ZEKHARIA 2:10 - Lacid Common Language Bible

¹⁰ Houg: lho: Aseing tid zigi «Yerusalem bang: we"- jikhoin" khoin" lho: gau yi nyid we'. Khasu" wim gari ngoo gi nanu" da" akhoug: moo re" bo nyid wa zi nghoid» ga: tid.

ZEKHARIA 2:10 Referans Kwoze

MATHE 28:20

Nanu" ri ngoo tid to" da" amyeing" mungdang: dangain"- nyangnu" yo" cang pyeing wa da" shid re" nyangnu" ri jhoug" byid: ge".- ngoo gi he: da" mougmyid pyaid thang sho' nanu" yo" dage" khanham we danyid nyid wa" ga: tid kaid. 1).

ZEKHARIA 8:3

Ngoo gi nga" younglho' voomoo" khyoo: doem tau" lo lho: houg: moo nyid nyid wa zi nghoid. Hau: voomoo" gi dang: zung" voo yo' yoem: moo" bo Aseing da" bouggung gi gyeung" shang: da" bouggung ga: myheing byid: zi shoug" wa nghoid.

YOHAN 1:14

Mungdang gi Byu gung bue" lo lho: Jeju" yo" deingmain" khyoo: byeung" zoore"- ngoonu" jang" moo re" nyid bye. Ngoonu" gi nya: da" Phung" yoeb ri yo" myang boem bye. Hau: da" phung" yoeb gi Nya: pho, zooti" zoo: khyo" yo" kham: yu da" myonhoo: phung" yoeb nghoid.

ZEKHARIA 9:9

Ziun mung" byu yi we" gye" gau yi ngei bu: nyid ge'. Yerusalem bang: we" yoid nyho: loo ngei bu we'. Yu" we'- re" da" khokham phoo gi re" jang" moo ju" re" da:. Nyang: gi ung: pui" oung: myug ziyo' ju" re". Nghoid loug we' nyang: gi nu" nham' lho: loo zei: tho' moo zhung: wigi re" bye:. Nghoid- Loo zei: nu" dadu: atho' moo zhung: lho: wigi re" da:.

ZEPHANI 3:17

Re" da" Aseing Mangsoo gi nang yo' dage' nyid nyid bye:. Nya: yoem: so' gi nang ri oung: doid loo" nhang: wa nghoid. Aseing we" nang moo nheugshid: nheugdeug nhang: ziyo' nya: jheddab da" nheigloem: khyo" nang ri kangso' aseig byid: wa Byumyu" yigi pui" zeing moo ngei bu: nyid boem yhang: ti" nyang: gi re" tho' moo ngei bu: jikhoin" khoin" loo wa nghoid. Aseing tid nyid zigi byuxuid" vooyoem: khyoo: gi thang lo" lho: re" da" sho' phu" khyoo: ri shang: pyam byid: bye:.

EZEKIEL 37:27

Ngoo gi houg moo nyangnu" yo' dage" nyid wa. Ngoo gi nyangnu" da" Mangsoo nghoid wa wigi nyangnu" gi nga" byumyu" yi nghoid wa.

XOIN" NGEI" 26:12

Ngoo gi nanu" yo' dage" nghoid nyid wa. Ngoo gi nanu" da" Mangsoo nghoid wa. Houg: lho: nanu" gi nga" byumyu" yi bui" loo: goo" wa.

Pang Shug 21:3

Hau: lho: wigi zhung: tang mo thui: zeing dakhoin" tid thu' lo da" zigi Yu" ge" - noku yhoem: gi xangsu: byu yi yo' dage" nghoid bye- Nyang: gi nyangnu" yo' dage" nyid lho: nyangnu" gi nya: da" byumyu" bue" loo wa Mangsoo gi nya: gung nyang: nyangnu" yo' dage" nyid lho: nyangnu" da" Mangsoo bue" loo wa nghoid.

YOHAN 14:23

Yesu doem tid da" zigi Ngoori jhed' dab, su: gi nga" da" moo" myeing" ung: voin su: nghoid. Houg: yoomo nga" Phoo gi nyang: ri jheddab wa. Nga" phoo yo" ngoo we' nya: jang" moo yhe: lho: nyang: yo" dage" nyid wa zi nghoid.

YEREMIA 33:11

Ngei pyo: wigi nyho: da" thui:- lo, xo' pui" moo pyo: da" thui: joem ri nanu" doem shoug" gyoo: loo goo" wa. Byumyu" yi nga" Noku Yhoem: Moo" khyoo: jeju" boin: xoin" ci: re" boem uri nyangnu" jikhoin" khoin" boem da" ziri nanu" shau" gyo: loo goo" wa. Nyangnu" gi ‹Myhang: thang Aseing ri jeju" coung" ge'. Ciwim gari: nyang: gi ge wigi nya: jheddab myid gi apyaid atoo: nghoid da› ga: tid boem. Ngoo gi he: mungdain: ri shid phyang" nyid gi yab ge yhi' nyid gi yab gi sho' koid wa. Ngoo Aseing tid too" bye:» ga: tid da:.

