ZEKHARIA 1:3 - Lacid Common Language Bible

³ Nghoid loug we' ngoo nanu" ri tid nau zigi nga" jhang khyoo: lheing: loo ge'-hougsu" nghoid lang" gi ngoo we' nanu" jhang khyoo: lheung: loo wa.

ZEKHARIA 1:3 Referans Kwoze

MALAKHI 3:7

Nanu" da" phoug" phyid" yi da" bidnyid mo zi akhid" nyid" ju" sho' nanu" gi nga" tarha" joem mo gang: lain lo" boem lho: hau: ziri acang nghoid ago". Akhid" nanu" nga" jhang khyoo: doem phug lheung: lo nghoid rigi ngoo we' nanu" shoid khyoo: lheung: loo shi" wa. Hougsu" nghoid loug we' nanu" gi «Ngoonu" khasu" se' phug lheing: loo wa» ga: myid nyid boem ago".

YEREMIA 3:22

Aseing mo lheing: phug loo" bang: nanu" dangain" doem tau" loo we'. Nyang: gi nanu" noo byang" byid: lho: jhug zug nhang: loo wa. Nanu" tid zigi «Nghoid bye:. Nyang: gi ngoonu" da" Mangsoo nghoid yoomo ngoonu" gi Aseing jhang loo" wa.

YOELA 2:12

Aseing tid zigi «Akhid" nghoid loug we' nheigloem: gyeing" thid lho: zoo: shug jang" pyam wigi ngoug byid gyo" lho: koug ngau ziyo' nga" jhang khyoo: doem tau" loo we'.

YEREMIA 4:1

Aseing tid zigi «Israela byumyu" yi we"- nanu" lheing: loo nhau boem nghoid ri nga" jhang lheing: tau" phang: loo we'. Nanu" gi ngoo ri jhug zug wigi ngoo ngheing" da" yu phara" soolhoo: joem ri yu pyam boem nghoid rigi

YEREMIA 12:15

Nghoid loug we' nyangnu" ri ngoo yu pyam thang: ri nyangnu" ri ngoo nheig khyeug yu wa. Ngoo gi byumyu" khang" moo" ri nyangnu" nya: mougmyid khyoo: yo' nyangnu" nya: mungdain: khyoo: shu" loo" wa.

ESAIA 31:6

Aseing gi «Israela byumyu" yi we"- nang gi ngoo ri gyi koid lho: yooboo shoid abye:. Nghoid loug we' akhid" nga" jhang doem tau" loo we'.

HOSEA 14:4

Aseing gi «Nga" byumyu" yiri nga" jhang khyoo: doem shu" yu wa. Ngoo gi nyangnu" ri nga" nheigloem: ung: khoug: dangain" yo' jheddab wa. Nyangnu" ri ngoo khanham we' nheig ayoo: loo: wa.

HOSEA 6:1

Byumyu" yigi «Aseing jang" khyoo: doem tau" lo" boem shang. Nyang: gi ngoonu" ri dam tab bye:. Nghoid loug we' nyang: gi ngoonu" ri gyeing" nyang: yo" ze: gi byid: wa. Nyang: gi ngoonu" ri dam joem: tab abye:. Nghoid loug we' nyang: gi ngoonu" da" dam joid ri pain" cu' thoeb byid: loo wa anghoid rhe".

EZEKIEL 33:11

Ngoo yoem: moo" bo Aseing gi deing deing dei nyid ziyo' dayhang: ti"- yooboo yoo" bang: shid: lo" ziri ayu" gau ein: ziri nyangnu" ri tid kyoo" we'. Nyangnu" gi yooboo shoid ziri theing: pyam lho: kangso' dei nyid ziri ngoo je myid vho: da:. Israela we"- nang koid nyid da" akhyeing" moo" ri theing: pyam we'. Nang ciwim yoomo shid: nau la"

YEREMIA 35:15

Nga" dei zoo: lapi: yi dangain" ri nanu" jhang xo' wigi nhang: kaid bye:. Nyangnu" gi nanu" ri nanu" da" akhyeing" da" moo" joem ri to" pyam wa yo' jo ziri koid wa shid re" nanu" ri tid abye: go". Ngoo wigi nanu" ri yo' nanu" da" phoug" phyid" yiri byid: to" da" mungdain: moo nanu" xo' wigi yo" nyid goo" wa shid re" gooji yu phara" joem ri anoku wa yo' adei byid: goo" wa shid re" nanu" ri tid poin" byid: abye: go". Nghoid loug we' nanu" gi nga" dang: ri ashoug" gyoo:- nga" dang: ri goolhoo' atam" gyoo: nghoid ago".

