ZEPHANI 1:12 - Lacid Common Language Bible

¹² «Hau: bidnyid moo ngoo gi myibung tab ci: lho: Yerusalem voomoo" ri cang shoo: wa. Nyang: yug nya: gung ri loem wigi nyang: nya: nheigloem: moo Aseing gi ge ziwe' age zi we' yo" koid byid: zi anghoid ga: tid nyid da" byu yiri dam byid: wa zi nghoid.

ZEPHANI 1:12 Referans Kwoze

AMO 6:1

Ziun boem moo nyid pyo: nyid bang: nanu" we"- Samari voo moo gau: nyu: nyid bang: nanu" we"- Israela mung" zeing mo vhujhung: yi nanu" we"- pang" thoug shoug" wa shid mo byumyu" yi zeing: foem: kham: bang: nanu" we"- nanu" gi joem: lo" abye: go".

YEREMIA 48:11

Aseing tid zigi «Moba gi khanham we' goug: nyu: tung" za: shoug" nyid wigi khanham we' pyoung" shu" lo" zi ashau" yu" nghoid da:. Moba gi aze" lhei' lho: to" to" da" zabyid yhid: yo' du wigi khanham we' jhuang: daloem: mo daloem: khyoo: foid zei zi ashoug" nghoid da:. Nya: da" zabyid shoem: gi khanham we' abyo, nghoid da:. Nya: da" main gi khanham we' ge nyid da:.

EZEKIEL 8:12

Mangsoo gi ngoo ri «Shid: se' da" byu we"- Israela vhujhung: yi hidsu" khau" koid nyid ziri nang myang rhe". Nyangnu" dangain" bang: gi yu phara" soolhoo: byeung" sho' bo da" yab dayab moo no' nyid boem ago". Nyangnu" gi ‹Aseing ngoonu" ri amyang- nyang: gi mungdain: ri she: pyam too" khoo' bye:»› ga: mho' yoid da:.

EZEKIEL 9:9

Mangsoo doem phug tid zigi «Israela yo' Yuda byumyu" yigi gyoug pho" da" yooboo joem shoid abye: go". Nyangnu" gi damung" goin" byu said moo" shoid wigi Yerusalem moo yooboo koid moo" yo' byeung" jo, nhang: da:. Ngoo Aseing nyangnu" da" mungdain: ri she: pyam too" kho' bye: ziyo' nyangnu" ri ngoo amyang ga: nyangnu" tid ago".

COUNG" NGHEI 94:7

Nyangnu" tid zigi Aseing gi ngoonu" ri amyang- Israela da" Mangsoo gi ngoonu" ri ayu" nyid" ga: tid nyid ago".

Pang Shug 2:23

Nya: thang: cang mo, ri we' ngoo said' pyam loo wa. Houg: lang" ngoo gi yug khang" mo" da" nheigloem: yo' myid soin: khyoo: joem ri myang kyang nyid su: nghoid ziri phung yi dangain" se' lo boem wa zi nghoid. Nyangnu" nya: da" lo, moo" yo' dakhyoo" ti"- aphoug" ri ngoo byid: loo wa zi nghoid.

2PETRU 3:4

Ngoonu" da" phoug" pho, gi shid: lid lo" boem bye. Nghoid loug we' dangain" gi moug: myed ri phain" da" bidnyid mo dakhyoo" ti" da nghoid nyid shi" nhung: lha"» ga: wigi myed: lo boem wa nghoid.

OBEDIA 1:6

Eso da" amyed: ashen' yi we' nanu" da" jonu" joem gi lhoid yu pyam zi shau" boem bye:.

YEREMIA 10:5

Hau: soolhoo: joem gi lashau: yoo moo joo kyug lhoo: joem yo' du ago". Nyangnu" gi dang: ayo" tid nghoid da:. Nyangnu" ayo" soo" yoomo nyangnu" ri vu, yen" ca" ago". Hau: joem ri agyug goo" Nyangnu" gi nanu" ri ce: dam ayo" tab nghoid ago". Houg: lho: nyangnu" gi nanu" ri ge zi ayo" koid byid: nghoid da:.

ESAIA 5:19

Nanu" gi ngoonu" hau: ziri shau" myang wa sho' nyang: koid wa ga: tid to" da" moo" ri myab myab Aseing ri koid nhang: boem shang. Nyang: soin" to" da" moo" joem ri Israela da gyeung" shang: Mangsoo ri koid nhang: shang. Nya: myid moo cibo ziri ngoonu" yu" boem shang» ga: tid ago".

COUNG" NGHEI 14:1

Soozoo: alheung: mo nyangnu" gung nyangnu" tid zigi «Mangsoo anyid» ga: nyangnu" dangain" mo, gi nheigloem: byo, yoin" mo, nghoid wigi aco' ajhoid da" moo" zei: boem bye:. Jo da" moo" se' zei: zigi dayug gyeing" we' aboo.

YOBA 21:15

Nyangnu" gi Mangsoo ri dei byid: aca" ga: myid ago". Nyang: ri akyu" mho' wigi ce: akyu" ayoo" ga: we' myid ago".

EZEKIEL 9:4

«Yerusalem voo goin" jang" khyoo: yhe: wigi dain ci' bang: yo' kyi" khyeug shoug" bang: yugkhang" mo" da" ngilang: laxoem" yhe: tab too" we'. Ciwim gari voomoo" khoug: moo aco' ajhoid moo" dangain" bue" nyid da»

MALAKHI 2:17

Nanu" gi Aseing ri gyo: ngheing" sho' phibu pu' nyid boem wigi «Ngoonu" gi nang ri ce: ja: mo phibu pu' nyid lha"» ga: myid: nyid boem. Houg: lho: nanu" gi akhyeing" moo" ri zei: nyid mo, hang" we' myhang: thang da" Aseing shidkhoin" moo ge nyid zi nghoid nyang: gi akhyeing" da" moo" zei: nyid su: ri we' jheddab nyid» ga: tid ago". Hau: tho' moo gootu: nanu" gi «Deingmain" da" Mangsoo ga: zi khayoo: nyid» ga: tid nyid ago".

COUNG" NGHEI 10:4

Akhyeing" ashoeb su: gi Aseing ri cishu: anhang:. Nya: da" nghoid boin: nheigloem: moo Mangsoo gi ce: yhoug: agyen: ga: myid nyid.