ZEKHARIA 3:1 - Lacid Common Language Bible

¹ Gootu: da" yoeb myang moo Aseing da" moug: lagyoo: shidkhoin" moo yab jo, da" khainjung moo" Yoshua ri Aseing gi ngoo ri toin" shid. Satan gi nyang: ri yooboo foin: wa shid re" Yoshua da" anam moo yab jo, ziri myang.

ZEKHARIA 3:1 Referans Kwoze

1PETERU 5:8

Gyeung: boin: da" byugyeing" koid nyi ge'. zed" lhid' lho: nyid ge'. nanu" da" gyivoo nghoid yu satan gi kha: yug ri myhau: pyam' wa la"» ga: myeung dang: yen" da" khang khyi yo' du nyid.

LUKA 22:31

Simun we"- Simun we"-tam" gyoo: we' yoothung" gug soem: yo" gug moo, ge ziyo' age ziri khyeung yhangti"- nanu" dangain" mo, ri khyeung yu" wa shid' re" satan gi amyeing" yoo" bye.

COUNG" NGHEI 109:6

Nga" da" gyivoo pho, ri dang: phyed byid: wa shid re" akyang yoin" da" tarha" agyi ri nyeung too" wa. Nya: gyivoo joem da" khoug: mo dayug yug gi nyang: ri yooboo foin: su: bui" nhang: nyid we'.

LUKA 21:36

Gyeing: gyeing: soo" soo" koid: nyid ge' ju" gyoo" loo wa da" myo, dain' dei: da" shid: gyoin noo gyoin ri yo" kham: zeing: yab jo, lho: wigi Byu nya: zoo: da" shid' khoin" moo dain: dain: yo" yab lho: tarha" dang: kho" ziri yo" kham: wa shid' re" khanham we akyu" damho, nyid ge'.

MALAKHI 3:1

Yoem: moo" bo da" Aseing gi hid: su" ga: phug tid to" «Nga" shid re" khyoo: nyheing byid: wa nga" lagyoo: ri ngoo nhang: kaid wa. Houg: lang" nanu" sho: nyid da" Aseing gi yhoem: moo" moo nyeigdain tung" ju" ri" wa. Nanu" myang nau da" lagyoo: gi nga" dang: thang" cab ri tid fu" byid: loo wa zi nghoid.

HAGI 1:1

Persi mung" moo Dari gi Khokham khoo" zhoung: zi eig zain ein: zain lhammoo" khyug khyab xain" danyid" moo Aseing jang" mo mungdang: gi Lapi: Hagi khyo" wigi Shelati Yuda mung" zoug: Zerubabela yo' Yehozadag da" nya: zoo: khainjung moo" Yoshu eig yug shid re" ju" ri" bye:.

1 KHOKHAM MHOOMYID: 21:1

Satan gi Israela byu yi dang moo yau: khe" kyi" khyeug bui" nhang: nau wigi nyang: gi byu zhayhen" koid: yu wa David ri myid phyed nhang: da:.

ZEKHARIA 6:11

Nyangnu" alu kaid da" ngei yo' sheing: ri bidmug dakhyab' koid lho: wigi Yehozadag da" nya: zoo:- khainjung moo" Yoshua da" vhuloem moo zhung" byid: we'.

ZEKHARIA 3:8

Khainjung zeing Yoshua yo' nya: byencang" yi we"- tam" gyoo: ge'. Nanu" gi ju" loo wa da" bidnyid moo ge da" sagse: yi nghoid. Yu" ge'. Akung: ako' ga: myheing to" da" nga" join thu loo wa nghoid.

HAGI 2:4

Hougsu" nghoid loug akhid" nanu" kha: yug we' nheigloem: abyo, yoin" goo"- moo" zoo" ri zei: nyid ge'. Ngoo gi nanu" yo' dage" nyid.

HAGI 1:12

Hau: uri Babelon mung" khyoo: pyoung" she: loo" shoug" jang" mo doem tau" lo da" Zerubabela- Yoshu yo' byumyu" yi dangain" gi Aseing Mangsoo nyangnu" ri koid nhang: da" moo" ri koid bye:. Nyangnu" gi Aseing lapi: Hagi ri gyoug boem ziyo' tam" gyo: nyid boem.

2 KHOKHAM MHOOMYID: 29:11

Nga" zoo yi we"- ayo, aze" thang nyid goo". Nanu" gi nyang: ri shoem: nam pyo: ja: xu: nghe' ngei" byid: wa shid re" yo' byumyu" yi nyang: ri noku coung" byid: ziri vhu" she: wa shid re" Aseing wigi khyen: sain' too" shoug" bye: bang: nghoid ago"» ga: tid da:.

APOEM AYANG: 48:16

«Ngoo ri dam dab zu: azang" sho' khyoid khyu: lo da" moug: lagyoo: gi nyangnu" ri mainkaid byid: baja". Nga" myeing khyang" yo' nga" phoug" phyid" Abraham yo' Isag da" myeing khyang" gi he: zooshang: tang: khyo" xo' geing: jo, baja". Nyangnu" gi zooshang: myoo: sho' amyed ashen myoo: sho' yo" loo goo" baja"» ga: mainkaid byid:.

ZEKHARIA 2:3

Hug: lang" ngoo yo' doem go" nyid da" moug: lagyoo: thu lo" uri moug: lagyoo: gootu: dayug gi nya: jhang re" lo.

ZEKHARIA 1:19

Ngoo yo' doem go" nyid da" moug: lagyoo: ri «He: khyoug: gi ci: ein: nau zi nghoid lha"» ein: myid: bye:. He: zigi Yuda mung"- Israela mung" yo' Yerusalem mo bang: ri khaid sain" kaid da" mougmyid yoem: so' joem nghoid» ga: tid kyo".

