YOSHU 8:1 - Lacid Common Language Bible

¹ Aseing gi Yoshu ri «Gyizoo: dangain" nang yo' dage" shu" wigi Ai voomoo" khyoo: yhi: we'. Agyug goo"- yoem: agyoug: goo". Ngoo gi nang ri Ai khokham adang moo: oung: doid nhang: wa. Nya: byu yi voomoo" yo' moug: ri oung: doid nhang: wa. Nya: byu yi voomoo" yo' mougmyid gi nanu" re" nghoid ri" goo" wa.

YOSHU 8:1 Referans Kwoze

YOSHU 1:9

Ngoo nang ri myid phyed lho: loem jeing" wa shid re" amyeing" byid: bye: ziri myid boin: we'. Agyug goo"- yoem: ashoin: goo"- ciwim gari: re" Aseing Mangsoo ngoo gi nang khakhyoo: yhi: khakhyoo: nang yo' dage" nghoid wa» ga: tid.

TARHA" TID POIN" 7:18

Nyangnu" ri agyug goo". Nanu" Aseing Mangsoo gi Egutu khokham yo' nya: byu yi dangain" ri khasu" koid ziri myid boin: ge'.

YOSHU 6:2

Aseing gi Yoshu ri «Ngoo gi Yerikho voomoo" ri nya: khokham we' nya: da" seing" yang" gyizoo: dangain" yo' dage" re" lo, moo: kaid byid: wa.

TARHA" TID POIN" 31:8

Nang ri Aseing nyang: vhu" she: wigi nang yo' dage" nghoid wa. Nyang: gi nang ri asoem" nhang: wa anghoid lang" ashe: pyam wa. Houg: yoomo nheigloem: athang- gyoug we' agyug» ga: tid.

ESAIA 43:2

Nang gyid thoem" no, khyo" so" lid: lo" uri ngoo nang yo' dage" nghoid wa. re" da" yau: khi" gi nang ri aoung: pyam wa. Nang myi: khyo" so" lid: lo" uri nang angi" wa. Yau da" jham" yu" khyoo: ju" lo ri nang ri dam atab wa.

MATHE 8:26

Nyang: gi «ade: loem" jeung" mo, we" ciwim gyoug nyid go" lha"» ga: nyangnu" ri gyikoid houg: lang" nyang: to' lo lho: uglid yo" being: mhoid ri gyikoid. Houg: lang" uglid yo" being: mhoid gi atho' tid loo sho' sam" tam" to.

DANIELA 4:35

Nyang: gi mougmyid dang mo byu joem ri ci: anghoid khyo" yu" da:. Mougkhung: mo moug: lagyoo: yi yo' myidjang mo byu yigi nya: da" vhoebkhang" akhoug: moo nghoid da:. Nyang: myid vho: ziri hang" wigi we' ayo" ngeig toem' pyam nghoid da:. Nyang: koid ziri dang: myid: ayo" myid: nghoid da:.

DANIELA 4:25

Nang gi byu phung: mo khaid thu pyam zi shau" wigi siyoo gougnyhoug joem yo' nyid ca" wa. Nang gi nuloo: yhang: ti" nyhed zain goin" vufu" zo: lho: re" adang moo nghain: gyo" da" jang: pa: moo yhoeb ca" wa. Houg: lang" nang gi xangsu: byu mungdain: dangain" ri gyi: sheung: myhang: thang da" Mangso wigi zei: ci: ziyo' nyang: gi hau: ziri nyang: yo" byid: pyam ziri nang kham: yu loo wa.

DANIELA 2:21

Nyang: gi ayo, akhyeing: yo' yo, boin: ri zei: ci: da:. Nyang: gi khokham yiri tu: to' lho: phyo' pyam da:. Phajhi" juyhi: yo' lasi phajhi" byid: su: nyang: nghoid da:.

