ZEKHARIA 1:6 - Lacid Common Language Bible

⁶ Nga" dei zoo: lapi: yi khyo" wigi nanu" da" phoug" phyid" yiri amyeing" byid: dang: yo' lhid zid" wa shid re" ngoo byid: bye:. Nghoid loug we' nyangnu" gi atam" gyo: boem wigi yau: khi" shau" boem. Houg: lang" ‹Yoem: moo" bo da" Aseing gi nya: phajhi" khyau" ziyo' ngoonu" ri kham: moin: da" dam byid: bye:› ga: nung myid yo" boem bye:.

ZEKHARIA 1:6 Referans Kwoze

NGOUG JI: 2:17

Aseing gi nyang: koid wa ga: kyug nhain' lid loo: bye: da" moo" zoo" ri lo" thang moo zei: bue" kaid bye:. Goonham mo nyang: tid poin" lid: lo da" ziyo' dayhang: ti" ngoonu" ri nheig khyeug myid aboo loo: za: lhu: phyo' pyam bye:. Nyang: gi ngoonu" da" gyivoo joem ri oung: doid loo" nhang: bye:. Nyang: gi ngoonu" leung lo" da" jang" moo: nyangnu" ri ngei pyoo: nhang: bye:.

TARHA" TID POIN" 28:15

«Nghoid loug we' nanu" gi nanu" Aseing Mangsoo ri atam" gyo: wigi akhid" nyid" ngoo nanu" ri byid: nyid da" nya: amyeing" joem yo' tarha" joem dangain" ri jhug zug tung" acang nghoid rigi nanu" moo he: akhyeing" ashoeb zi dangain" bui" lo wa zi nghoid.

MATHE 24:35

Mougkhung yo" myidjang: led: loo" nghoid loug we' nga" Mungdang: gi aled: loo" wa.

YEREMIA 23:20

Houg: lho: nyang: koid wa ga: soin' to" da" moo" ja: khang" moo" ri nyang: abain koid koid gi atheing: wa. Ju" loo wa ayo, moo nya: byumyu" yigi he: ziri sho' sho' za: se' gyo: loo: goo" wa» ein: tid bye:.

AMO 9:10

Nga" da" byumyu" yi mo yooboo dab mo, gi Mangso wigi nyangnu" ri ce: dam dab ju: azang" nhang: wa zi anghoid» ga: tid nyid bang: dangain" gi meing: zain: jang: moo said pyam zi shoug" wa» ga: tid.

YEREMIA 44:28

Nghoid loug we' nanu" mo dayham" gi shid: jang" mo phang: loid wigi Egutu mo zi Yuda mung" khyoo: tau" lo boem goo" wa. Houg: lang" nyid deing bang: gi nga" dang: anghoid lang" nyangnu" dang:- khayug dang: joeb byeung" re" ziri se' loo goo" wa.

GYUNG: SOO" 23:19

Mangsoo gi se' mhau' da" byu yi yhang: ti" anghoid. Nyang: gi myid se' thid da" byu xangsu: ti" anghoid. Nyang: dangsoo" khoin" byid: to" zi cinghoid loug nyang: koid da:. Nyang: tid ziyo' dakhyo" bue" lo da:.

1THESALONI 5:4

Nghoid loug we' mang nhung yi we"- nanu" koem gi moug coid khoug: moo nyid nyid, mo, anghoid boem lo: yoomo hau" Aseing: doem ju" re bidnyid gi khoug" su: yhang: ti" nyid, dain' tung" nanu" ri re" myhi: wa zi nghoid.

MALAKHI 3:18

Hau: lho: deing byeung" mo, yo' akhyeing" ashoeb mo, da" agyoo: moo nga" moo" zoo" ri bo pang" zei: su: yo' apang" zei: su: da" agyoo: moo adu go" khyoo: ri nga" byumyu" yigi shau" myang lo boem wa zi nghoid» ga: tid nyid.

HOSEA 9:15

Aseing gi «Nyangnu" da" akhyeing" ashoeb da" moo" dangain" gi Gilgala mo koid shid" lo da:. Hau: jo, yoo moo nyangnu" ri ngoo xang: shi" ngheing" shid" bye:. Houg: lho: nyangnu" koid lid lo da" akhyeing" ashoeb moo" yoomo ngoo gi nyangnu" ri nga" mougmyid mo khaid thu pyam wa. Ngoo gi nyangnu" ri ajheddab loo: wa. Nyangnu" da" vhujhung: yi dangain" bang: gi ngoo ri thougtheung ago".

EZEKIEL 37:11

Mangsoo ngoo ri tid zigi «Shid: se' da" byu we"- Israela byu yigi he: shooyoug: joem yo' du ago". Nyangnu" gi kyug byug wigi myid byu jang ayo" ziyo' ju" lo wa ayo, ga: zi ajo, loo ga: tid ago".