ZEKHARIA 1:13

Ngoo yo' doem go" nyid da" moug: lagyoo: ri Aseing gi ge ziyo' nheig teing dang: phug tid lho:

ZEKHARIA 1:9

Houg: lang" ngoo gi «Aseing we" he: zigi ce: noem ri toin" shed zi nghoid lha"» ein: myid: yu" bye:. Nyang: phug tid zigi «He: myang: joem ri ci: ein: nau zi ngoo nang ri tid kyoo" ba.

EZEKIEL 44:15

Yoem: moo" bo Aseing tid zigi «Hau: Zadog mo byo gyo" lo da" Levi kung: mo khainjung yi koem' gi deing nyid da" Israela byumyu" yi ngoo mo lheing: phug lo" uri Noku Yhoem: Moo" moo ngoo ri jhug zug tung" dei byid: ago". Houg: yoomo akhid" nyangnu" gi ngoo ri dei byid: wigi nga" shidkhoin" moo xoin" mo xu: yo' suid" ri shugbyid: wa shid re" vang loo wa bang: nghoid da:.

EZEKIEL 44:11

Nyangnu" gi Noku Yhoem: Moo" moo khoem" moo" joem ri yu" coung: wigi Noku Yhoem: Moo" mo moo" jhoem ri zei: da" khyo" ngoo ri dei byid: loo goo" wa. Nyangnu" gi shava byu yi nghe' ngei" xoin" joem shid re" yo' xoin" to' wa shid re" shugbyid: da" gougnyhoug joem ri said lho: nyangnu" gi shava byu yiri dei byid: da" moo" ri yoo voin yu loo goo" wa.

YEREMIA 15:19

He: ziri Aseing doem tid zigi «Nang doem tau" lo nghoid rigi nang ri ngoo doem shu" yu lho: nang ri nga" da" dei zoo: doem bue" loo wa. Nang gi ce: dang: kang: abo da" dang: tid wa gungthid phoug" dab da" lu dang: ri tid fu" kyo" nghoid rigi nang gi nga" lapi: doem bui" wa. Byumyu" yigi re" jhang doem tau" lo wigi nang gi nyangnu" jhang ayhi: ca" wa.

COUNG" NGHEI 106:23

Nya: da" byumyu" yiri phyo' shoin pyam wa ga: Mangsoo tid nyid da: uri nya: da" khyen: yu dei zoo: Moshe gi Mangso shid, khoin" moo: to' yab lho: nyangnu" ri amhoin' pyam baja" ga: nyang: nheigloem: nge" nyid ziri jham" loo" nhang:.

EZRA 5:2

Shelatila nya: zoo: Zerubabela yo' Yozadag nya: zoo: Yeshua gi nyang: tang: da" mungdang: ri shoug" gyoo: lang" nyangnu" gi Yerusalem mo Noku Yhoem: Moo" ri doem koid shid" loo" bye: ziyo' nyangnu" ri lapi: eig yug we' bo pang" ago".

1 SAMUELA 6:20

Hougsu" nghoid yoomo Bed Sheme voobyu yigi «Gyeung" shang: da" Aseing Mangso shidkhoin" moo hang" yo" yab jo, wa lha". Ngoonu" jang" mo nyang: ri khakhyoo: yo" nhang: kaid wa lha"» ga: wigi tid nyid boem ago".

TARHA" TID POIN" 18:15

Hau: gungthid nyang: gi ngoo yhang: te" lapi: dayug ri nanu" nya: byu yi mo nhang: kaid byid: loo wa. Houg: lho: nanu" gi nya: dang: tam" gyoo: byid: ca" wa.

TARHA" TID POIN" 10:8

Hau: ayo, moo Aseing gi Levi byumyu" yiri Dang: Theing Kuid: ri yoovoin yu wa khainjung yi khyo" nyang: ri dei byid: lho: nya: myeing yo' mainkaid byid: wa shid re" khyen: nyheing to" da:. Hau: zigi akhid" ju" sho' nyangnu" da" yoovoin nghoid nyid ashi".

APOEM AYANG: 3:15

Ngoo gi nang yo' myiyi: myhi' ri dayug yo' dayug ri ngheing" goo" nhang: too" wa. Nya: amyed ashen yo' re" amyed ashen gi khanham we' gyivoo jha" bue" nyid wa bye:. Myiyi: myhi' nya: amyed ashen gi re" vhuloem ri nang mhoin' wigi nang we' nya: amyed ashen yi da" khanheig thung" thang: ri thei" wa nghoid» ga: tid.

EZRA 10:18

He: zigi tungbau yhoem: seing: myhi' yo" da" yuggi yi da" zhayhen" nghoid. Khainjung akung: ako' mo zhayhen" joem nghoid da" Yoshua yo' nya: mang: nhung" yi akung: ako' mo Yehozadag da" nya: zoo: yi Maseia- Elieze- Yarib- Gedalia bang: nghoid da:.

ZEKHARIA 4:14

Houg: lang" «He: zigi moug: gyab goin" ri seing: su: da" moo" ri zei: wa shid re" Mangsoo wigi shooxu: joid khyen: too" su: tang: nghoid» ga: tid.

EZRA 2:2

Nyangnu" vhujhung: yigi Zerubabela Yeshua- Nehemia- Seraia- Relaia- Modekhai- Bilshan- Mispa- Bigvai- Rehum yo' Bana nghoid. He: zigi pyoung" she: loo" shoug" jang" mo doem tau" loo bye: da" Israela byumyu" yi zhayhen" nghab youg nghoid.