YEREMIA 46:27

«Nga" byumyu" yi we"- agyug goo"- Israela byu yi we" adain goo". Ngoo gi nanu" ri ve: da" mung" moo nanu" thung: byu yi bue" nyid da" mung" mo ngoo khyoid yu wa. Nanu" yhoem: khyoo: doem tau" phang: lo wigi yug yoo tung" shoug" nyid wa. Nanu" gi goem loem shau" wigi hang" dayug wigi we' nanu" ri ayo" kyug goo" wa.

ESAIA 12:2

Mangsoo gi nga" khyoid yu aseing nghoid ngoo gi nyang: ri khoug nghe: lho: ngoo agyug nghoid da:. Aseing gi ngoo ri yoem: so' yo' yoem: boo nhang: da:. Nyang: gi nga" khyoid yu Aseing nghoid da:.

COUNG" NGHEI 46:11

Gyi: myhang: da" Aseing gi ngoonu" yo' dage" nyid. Yaku da" Mangsoo gi ngoonu" da" khoug: loo joyoo nghoid.

COUNG" NGHEI 44:3

Re" da" byumyu" yigi he: mungdain: ri nyangnu" da" sham: yo' yoo" zain: oung: yu zi anghoid. Nyangnu" da" yoem: vhoo" yo' hau: ziri yo" yu zi anghoid. Hau: zigi re" da" yoem: so' yoomo we' re" da" athang agoin yoem: moo" yoomo we' nyangnu" ri toin" shed bye: ein: da" nang nyangnu" da" akhoug: moo: dage" nyid nyid da- nheugshid: nheugdeug khyoo: yoomo we' yo" seung: yu da" zi nghoid. Hau: zigi nyangnu" ri nang khayhi' jheddab nyid khyoo: toin" shed byid: nyid.

COUNG" NGHEI 27:1

Aseing gi nga" da" bidbang yo' khyoid yu khyoo: nghoid yoomo ngoo hang" ri we' gyoug aca" wa. Pyaid mo too: mo da" Aseing gi gyoug ci' ja: dangain" jang" mo ngoo ri lhoug zung" nyid yoomo ngoo khanham we' gyoug dain zi ashoug" loo: wa.

YOSHU 7:9

Khanan byumyu" yi yo' mungdain: mo gootu: yugkhang" moo" gi hau: khyoo: ri shau" gyo: ri" goo" wa. Nyangnu" gi ngoonu" ri re" vang: lheing wigi ngoonu" yugkhang" moo" ri re" said pyam ri" goo" wa. Houg: lang" re" ngi: ri goem loem wa shid re" nang cikoid wa lha"» ga: tid.

YOSHU 10:7

Houg: yoomo Yoshu yo' nya: gyidab goin"- ge thang da" gyizoo: yi we' bo wigi Gigala mo to' yhe: lo" ago".

YOSHU 10:8

Aseing gi Yoshu ri «Houg bang: ri agyug goo". Ngoo gi nang ri oung: doid wa ziri byid: too" gu nghoid bye:. Nyangnu" mo dayug we' nanu" ri gyi ayo" khaid goo" wa» ga: tid da:.

YEREMIA 49:3

Heshbon yi we"- kyi: ngau ge'. Ai voomoo" gi phyo' pyam shau" abye:. Raba myiyi: yi we"- koug ngau ge'. Jid: moo" byimi void wigi koug ngau ge'. Anhung akhoid gei ge'. Nanu" da" yu phara" Moleg gi nya: khainjung yi yo' khokham nu" yi yo' dage" pyoung" shu" lo" zi shau" goo" wa.

TARHA" TID POIN" 7:21

Houg: yoomo hau: byumyu" yiri agyug goo". Nanu" Aseing Mangsoo gi nanu" yo' dage" nghoid. Nyang: gi phung gyi: Mangsoo nghoid lho: gyoug phoug" moin: su: nghoid.

YOSHU 2:24

Houg: lho: «Hau: mungdain: goin" ziri Aseing ngoonu" ri byid: too" bye: ziri nga" eig tang: goolhoo' za: si bye:. Hougmoo: nyid da" bang: dangain" gi nyhang" ri gyoug nyid boem ago"» ga: tid.