YOSHU 3:6 - Lacid Common Language Bible

⁶ Hau: thang: nyang: gi Khainjung yiri Dang: Theing Kuid: ri koid: vu, wigi houg: yo' dage" byumyu" yi da" shid khyoo: yhe: loo" wa shid re" tid da:. Nyangnu" we' nyang: tid ziyo' dakhyoo" ti" koid bye:.

YOSHU 3:6 Referans Kwoze

MIKHA 2:13

Mangsoo gi nyangnu" shid re" khyoo: doem phang byid: lho: tungbau meing: khyoo: pyoung" loo" shau" jang" mo nyangnu" ri shu" thu loo wa zi nghoid. Nyangnu" gi voomoo" khoem" joem ri phyo' sain" pyam wigi loid byoin loo" wa zi nghoid. Nyangnu" da" khokham Aseing: nyang: nyangnu" ri shu" thu loo" wa zi nghoid.

YOSHU 3:3

Byumyu" yiri «Nanu" Aseing Mangso da" Dang: Theing Kuid: ri khainjung yi vu, ci: ziri myang lang" dab ri phyo' wigi nyangnu" thang: moo: cang wa zi nghoid.

GYUNG: SOO" 14:15

Akhid" nang re" byumyu" yi dangain" ri said pyam nghoid rigi re" lafu" myeing gyi: da" thui: ri shau" gyo: da" byumyu" yigi

GYUNG: SOO" 10:33

Byumyu" yigi gyeung" shang: da" Sina Boem mo thu lo" wigi nyangnu" gi soem" nyid" so" yhe: lo" ago". Nyangnu" theing: wa da" joyoo ri myang wa shid re" Aseing da" Dang: Theing Kuid: ri khanham we' nyangnu" shid vhu" moo: yhe: lo" ca" da:.

HEBRE 6:20

Aseing Yesu gi ngoonu" da" gung thid'- hau: joyoo khyoo:- ju" vang loo" bye: zi nghoid yoomo Melikhizedeg da" khainjung nyhoug boo yoomoo- apyaid' atoo: mo khainjung agyi moo" bue" loo bye.

YOSHU 3:5

Yoshu byumyu" yiri «Nanu" nya: gung ri younglho' too" ge'. Ciwim gari: Aseing gi nab yo nyid" nanu" da" agung moo: mau" pho" alhoo: again koid shug ri" wa» ga: tid.

YOSHU 3:7

Aseing gi Yoshu ri «Ngoo akhid" nyid" koid wa moo" zoo" gi Israela byumyu" dangain" bang: gi nang ri byu zeing dayug khyo" wigi ngi: shab shed" ri" goo" wa. Houg: lho: ngoo gi Moshe yo' dage" nyid lo yhang: ti" nang yo' we' dage" nyid ein: ziri nyangnu" se' ri" goo" wa.

1 KHOKHAM 8:3

Vhujhung: yi dangain" zeing: lang" Dang: Theing Kuid: ri khainjung yi vu, wigi

2 KHOKHAM MHOOMYID: 5:4

Vhujhung: yi dangain" bain zeing: foem: nyid boem lang" Levi byu yigi Dang: Theing Kuid: ri tu: vu, yu lho:

YOSHU 6:6

Yoshu gi khainjung yiri khe: yu wigi nyangnu" ri «Hau: Dang: Theing Kuid: ri vu ge'. Houg: lho: nanu" mo nyhed yug gi hau: shid vhu" moo: laboo" joem ci: wigi yhe: loo" ge'» ga: tid da:.