EZEKIEL 20:43

Houg: lang" nanu" gi nanu" koid lid: lo da" ngi yoem" khyoo: dangain" ri yo' nanu" nya: gung ri khasu" anyhoin: athung" bui" nhang: pyam bye: khyoo: ri boin: so" loo goo" wa. Nanu" gi nanu" nyang: koid lid: loo bye: da" akhyeing" ashoeb moo" gang mo nanu" nya: gung ri co' loo goo" wa.

NGOUG JI: 1:18

Nghoid loug we' Aseing gi tarha" nyeung veung" su: nghoid. Khasu" wim ga: ri ngoo gi nya: dang: ri atam" gyoo: koid lid: loo bye:. Khyi khang" moo" mo mo, we"- ngoo ri bo tam" gyoo: byid: ge'. Nga" da" dam noo ri bo yu" byid: ge'. Nga" zoolu: yi yo' zoomyi: yiri thung: byu khyo" myheug shu" lo" abye: go".

YEREMIA 26:15

Nghoid loug we' he: ziri se' too" ge'. Nanu" ngoo ri said nghoid rigi nanu" yo' he: voobyu yigi ce: yooboo ayo" da" byu ri said da" yooboo yo" loo goo" wa. Ciwim gari nanu" ri he: zi tid poin" byid: wa ngoo ri nhang: kaid su: gi Aseing nghoid da» ein: tid bye:.

YEREMIA 4:4

Yuda yo' Yerusalem mo byu yi we"- nanu" da" Aseing ngoo yo' dang: theing to" ziri zoem: ci: ge'. houg: lho: nanu" nya: gung ngoo ri shugbyid: we'. Hougsu" akoid boem lang" nanu" koid da" akhyeing" ashoeb da" moo" joem yoomo nga" da" nheig yo: zigi myi: yhang: ti" nge" loo wa. Hougsu" nge" dab lo wigi hau: ziri hang" wigi we' ayo" said pyam goo" wa» ga: tid da:.

ESAIA 55:1

Aseing tid zigi «Gyid shid bang: yugkhang" moo" we' ri" ge' gyid hid: moo: jo,. Ngei ayoo" bang: we"- ri" ge'. Shivoo: qei wigi zoo: ge'. Ri" ge'. zabyid yhid: yo' nunoug" re" qei shug ge'. Hau: zigi nanu" shid re" ce: aphoug" aca" nghoid da:.

ESAIA 44:26

Nghoid loug we' nga" dei zoo: Lapi: pe: lang" nga" da" myid soin: khyoo: joem ri toin" shid wa shid re" nga" lagyoo: ri nhang: kaid lang" ngoo gi hau: myid soin: khyoo: joem ri koid byid: wigi lapi: dang: ri joeb byeung" loo nhang: wa. Voo byu yi doem nyid loo goo" wa ein: Yerusalem ri ngoo tid. Nyangnu" doem de: nyid loo wa ein: Yuda voomoo" joem ri ngoo tid. Hau: voomoo" joem gi byo, yoin" jo, jang" mo doem to' loo goo" wa.

YOBA 6:29

Nanu" sung lid abye:. Atarha" ziri theing: too" loo ge'. Ngoo ri yooboo abyid: goo". Ngoo gi deungmain" nyid.

TARHA" TID POIN" 28:45

«He: byo, yoin" zi dangain" gi nanu" adang moo ju" wigi nanu" bain joem: loo" sho' nanu" yo' dage" dajo, jo, wa. Ciwim gari nanu" gi nanu" Aseing Mangsoo ri atam" gyo: ziyo' nyang: byid: da" tarha" joem dangain" ri acang yoomo nghoid.

TARHA" TID POIN" 28:20

«Nanu" gi akhyeing" ashoeb zi koid wigi Aseing ri ngeug he: pyam nghoid rigi nyang: gi nanu" adang moo byo, yoin" lo" zi nhung khoid ziyo' nanu" koid moo" ja: khang" moo" ri yau: khi" nhang: wa zigi nanu" bain sho' myab myab doem: lo" da" ayo, ju" sho' nghoid wa.

GYUNG: SOO" 33:56

Nanu" gi nyangnu" ri akhaid thu pyam nghoid rigi ngoo nyangnu" ri said toem" pyam wa ein: soin" to" ziyo' dakhyo" nanu" ri phyo' soin' said toem" pyam wa.

GYUNG: SOO" 32:23

Nghoid loug we' nanu" gi nanu" da" dangsoo" ri acang pyeing nghoid rigi nanu" gi Aseing ri yooboo shoid thougtheung zi nghoid wa ein: ngoo nanu" ri tid poin" too" bye:. Houg: yo' sen: wigi ciwe' ashoid goo". Nanu" gi nanu" nya: yooboo yoomo yooboo dam shoug" kham zoo: goo" wa.

