ZEPHANI 1:6 - Lacid Common Language Bible

⁶ Ngoo gi nga" jang" moo acang loo: doem tau" loo" bang: ngoo ri acang shoo: bang: anghoid lang" nyangnu" ri khyoo: shid wa shid re" akyu" amho' bang: dangain" ri phyo' shoin' pyam wa nghoid.

ZEPHANI 1:6 Referans Kwoze

YEREMIA 2:13

Ciwim gari nga" byumyu" yigi yooboo eig ja: shoid abye: go". Nyangnu" gi kangso' gyid bug gyid gyeing: nghoid da" ngoo mo lheing: phug lo" da:. Gyid ayo" deing jo, da" gyid teing thoem"- jo, gyam: byug da" gyid teing thoem" joem ri du: ago".

ESAIA 1:4

Yooboo koid da" byumyu" byo, yoin" ziyo' akhyeing" da" byumyu" nanu" we"- nanu" gi joem: byug abye:. Nanu" yooboo joem gi nanu" ri she: khyoid khyo' pyam abye:. Nanu" gi Israela da" gyeung" shang: da" Aseing Mangsoo ri ngeug he: pyam lho: nanu" gi nyang: ri nungthang phug pyam abye: go".

YEREMIA 15:6

Byumyu" yi nanu" gi ngoo ri ngeug he: pyam ago". Nanu" gi ngoo ri nungthang phug khare" boem abye: go". Houg: yoomo ngoo gi nanu" jhang jhen" re" wigi nanu" ri khyoeb pyam bye:. Ciwim gari: ngoo gi nga" da" nheig yo: ziri zeing: ngheing" bye:.

YEREMIA 2:17

Israela we"- nang gi he: ziri nanya: gung moo ke" yu abye:. Nang gi nang ri khyoo: khyo" wigi shu" lo uri ngoo Aseing re" Mangsoo ri she: pyam kho' abye:.

HOSEA 11:7

Nyangnu" gi jhen" gi gi ngoo mo vi: khyoo: da tau" phang: lo" ago". Nyangnu" adang moo kyoug: voin vu, ci yoomo ngoo ri nyho: yoid loo goo" wa. Nghoid loug we' hau: yoovoin joem ri hang" wigi we' atu: pyam byid: wa.

YEREMIA 3:10

He: gu: dangain" bain thang: ri Israela da" jhug azug da" bi: nhung" Yuda gi nga" jhang doem lheing: tau" loo goin koid mhoug wigi gyeing" ga: ri hougsu" anghoid. Ngoo Aseing tid bye:.

ESAIA 9:13

Israela byumyu" yigi nheigloem: athid boem nghoid ago". Myhang: thang Aseing gi nyangnu" ri yooboo dam byid: nghoid rilang" nyangnu" nya: jhang aphoug loo nghoid ago".

HEBRE 2:3

Hid: yhi' gyi sheung: da" jeju" mungdang: ri-ngoonu" gi ci: asoin: loo: koid pyam boem nghoid rigi ngoonu" gi khakhyo" wigi yooboo dang: phyed jang" mo khasu" koid se' loid byoin, loo" wa lha". Hau: khyoid yu khyoo: ri xang: shed" moo Aseung da" nhoid mo nyang: tid kyo" lho: shaug" gyoo: bang: gi hau" mungdang: gi deungmain" nyid ziri sagsi: toin" shid nyid boem bye.

EZEKIEL 3:20

«Gyeing" nyang:- gi su: dayug akhyeing" moo" ri koid shoid wigi ngoo gi nyang: ri gyoug ci' ca" joyoo moo nyhid: too" wa. Nang nyang: ri atid poin" nghoid rigi nyang: shid: loo" wa. Ngoo gi nyang: koid da" ge moo" ri amyid boin: byid: wa. Nyang: shid: da" moo" ngoo nang ri yoovoin yu nhang: wa.