YEREMIA 30:19

Houg moo nyid bang: gi coung" nghei jikhoin" khoin" loo goo" wa. Nyangnu" gau wigi nyho: loo goo" wa. Nga" mainkaid jeju" yoomo nyangnu" je myo: loo goo" wa. Nga" mainkaid jeju" gi nyangnu" ri ngi: shab byid: loo wa.

ESAIA 66:14

Hid su" bue" ziri nang myang lang" nang ngei bu loo wa. Hau: zigi nang ri yoem: boo nhang: wigi yang" zain: nhang: wa. Houg: lang" ngoo Aseing gi nga" tid dang: gyoo: byid: bang: ri pang" thoug byid: yug nghoid wigi nga" gyivoo yiri nga" nheig yo: thougtheung zi ci: shug byid: su: nghoid ziri nanu" se' loo goo" wa» ga: tid.

ESAIA 51:11

Nang wigi khyoid yu too" bang: gi Yerusalem khyoo: ngei: pyo: ziyo' jikhoin" khoin" ziyo' gau wigi nyho: zoo" ri ju" loo" goo" wa. Nyangnu" gi apyaid atoo: moo ngei pyo: loo goo" wa. Apyaid atoo: moo nheig koug ziyo' koug ngau zi loid byoin loo goo" wa.

ESAIA 12:6

Ziun boem moo nyid da" byu yugkhang" moo" nyho: wigi jikhoin" khoin" we'. Israela da" gyeung" shang: da" Mangsoo gi gyi: sheung: da" su: nghoid da:. Houg: lho: nyang: gi nya: byumyu" yi agyoo: moo nyid da» ga: jikhoin" khoin" wa.

Pang Shug 2:1

Hau: Ephesu phung mo mauglagyo: jhang khyoo:- hidsu" ein: lhid" kaid we' He: da" mungdang: gi lo, yo lo, moo kyi: nyhed cab ci: lho: zhoung: to" da" sheing: myibung: nyhed loem: da" agyoo: moo so" yen" su: jang" mo mungdang: nghoid.

PHILIPI 4:4

Hau" Aseing: yo' deung: shoin" da" khyoo: moo nanu" khanham we' gau yi ngei pyo: nyid goo" baja"- ngoo deom tid ba- gau yi ngei pyo: nyid goo" baja".

MALAKHI 3:1

Yoem: moo" bo da" Aseing gi hid: su" ga: phug tid to" «Nga" shid re" khyoo: nyheing byid: wa nga" lagyoo: ri ngoo nhang: kaid wa. Houg: lang" nanu" sho: nyid da" Aseing gi yhoem: moo" moo nyeigdain tung" ju" ri" wa. Nanu" myang nau da" lagyoo: gi nga" dang: thang" cab ri tid fu" byid: loo wa zi nghoid.

ZEKHARIA 14:5

Nanu" koem gi boem eig gang gyam: lo" da" lang: khoug: khyo" wigi phang: thu loo" goo" wa nghoid. Yuda khokham" Uzia pyaid moo myid leig leig da" uri nanu" phoug" phyid" yi phang: lid lo" yhang: ti" nanu" shau" phang: loid loo" goo" wa. Hau: uri Aseing nga" Mangsoo gi nya: moug: lagyoo: yi yo' dage" ju" loowa nghoid.

YEREMIA 31:12

Nyangnu" re" wigi Ziun boem tho' moo ngei pyo: jikhoin" khoin" boem wa. Houg: lho: nga" jhungshug joem yoomo gau boem goo" wa. Hau: jhungshug joem gi shivoo- zabyid yhid:- zhainloin: xu: Yang yo' nu: jhungshug joem nghoid da:. Nyangnu" gi gyid goolhoo' za: shoin" da" khyam: yo' du loo goo" wa. Nyangnu" ca" ja: ja: khang" moo" yo" yu loo goo" wa.

ESAIA 61:10

Aseing koid bye: da" lo, moo" yoomo Yerusalem ngei pyo: da:. Nyang: gi nya: lo, xo' pui" shid re" soin' shoung: void ci: da" myhi' seig yo' du loo wa. Mangsoo gi nyang: ri khyoid yu ziyo' oung: doid zi wigi foid too" abye:.