YEREMIA 25:5

Apyaid atoo: jonu" khyo" nanu" ri yo' nanu" phoug" phyid" yiri Aseing wigi byid: to" da" mungdain: moo nanu" xo' wigi yo" nyid boem goo" wa shid re" nyangnu" gi nanu" ri nanu" da" akhyeing" kangso' dei khyoo: mo yo' nanu" koid da" akhyeing" da" lo, mo" joem mo tau" loo wa nanu" ri tid abye: go".

HOSEA 14:1

Israela byumyu" yi we" nanu" Aseing Mangso jhang khyoo: doem tau" loo ge'. Nanu" yooboo gi nanu" ri khyid: vhu" thung" wigi lheing nhang: bye:.

NEHEMIA 9:28

Yug yo myenjham" khyoo: doem ju" loo lang" nyangnu" yooboo doem shoid ago". Houg: lho: nang gi nyangnu" da" gyivoo yi wigi nyangnu" ri doem oung: pyam nhang: da:. Nghoid loug we' nyangnu" nheigloem: thid wigi nyangnu" ri khyoid yu wa shid re" nang ri mho' lang" mougkhung: mo nang shau" gyo: lho: dalheing: thang: dalheing: re" gyi: sheung: da" nheig khyeug myid khyo" nang gi nyangnu" ri khyoid yu da:.

2 KHOKHAM MHOOMYID: 15:4

Nghoid loug we' yau: khi" ju" re" uri nyangnu" gi Israela da" Aseing Mangsoo shoid khyoo: phug lo" ago". Nyangnu" gi nyang: ri shoo: yoomo nyang: ri sho: myang ago".

YOBA 22:23

Nghoid bye:- nang gi nyhoem: khyo, ziyo' Mangso jhang doem tau" loo ca" da:. Houg: lho: re" yhoem: khoug: moo koid da" akhyeing" moo" dangain" ri to" pyam ca" da:.

ESAIA 44:22

Ngoo gi re" yooboo ri jhoemmoug" ri yo' dakhyoo" ti" shoem" pyam wa. Nga" jhang doem tau" loo we' ngoo gi nang ri khyoid yu su: nghoid» ga: tid da:.

YEREMIA 3:1

Aseing tid zigi «Yuggi dayug gi nya: da" yhoem: seing: myhi' ri kang" pyam wigi hau: myiyi: gi gootu: yuggi dayug da" yhoem: seing: myhi' bue" lo" nghoid ri nyang: we' adoem ge yu loo wa. He: moo" zoo" gi mougmyid ri bain sho' ayung" alho' bui" nhang: loo wa. Nghoid loug Israela we"- nang gi zooyam phoo myoo" sho' yug yo" lid: lo abye:. Houg: lho: akhid" nang gi nga" jhang doem tau" phang: loo nau da:.

EZEKIEL 18:19

«Nghoid loug we' nanu" myid: boem zigi ‹Ciwim yoomo yuggi zoo: gi nya: pho da" yooboo gang mo shid: noo ashau" la"›. Dang: phuid: gi hau: yuggi zoo: gi jo ziyo' ge moo" ri koid abye:. Nyang: gi nga" tarha" joem ri zoem: ci: lho: hau: joem ri goolhoo' za: cang nyid da:. Houg: yoomo nyang: gi gyeing" nyang: dei nyid wa.

2 KHOKHAM MHOOMYID: 15:2

Nyang: gi khokham Asa ri yhe: shoug" wa shid re" yhe: lo" da:. Nyang: gi «Khokham Asa yo' Yuda byumyu" yi Benyamin byumyu" yi we" nga" dang: tam" gyoo: we'. Aseing gi nanu" nyang: yo' dage" nyid myhang nyang: we' nanu" yo' dage" nyid wa. Nanu" nyang: ri sho: boem nghoid rigi nyang: nanu" ri myang nhang: wa. Houg: lho: nanu" nya: jang" mo phug lo" nghoid rigi nyang: nanu" ri she: pyam pyam loo wa.

EZEKIEL 18:31

Nanu" koid loo bye: da" akhyeing" moo" ri asoem" byid: pyam we'. Nanu" nyang: nanu" myid aseig- nheigloem: aseig kham: yu ge'. Israela byumyu" nanu" gi ciwim shid: nau boem ago" la".

EZEKIEL 18:32

Yoem: moo" bo Aseing tid zigi «Ngoo gi hang" dayug ri we' ashid: nhang: nau. Nanu" yooboo mo lheung: tau" lo wigi kangso' dei nyid ge» ga: tid.