YOSHU 4:10 - Lacid Common Language Bible

¹⁰ Khainjung yigi byumyu" yi koid wa shid re" Aseing wigi Yoshu ri amyeing" byid: da" gu: ja: khang" moo" bain koid sho' Yodan gyid lang gung moo: yab jo, ago". He: zigi Moshe byid: da" amyeing" dang: nghoid. Byumyu" yigi gyid lang ri hain: hain: gu: dab ago".

YOSHU 4:10 Referans Kwoze

YOSHU 3:13

Mougmyid dangain" da" Aseing Dang: Theing Kuid: ri vu da" khainjung yi nyangnu" khyid: ri gyid lang moo yhe: nang: uri Yodan gyid lang gi yau jang" mo theing: lo" wigi gyid gi dajoyoo mo za theing: jo, wa zi nghoid» ga: tid.

2~KORINTHU 6:2

Tam" gyoo: ge" - Mangsoo tid zigi Ngo nanu" ri jeju" byid: wa ayo, ju" loo lang" nanu" da" mho' yoid thui: ri ngoo tam" gyoo: byid bye. Ngoo nanu" ri khyoid yu wa da" bidnyid ju" lo uri Nanu" ri ngoo pang" thoug byid:- bye ga: wigi nyang: tid nyid. Mangso da" jeju" kham: yu wa zigi - akhid" lang" ge eung: da" ayo, nghoid bye- Yu" ge"-Akhid" lang" khyoid yu da" bidnyid nghoid nyid.

ESAIA 28:16

Akhid" gyi: sheung: da" Aseing tid zigi «Ziun moo geing: teing yoem: gyi: da" apoem: ayang: daloem: tam to" da:. Houg moo ‹Geing teing da" loem khau: myid gi nheigloem: we' sheing: da› ga: lhid" tab to" da" ajhoin: lugzeing daloem: ri ngoo kaid to" da:.

PHAJHI" DANG: 9:10

Nang zei: da" moo" zoo" ci moo nghoid loug we' yoem: kaid wigi koid we'. Ciwim gari moovo moug: moo gi moo" zei: zi ajo, wa. Myid yu" zi ajo, wa lasi phajhi" ajo, wa Phajhi" juyhi: ajo, wa. Houg: lho: hau: joyoo gi nang yhe: loo" wa joyoo nghoid da:.

DANG: ZHOEM 27:1

Nab yo nyid" yo' sen: lho: khanham we' aphau: akhuang nyid akhid" hau: ayo, aju" gyoo: moo: cibui" wa zi nang asi, nghoid da:.

COUNG" NGHEI 119:60

Re" da" amyeing tarha" joem ri anhe" nyid loo: za: ngoo myab, myab, tam" gyo: cang nyid bye:.

TARHA" TID POIN" 31:9

Houg: lho: Moshe gi Mangso da" tarha" ri lhid" wigi Aseing da" Dang: Theing Kuid: ri yu" zung" wa yoovoin bo da" Levi khainjung yi yo' Israela vhujhung: yiri byid: da:.

THU' LO" MOUGSOUG" 12:39

Nyangnu" gi Egutu mung" mo nyeigdain tung" koin" thu zi shau" wigi zoo: shug joem doocid" kaid da" zooyho' joem koid wa da" ayo, akhyeing: ayoo" yoomo doocid" abo da" zooyho' ri bung: zoo: ago".

YOSHU 4:9

Yoshu gi khainjung yi Dang: Theing Kuid: ri vu, wigi yab jo, boem da" Yodan gyid lang gung moo we' lugzeing daxe: eig loem: ri zhang to" da:. (Hau: lugzeing joem gi hougmoo: jo, da:.)

YOSHU 4:11

Nyangnu" dangain" dashoid khyoo: bain gu: dab lang" Aseing Dang: Theing Kuid: gi Khainjung yi yo' dage" byumyu" yi da" shid vhu" moo yhe: lo" ago".

YOSHU 24:11

Nanu" gi Yodan gyid lang ri gu: dab wigi Yerikho khyoo: ju" lo da:. Yerikho voobyu yigi Amori- Perizi- Khanan- Hiti- Girgashi- Hivi- Yebusi byumyu" yi yhang: ti" nanu" ri gyi zain: ago". Nghoid loug we' ngoo gi nanu" ri nyangnu" dangain" bang: adang moo oung: doid nhang: bye:.