye" voem" thang da" gyizoo: yi lang" nheigloem: gyau: ziyo' ngoug wa zi nghoid.

YEREMIA 46:10

He: bidnyid gi gyi: sheung: myhang: thang Aseing da" bidnyid nghoid. Akhid" nyid" nyang: latoo: phug loo wa. Akhid" nyid" nya: gyivoo yiri yooboo dam byid: loo wa. Nya: Shamcoin" gi nyangnu" ri gyi: sho' zo: loo wa. Nyangnu" suid" ri nheugdeug sho' shug wa. Myhang: thang da" Aseing ri xoin" khyo" ngei" byid: wa shid re" mougzhung: shoid Uphrad gyid yam moo: nyangnu" ri said pyam shau" loo goo" wa.

ESAIA 34:6

Nya: shamcoin" gi houg bang: da" suid" yo xu: wigi lhu" jo, wa. Hau: zigi xoin" ngei" byid: da" yang yo' coidbaid joem suid" yo' xu: ti" du wa. Aseing gi hau xoin" ri Bozra voomoo" moo ngei" byid: loo wa. Nyang: gi Edom mung" moo xoo: sho' byu said moo" ri koid wa.

ESAIA 13:6

No wigi kyi: ngoug ge'. Yoem moo" yo' phyo' shoin' wa nghoid da" Aseing da bidnyid gi jhang re" nyid bye:.

MATHE 22:4

khokham" gi ‹Nga" da" myen" xoin: zoo: pui" gi jen" jen" nghoid bye. Nga" nu: shain: we said bye:- xu: young" da" nujung nu" we' said bye:. Soin' nyheing ca" da" khyoo: bain sho' soin' nyheing too" bye. loxo' pui" khyoo: ri" loo: ge". Khe: too" bye: mo, ri yhe: doem tid ge'› ga: dei zoo: gootu: ri doem nhang: kaid.

YOELA 2:31

Aseing da" gye" gyoug dain pho" bidnyid aju" loo shi" uri bid moo" gi teing: no, lo" byug wigi lhammoo" we' suid" su" ne lo" byug wa nghoid.

ESAIA 2:12

Hau: bidnyid moo myhang: thang da" Aseing gi yoem: so' boo mo, nghoid boin: lho: phau: mo, yugkhang" moo" ri nyhoem: khyo' pyam wa.

1 SAMUELA 16:5

Nyang: gi «Nghoid- ngoo gi Aseing ri xoin" ngei" byid: wa shid re" re" zi nghoid. Re" gung kyeing sain' pyam lho: nga" jang" moo cang we'» ga: doem phug tid. Nyang: gi Yese yo' nya: zoo: yuggi zoo: yiri we' nyang: tu: nya: gung kyeing sain' nhang: wigi xoin" ngei" jhang: khyoo: ri" wa shid re" khe: yu bye:.

MALAKHI 4:1

Yoem: moo" bo da" Aseing gi hid su" ga: tid nyid «Nghoid boin: nyid mo, dangain" yo' akhyeing" ashoeb da" moo" zei: nyid mo, dangain" ri khoofoo: ri yhang: ti" nghe' pyam wa da" ayo, gi ju" loo bye:. Hau: bidnyid moo nyangnu" gi nge" joem: lo" byug lho: houg: moo ci: we' jo, loo wa anghoid.

AMO 6:10

Shid: loo" su: da" bidnoem shid: pui" seing: gi manggung ri yhoem: khoug: mo dang thu loo" wa. Houg: bidnoem phoo gi yhoem: khoug: moo deung nyid shi" su: ri «Houg: moo nang yo' dage" hang" anyid loo la"» ga: myid: wa. Hau: yug gi «Hang" anyid loo:» ga: tu" wa. Houg: lang" hau" bidnoem phoo gi sam: zoo: nyid we'. Aseing myeing ri nga" eig yug age tid thu loo: lhe"» ga: tid wa.

YOELA 2:11

Aseing gi nya: gyidab moo" ri moug: goin da" thui: yhang: ti"- amyeing" byid: da:. Nyang: ri tam" gyo: cang yhe: da" gyiphung: yigi gye" myo: lho: yoem: so' gyi: ago". Aseing da" bidnyid gi khayhi' gyeing" gyoug dain pho" zi nghoid lha". Hougmoo: ashid: loo: hang" se' yo" nyid deing wa lha".

EZEKIEL 7:10

Yau: khi" kyi" khyeug da" bidnyid gi ju" lo nyid bye:. Athoug" akhyoug: moo" gi myo: je: lo nyid. Nghoid boin: zigi myhang: thang moo jo, jo, abye:.

EZEKIEL 7:7

Mungdain: khoug: moo: nyid da" nanu" shid re" lo" thang nghoid. Nang gi ju" lo nyid bye:. Boem tho' mo phoin: yhoem: joem moo pui" akoid loo: anhung akhoid za: bui" wa da" ayo, jhang re" nyid bye:.