TARHA" TID POIN" 28:2

Nanu" Aseing Mangsoo ri tam" gyo: cang yhe: nyid ge'. Houg: lang" he: mainkaid jeju" dangain" gi nanu" shid re" nghoid ri" wa.

ESAIA 21:17

Lid: beig bang: gi Kedara byu yi mo seing" yang" thang bang: nghoid ago". Nghoid loug we' houg bang: moo dayham" za: dadeing loo wa. Ngoo Israela Aseing Mangsoo tid too" bye:» ga: tid da:.

YEREMIA 32:24

«Babelon byu yigi voomoo" ri yo" seing: yu wa shid re" voomoo" lheing khoem myid boem" joem du: ago". Houg: lho: nyangnu" gyi khaid ago". Meing: zain: khyoo:- zooyoid khyoo:- noo phyoo" bue" khyoo: joem gi voomoo" ri nyangnu" lo, khoug: khyoo: vang loo" nhang: loo wa. Nang tid to" zi dangain" joeb byeung" bye: ziri nang shau" myang da:.

YEREMIA 36:28

Mougsoug" deing: gootu: dadeing: ri doem yu lho: xang: shi" loem: moo bo zi ja: khang" moo" ri hau: moo: lhid" wa shid re" tid da:.

YEREMIA 39:16

Israela da" Mangsoo myhang: thang Aseing gi Etiopi byu Ebedmeleg ri tid wa shid re" tid nhang: zigi «Ngoo koid wa ein: tid to" ziyo' dayhang: ti" ngoo gi he: voomoo" ri byo, yoin" pyam nhang: lho: anyid gi nhang: loo wa. He: zi bui" lang" nang gi hau: ziri shau" myang wa.

YEREMIA 44:29

He: joyoo moo nanu" ri ngoo yooboo dam byid: wa ziyo' nanu" dang moo bui" nhang: wa ein: ngoo dangsoo" byid: to" da" byo, yoin" zi joeb byeung" ri" wa nghoid ziri Aseing ngoo gi nanu" ri sagse: ci: shug byid: wa.

DANIELA 4:28

He: zi dangain" khokham Nebukhadneza moo gyeing" nyang: bue" loo bye:.

HOSEA 5:9

Yooboo dam byid: wa bidnyid gi ju" lo nyid abye:. Houg: lho: Israela gi byo, yoin" loo" wa. Israela byumyu" yi we"- he: zigi gyeing" gyeing" nyang: bue" wa.

ZEKHARIA 1:7

Dari Khosen kho" zhung: da" eig zain ein: wa daxe: dakhyab ga: da" (Shebad lhammoo" khyab) eig xe: myid: nyid" myen moo Aseing ngoo ri byid: da" yoeb myang mungdang: nghoid.

2 KHOKHAM 15:12

Houg: yoomo Aseing wigi khokham Yehu ri «Re" amyed ashen yiri myid: xeig ju" sho' Israela khokham koid wa» ga: dangsoo" byid: to" zi joeb byeung" lo da:.

ESAIA 55:11

Ngoo tid da" mungdang: we' houg yo' dayhang: ti" bui" wa. Hau: zigi ngoo soin' to" da" khyoo: ri koid wa shid re" ahe: pyam wa. Hau: zigi ngoo zei: nhang: to" da" ja: khang" moo" ri koid loo wa.

YEREMIA 28:17

Houg: lang" Hanania gi hau: zain mo da" lhammoo" nyhed khyab ein: khyab moo shid: lo" da:.

YEREMIA 44:2

Myhang: thang Aseing Israela da" Mangsoo tid zigi «Yerusalem yo' Yuda mung" mo gootu: voomoo" joem dangain" dang moo ngo wigi bui" nhang: da" phyo' shoin' pyam ziri nanu nyang: myang gu nghoid bye:. Akhid" ju" sho' lang" byo, yoin" jo, wigi hang" dayug we' hau: joyoo moo anyid loo: nghoid ago".

YEREMIA 44:6

Houg: yoomo nga" da" nheig yo:- nheig joem: yo: ziri Yuda mung" voogung joem moo yo' Yerusalem khyoo: joem moo foid shoin" khyo' kaid wigi hau: voogung joem ri ngoo myi: nghe' pyam wa. Hau: joem gi akhid" nyid" bue" jo, ziyo' dayhang: ti"- byo, yoin" jo, lho: nyangnu" da" myo, shid ti: moo yu" gyoug yu" dain sho' zi bue" loo bye:.

NGOUG JI: 3:42

Ngoonu" gi yooboo shoid vhang: lho: thougtheung nyid boem bye:. Hougsu" nghoid yoomo O" Aseing we"- nang gi ngoonu" ri yooboo akhyoid byid: shi" nghoid da:.