ESAIA 54:1

Yerusalem we"- nang gi bougdung: myhi' dayug ti" bue" lid: loo bye:. Nghoid loug we' akhid" nang gi gau wigi jikhoin" khoin" ziyo' yo" nyhoo: bye:. Akhid" nang gi yhoem: seing: phoo wigi khanham we' atoo" kho' da" myiyi: dayug tho' Zooshang: je myo: abye:.

ESAIA 42:10

Aseing gi jilkhoin" seig yo' jikhoin" khoin" ge' mougmyid gyab goin" we' nyang: ri coung" nghei jikhoin" khoin" ge'. Panglai: ri gu: bang: nanu" we"- nyang: ri coung" ge'. Panglai: mo dei noem dangain" we"- nyang: ri coung" ge'. Ve: da" mungdain: joem yo houg moo nyid bang: dangain" we"- jikhoin" khoin" ge'.

COUNG" NGHEI 68:18

Gyipui" mo myheug lo da" byu yi myoo" sho' yo' hau: myhang: da" boem khyoo: nyang: do' lo" nyid. Nyang: gi tu: lhoin" da" byu yi jang" mo jhungshug joem ri lhoem: yu to". Aseing Mangsoo gi hau: joyoo moo: danyid nyid wa nghoid.

COUNG" NGHEI 40:7

Ngoo gi" «Ngoo hid: moo: nyid nyid. Nga" da" shid re" re" da" jhoug" myeing" joem gi tarha" mougsoug" pug moo: bo jo.

ESAIA 35:10

Nyangnu" gi Yerusalem khyoo: ngei pyo: ziyo' jikhoin" khoin" lho: gau yi wigi nyho: lho: ju" loo wa. Nyangnu" gi apyaid atoo: moo ngei pyo: yug yoo loo goo" wa. Nheig koug ziyo' koug ngau zi apyaid atoo: moo ajo, loo wa.

THU' LO" MOUGSOUG" 29:45

Israela byumyu" yi da" akhoug: moo ngoo nyid wa zi nghoid wigi ngoo gi nyangnu" Mangsoo nghoid wa.

ESAIA 37:22

Aseing tid zigi «Senakherib we"- Yerusalem voomoo" gi nang ri yi juang" pyam lho: aphoug" akhyoid koid abye:.

EZEKIEL 48:35

voomoo" vang myid: shoid goin" da" sheing: phyang" gi 30240 pe: bo da:. Voomoo" da" myeing ri akhid" mo thang: phyang" «Aseing gi hid: moo nyid» ga: myheing loo wa.

ZEKHARIA 1:16

Houg: yoomo ngoo gi nheig khyeug ziyo' Yerusalem shoid khyoo: doem phug loo bye:. Nga" yhoem: gi houg: moo zhug shi" wa zi nghoid. Yerusalem voomoo" ri we' nyheung koid shi" wa» ga: tid.

ZEKHARIA 2:5

Aseing gi Yerusalem voo loem: lheing khab' mo voomoo" myi: vang khyam: bue" lho:-nyang: gi hau: jang" moo nya: myonhoo: phung" yoeb bain sho' yo' nyid nyid wa ein: yhe: tid we'» ga: tid.

ZEKHARIA 2:11

Hau: da" bidnyid ri byumyu" myoo" sho' bang: gi Aseing ri loem khoug: lo boem wigi nya: mung" byu yi bue" lo boem wa nghoid lho: ngoo gi nanu" akhoug: moo nyid wa nghoid. Nyang: yoem: moo" bo Aseing gi ngoo ri nanu" jhang khyoo: nhang: kaid su: nghoid ziri nanu" se' lo boem wa nghoid.

TARHA" TID POIN" 28:64

«Aseing gi moug: gyab dashoid mo dashoid athang: ju" sho' moo nyid da" byumyu" phung: khyoo: nanu" ri khaid sain" pyam wa. Houg: lho: nanu" gi hau: joyoo moo nanu" yo' nanu" phoug" phyid" yi shid phyang" anoku yu" da" seig yo' lugzeing yo' koid da" yu phara" joem ri dei byid: re" boem wa.

ESAIA 48:20

Babelon mo phang: thu ge'. phang: loid loo" ge'. Ngei bu: tung" lu dang: ri nyho: tid we'. «Aseing gi nya: dei zoo: Israela ri khyoid yu abye:» ein: da" lu dang: ri khyi' khang" moo" khyoo: fu" kaid ge'.

ESAIA 52:11

Noku Yhoem: Moo" jonu" ri dang da" nanu" dangain" we" Babelon mo gyeing" nyang: thu loo" ge'. Toem' to" da" ziyoo joem ri age tain" wa. Nanu" nya: gung ri gyeung" shang: sho' koid wigi thu loo" ge'.