ESAIA 6:5

Ngoo gi «Nga" shid re" myid byu khyoo: ajo, ngoo gi joem bye:. Ciwim gari nga" nhoid mo thu da" dang: khoin" khang" moo" gi yooboo byeung" jo, da:. Houg: lho: ngoo gi yooboo dang: kyeing" tid da" byu phung: khoug: moo nyid nyid. Nghoid loug we' ngoonya: myojid" wigi nyang: myhang: thang Aseing khokham ri shau" myang bye:» ein: tid bye:.

KOLOSE 1:12

Hau: tho' moo gootu- bidbang da" mungdain khoug: moo bo jo, da" nya: da" gyeungshang: bang: shid re" Mangsoo nyheung soin' to" da" agyid asoo: joem ri nanu" ri shau" kham: zhoung" yu moin: bang: bue" lho:

PHILIPI 4:5

Nanu" da" sam" dab, nu" nham, da" nheigloem: ri byu dangain" bang: da" shid khoin" moo toin" shid' nyid ge'- Hau" Aseing: ju" ri" wa da" ayo, gi jhang lo nyid bye.

Roma 9:20

Bid noem phoo we" nang gi khate" su: nghoid lho: wigi Mangsoo: ri hidsu" yo" myid: lha". Phain" too" su: wigi phain" to" Aseing ri - Aseing nang ci koid' ngoonu' ri phain" to" ein: yo" myid: wa lha".

Roma 3:19

Tarha" moo bo da" zi dangain" gi - tarha" khoug: moo nyid mo shid' re" za: danghoid da" khyoo: - byu yi da" kyiyang myeing da" nhoid' joem ri nghoeb' pyam' byid: wa zi yo" - xangsu: byu dangain" gi - Mangso: da" tarha" dang: phyed' da khyoo: ri kham nhang: wa shid' re" nghoid. da" zi ri akhid" ngoonu" se boem bye.

COUNG" NGHEI 46:10

Nyang: tid zigi Meing: zain: go" khyoo: ri no: pyam ge'. Ngoo gi Mangsoo nghoid- ngoo gi byumyu" yi da" mo, phung: gung moo: we' mougmyid pyaid goin" da" atho' moo: we' myhang: thang su: nghoid ziri si' we'.

1 SAMUELA 20:26

Nghoid loug we' Sholu gi nyang: daja: ja: bui" bye: nyang: gi pui" thung" khyo" wigi gyeing" nyang: agyeungshang: loo:» ga: myid jho: nyid yoomo hau: nyid" ri nyang: ciwe' atid loo: nyid nyid da:.

YOBA 24:1

Mangsoo gi ciwim yoomo nyang: ri dei byid: bang: shid re" dang: phyed wa ayo, Tarha" nyeung veung" da" bidnyid ri ciwim atoo" byid: lug la.

ESAIA 13:3

Gyeung" shang: da" gyipui" ri khaid zain: wa yo' nyang: nheig yo: da" bang: ri yooboo dam byid: wa shid re" nya: da" nghoid boin: wigi loem ge" da" gyizoo: yiri Aseing khe: thu kaid abye:.

ESAIA 29:2

Houg: lho: «Mangso phoin:» ga: myheing da" voomoo" adang mo Mangsoo gi yau: khe" kyi" khyeug zi bui" nhang: da:. Houg mo koug ngau wigi ngougbyid ngougnhab gyo" boem goo" wa. Voomoo" goin" gi suid" za: nghoeb to" da phoin: yhang: ti" nghoid wa.

ESAIA 34:5

Aseing gi nya: shamcoin" ri mougkhung: moo nyheing to" abye:. Hau: zigi akhid" phyo' pyam wa ga: nyang: wigi byumyu" yiri dang phyed to" da" Edom ri zain: loo wa.

YOELA 1:15

Yoem: so' gyi: thang su: wigi phyo' shoin' pyam wa Aseing da" bidnyid gi ju" lo nyid bye:- hau: bidnyid moo gye" gyoug dain ja: bue" loo wa.

AMO 8:3

Hau: bidnyid ri khokham khoo" mo jikhoin" thui: gi ngoug thui: yo' thid go" loo" wa. Khayoo: we" shid: mang yo' byeung" jo, wa nghoid. Nyangnu" gi shid: mang joem ri sam zoo: she: pyam boem wa nghoid.

ZEKHARIA 14:1

Aseing dang: phyed loo wa da" bidnyid gi jhang jo, bye:. Houg: lang" Yerusalem gi ziyoo lhoid yu pyam' zi shau" loo wa nghoid lho: hau: ziyoo joem ri nanu" da" myo, shid ti: moo gam go" shoug" zi shau" boem wa nghoid.