YOSHU 3:5 - Lacid Common Language Bible

⁵ Yoshu byumyu" yiri «Nanu" nya: gung ri younglho' too" ge'. Ciwim gari: Aseing gi nab yo nyid" nanu" da" agung moo: mau" pho" alhoo: again koid shug ri" wa» ga: tid.

YOSHU 3:5 Referans Kwoze

YOSHU 7:13

Too' we'. Byumyu" yiri younglho' pyam nhang: wigi nga" shidkhoin" khyoo: ri" wa shid re" nyangnu" ri soin nhang: we'. Nab kyoo' jen" jen" koid too" wa shid re" nyangnu" ri tid we'. Israela byumyu" yi da" Aseing Mangsoo ngoo gi he: dang: ri «Israela byumyu" yi we"- ngoo phyo' shoin pyam wa shid re" amyeing" byid: to" da" zi joem mo dayham" nanu" jonu" moo bo kaid to" ago". Nanu" hau: joem ri ayu pyam pyam gi nanu" gi nanu" da" gyivoo joem ri gyi ayo" kaid goo" wa.

XOIN" NGEI" 20:7

Nanu" nya: gung ri gyeung" shang: nyid ge'. Ciwim gari: ngoo gi nanu" Aseing Mangsoo nghoid.

YOELA 2:16

Mung" byu yiri dajo, yoo moo za: zhung: jo, nhang: ge'. Gyeung" shang: phung: foem: wa shid re" nyangnu" ri nyheing too" ge'. Mang: zoo: yi zooshang: mi" yo' nu" nain" yiri khe: zheung" too" we'. Aseig shi" lo, xo' too" bang: lang" nyangnu" yhoem: mo thu lo lho: ri" ca" boem da:.

1 SAMUELA 16:5

Nyang: gi «Nghoid- ngoo gi Aseing ri xoin" ngei" byid: wa shid re" re" zi nghoid. Re" gung kyeing sain' pyam lho: nga" jang" moo cang we'» ga: doem phug tid. Nyang: gi Yese yo' nya: zoo: yuggi zoo: yiri we' nyang: tu: nya: gung kyeing sain' nhang: wigi xoin" ngei" jhang: khyoo: ri" wa shid re" khe: yu bye:.

YOHAN 17:19

Nyang: nu" gi re" shid re" gyeing" nyang: ab nung" too" mo bui" baja" nyangnu" shid re" nga" gungdu: nyang: nang ri ab nung" byid: bye..

XOIN" NGEI" 10:3

Hau: thang: Moshe gi Arun ri «He: zigi Aseing nyang: dang: tid uri ‹ngoo ri shugbyid: bang: dangain" nga" da" gyeung" shang: ziri phau" myang: ca"- ngoo gi nga" byumyu" yiri nga" phung" yoeb ri pang shug wa nghoid› ga: tid da" dang: nghoid» ga: tid. Nghoid loug we' Arun gi sam zoo: tam" to" da:.

COUNG" NGHEI 86:10

Nang gi gyi: myhang: thang su: nghoid wigi mau" pho" moo" zoo" ri zei: nyid da:. Nanyang: kyeing" Mangsoo danghoid nyid.

YOBA 1:5

Pui" koid bain khang" moo" thang: nyid" nab soin: Yoba gi no' mo yhoeb so" to' lho: nya: zoo: yi yugkhang" moo" ri kyeing sain' byid: wa shid re" xoin" lhung ngei" byid: da:. Nyang: khanham we' hidsu" ciwim lhung koid ga: ri nya: zoo: yi mo dayug yug gi aboin: asoo" lho: Mangsoo ri rue" da" khyo" yooboo shoid goo" abe ga: myid wigi nghoid da:.

YOSHU 3:13

Mougmyid dangain" da" Aseing Dang: Theing Kuid: ri vu da" khainjung yi nyangnu" khyid: ri gyid lang moo yhe: nang: uri Yodan gyid lang gi yau jang" mo theing: lo" wigi gyid gi dajoyoo mo za theing: jo, wa zi nghoid» ga: tid.

GYUNG: SOO" 11:8

Hau: zigi dab moo: damyen goin" goin" nghain: yo' dage" gyo" da:. Thang: nab kyoo' byumyu" yigi hau: ziri cang koid: zheing" yen" lho: hau: ziri gyeug lho: anghoid lang" aphei" koid yu wigi hau: thang: hau: ziri jhau' lho: zooyho' koid yu da:. Hau: zooyho' gi zhainloin: xu: yo' koid to" da" zooyho' yo' dakhyoo" ti" nghoid da:.)

YOSHU 3:4

Nanu" hid: moo: khanham we' aju" yu" goo" nghoid yoomo nanu" yhe: loo" wa da" khyo: ri nyangnu" toin" shid byid: wa zi nghoid. Nghoid loug we' Dang: Theing Kuid: khyoo: atab yhi: goo". Hougmo zi khyoo: main: agung dayi" kyo: wigi nyid boem ge'» ga: tid.

YOSHU 3:6

Hau: thang: nyang: gi Khainjung yiri Dang: Theing Kuid: ri koid: vu, wigi houg: yo' dage" byumyu" yi da" shid khyoo: yhe: loo" wa shid re" tid da:. Nyangnu" we' nyang: tid ziyo' dakhyoo" ti" koid bye:.

COUNG" NGHEI 77:15

Re" da" yoem so, yo' re" da" byu Yaku yo' Yoseb da" amyed ashen joem ri nang khyoid yu bye:.