ZEKHARIA 13:3 - Lacid Common Language Bible

³ Hau: thang: ri anoo: loo: lapi: dape: nyid shi" mo, hang" ri nghoid loug we' nya: myhi' nya: phoo wigi ‹nang gi shid: wa nghoid. Khasu" wim gari nang gi Aseing da" dang: ri ci: lho: mhau' da" dang: tid nyid› ga: tid wa zi nghoid. Hougsu" tid thang: ri we' lapi: dape: nyid shi" nghoid rigi nya: myhi' nya: phoo eig yug gi nyang: ri thau" kyang said pyam' wa zi nghoid.

ZEKHARIA 13:3 Referans Kwoze

TARHA" TID POIN" 18:20

Nghoid loug we' lapi: dayug yug gi nga" myeing khyo" ngo wigi tid wa amyeing" abyid: ziri voem" koid nghoid rigi nyang: gi hau: shid re" shid: ca" wa. Houg: lho: gootu: yu phara" joem da" myeing khyo" tid da" lapi: hang" nghoid loug we' houg: yo' dakhyoo" ti" shid: ca" wa zi nghoid› ga: tid.

MATHE 10:37

«Hang" nghoid loug- ngoori jheddab da" tho' moo nya: myhi' nya: phoo ri je jhed' dab, rigi hau: yug gi ngoo yo" amoin: yi. Hang" nghoid loug- ngoori jheddab da" tho' moo nya: zoo: yi ri je jheddab nghoid rigi hau: yug gi ngoo yo" amoin: yi.

EZEKIEL 14:9

«Lapi: dayug yug gi shoid da" dang: phuid: ri byid: wa shid re" mhau' fain" zi shoug" nghoid ri ngoo Aseing nyangnu" ri mhau' fain" pyam wigi nghoid. Ngoo gi nyangnu" ri Israela byumyu" yi mo yu pyam wa.

YEREMIA 23:34

Nga" byumyu" mo dayug yug- lapi: dayug yug- khainjung dayug yug gi ‹Aseing da" yoovoin› ga: da" dang: ri ci: su: nyid nghoid ri ngoo gi nyang: ri yo' nya: yhoemkhung: ri yooboo dam byid: wa.

2~KORINTHU 5:16

Hougsu" nghoid yoomo ngoonu" gi akhid" mo wigi hang" ri we' byu da" aklhyoo" laki khyo" cang lho: tarha" dang: phyed khyoo: akoid boem loo. Xang: shid" ayo, moo Khristu ri byu da" akhyoo" alai khyo" cang lho -soin: dang: phyed da" khyoo: koid lailo lboem bye. Nghoid loug we' akhid" hougsu" akoid lo: boem.

LUKA 14:26

Nga" thang: cang loo nghoid loug we' Nya: myhi' nya: phoo- nya: myi: nya: zoo:- nya: mang: nya: nhung" yi yo"- nyang: nya: gung ri te: je jheddab mo, gi nga" cangzoo: ayo" bui.

TARHA" TID POIN" 33:9

Nyangnu" gi nang ri myhi' phoo yi mang: nhung" yi yo' zoo: yi tho' je wigi dang: zung" khyoo: ri ci: shug byid: ago". Nyangnu" gi re" amyeing" dang: joem ri tam" gyo: ago" Houg: lho: re" dang: theing ri jhug zug nyid ago".

YEREMIA 23:25

Nga" da" myeing mo mhoug dang: tid lho: nga" mungdang: ri nyangnu" yhoebmo, moo ngo wigi nyangnu" ri byid: da: ga: tid boem da" hau: Lapi: yi dang: ri ngoo se' da:.

YEREMIA 28:15

Houg: lang" ngoo gi he: dang: ri Hanania ri tid kyo" wigi «Hanania we"- tam" gyoo: we'. Aseing gi nang ri anhang: kaid nghoid da:. Mhau" da" dang: ri he: byu yi loem" sho' nang koid nyid da:.

EZEKIEL 13:23

Houg: akhid" re" agyeing" anghoid da" yoeb myang joem yo' khyoo: vhang: shu" vhang: da" mhau' tid dang: thang byug abye:. Ngoo gi nga" byumyu" yiri nanu" da" yoem: so' mo khyoid yu wa. Houg: lang" ngoo Aseing nghoid ziri nanu" se' loo wa» ga: tid.

EZEKIEL 43:7

Hau: zigi «Shid: se' da" byu we"-he: zigi nga" zhungtang nghoid. Ngoo gi hid: moo Israela byumyu" yi phung: gung moo nyid lho: nyangnu" ri apyaid atoo: moo vhoeb nyid wa. Israela byumyu" yi yo' nyangnu" da" khokham yi gi: yu phara" joem ri no' khyo" we' khokham shid: mang joem ri myang da" joyoo moo no' khyo" we' nga" da" gyeung" shang: myeing khyang" ri ngi: adoem yoem" nhang: loo goo" wa.