COUNG" NGHEI 125:5

Nghoid loug we' akhyeing" ashoeb bang: ri nang dam kaid byid: nyid da" uri re" khyoo: mo vhang: loo" mo, ri we' dam bo kaid we'. Ngei pyo: myenjham" khyoo: gi Israela yo' dage" dajo, jo, baja" o".

COUNG" NGHEI 10:4

Akhyeing" ashoeb su: gi Aseing ri cishu: anhang:. Nya: da" nghoid boin: nheigloem: moo Mangsoo gi ce: yhoug: agyen: ga: myid nyid.

1 SAMUELA 15:11

«Ngoo Sholu ri khokham koid nhang: zi gye" nheig koug bye:. Nyang: gi nga" jang" mo nung phug lo" wigi nga" amyeing" ri we' atam" gyoo: nghoid da» ga: tid. Samuela gi nheigloem: yoin wigi damyen goin" Aseing jang" moo mho' yoid nyid da:.

HOSEA 7:7

Nyangnu" da" nheig yo: zigi lung re" wigi nyangnu" gi nyangnu" da" vhoebkhang" bang: ri said pyam ago". Nyangnu" da" khokham yigi dayug bain thang: dayug khau" said pyam shau" ago". Nghoid loug we' pang" thoug yu wa shid re" nga" jhang hang" we' akyu" amho' nghoid ago"» ga: tid da:.

COUNG" NGHEI 36:3

Nya: da" tid sang: dang: gi akhyeing" ashoeb ziyo' mhau, fain" dang: yo' byeung" jo. Nyang: gi phajhi" bo khyoo: yo' ge lho, khyoo: ri dajhi' we' akoid yu.

Roma 3:11

Deingmain" tarha" ri si su: we' anyid. Mangsoo: ri noku su: we' anyid.

ESAIA 43:22

Aseing tid zigi «Nghoid loug we' Israela we"- nang gi ngoo ri he: pyam wigi nang ngoo ri anoku nghoid da:.

YEREMIA 10:25

Nang ri anoku da" byumyu" yi jhang yo' Nang ri ngeug he: pyam da" byumyu" yi jhang re" nheig yo: khyoo: ri lheing: phug kaid we'. Nyangnu" gi re" byumyu" yiri said pyam ago". Nyangnu" gi ngoonu" ri bain sho' phyo' shoin' pyam wigi ngoonu" da" mungdain: ri byo, yoin" jo, nhang: to" kho' bye:.

HOSEA 7:10

Israela byumyu" yi da" nghoid boin: zigi nyangnu" ri gyi tau" koid theing nyho: nyid ago". Hougsu" ja: khang" moo" bue" lid loo nghoid loug we' nyangnu" gi nyangnu" da" Ngoo Aseing Mangso jhang khyoo: atau" loo nghoid ago".

YOSHU 23:12

Nanu" gi dang: azung" loo: za: nanu" phung: moo: nyid deing nyid da" tungbau byu yi yo' zoem" wigi nyangnu" gi myi: byid: myi: yu khyoo: koid boem nghoid rigi

2 SAMUELA 22:22

Ngoo gi Aseing da" tarha" ri cang loo bye:- nga" Mangso jang" mo aphang: loo" yu".

2 KHOKHAM MHOOMYID: 15:13

Nyang: ri anoku da" nge zoo: gyi: zoo: yuggi myiyi: hang" nghoid loug we' said pyam shoug" wa nghoid da:.

ESAIA 9:12

Israela byumyu" yiri myhau: pyam wa shid re" bidthu shoid mo Suri- bidvang shoid mo Philisti bang: nyangnu" nhoid ri ho' ci: ago". Hougsu" nghoid loug we' Aseing da" nheig yo: zigi athang nghoid da:. Nya: lo, gi yooboo dam byid: wa yhoin" to" ashi".

ZEPHANI 3:2

Nyang: gi Aseing da" mungdang: ri atam" gyoo:. Jhoug" myeing" jhoug" thui: ri we' akham: yu- nyang: gi Aseing ri we' aloem- nyang: ri akyu" we' amho' yu".