YOSHU 3:16 - Lacid Common Language Bible

¹⁶ gyid yau zi theing: lo' wigi Zarethan nam mo Adan voomoo" ju" sho' doem tau" yau lo" da:. Thoem" shid: khyoo: yau gyoo" lo" da" gyid gi jhoid yau kain" pyam wigi byumyu" yigi Yerikho nam khyo" yo" lid phyed lo" da:.

YOSHU 3:16 Referans Kwoze

YOSHU 3:13

Mougmyid dangain" da" Aseing Dang: Theing Kuid: ri vu da" khainjung yi nyangnu" khyid: ri gyid lang moo yhe: nang: uri Yodan gyid lang gi yau jang" mo theing: lo" wigi gyid gi dajoyoo mo za theing: jo, wa zi nghoid» ga: tid.

1 KHOKHAM 7:46

Khokham phoo gi hau: joem dangain" ri Yodan janggyoin: mo Sukhod yo' Zarethan agyoo: moo: koid da:.

1 KHOKHAM 4:12

Ahiluda da" nya: zoo: Bana- Tanag- Megido voomoo" joem Bed Shan aqei: ayam mo voomoo" joem. Zarethan aqei: ayam mo voomoo" joem Yezrela voogung mougpyi: moug: joem Abela Mehola yo' Yokmeam voogung ju" sho'.

APOEM AYANG: 14:3

He: da" khokham wim: yug gi yoem: shoin" gyiphung: koid lho Sidim pa: dam khoug: moo yoem: zheing" boem. Hau: khyi' gi akhid" xoo" thoem" bue" jo, da" joyoo nghoid.

COUNG" NGHEI 114:3

Gyid thoem" ni gi hau: ziri myang yoomo phang: lo" byug bye:. Yodan gyung: we' yau, nyid jang" mo theung: byug bye:.

TARHA" TID POIN" 1:1

He: jhoem: pug gi Israela byumyu" yi Yodan gyid lang bidthu shoid dain" pyoid yoo moo nyid da" uri nyangnu" ri Moshe gi tid da" dang: joem nghoid. Nyangnu" gi dashoid khyoo: Paran voo yo' thang: dashoid khyoo: Tophela- Laban- Hazerod yo' Dizahab voo joem: agyoo: moo jo, da" Supha voogung nam mo Yodan gyid langkhung" moo nyid boem. (

GYUNG: SOO" 34:3

Mougpyi: shoid mo mougkyoo" gi Zin dain" pyoid yoo mo zi Edom mougkyoo" ju" sho' ce" loo" wa zi nghoid. Hau: zigi bidthu shoid thoem" shid: mougpyi: mo shid" wa zi nghoid.

COUNG" NGHEI 77:19

Nang gi beung: mhoid tho' khyo" so" lid: lo" wigi no, da" panglai: gyid ri neug phyed lid lo" nyid. Nghoid loug we' re" da khyid: khoo: joem ri hang" we' ayo" myang boem nghoid da:.

COUNG" NGHEI 74:15

Nang gi gyid bug yo' gyid zoo: joem ri shau, kaid wigi gyid moo" lang joem ri khyoug kain" loo" nhang: nyid.

COUNG" NGHEI 66:6

Nyang: gi panglai: ri kyug kyiri" da" tunggung bui" nhang: pyam lho: ngoonu" da" phoug" phyid" yigi hau: gyid lang moo: khyid: khyo" yo" so" lid: lo" boem bye:. Hau: joyoo moo nyang: koid shug bye: moo" zoo" joem yoomo ngoonu" gi gye" gau yi ngeibu: boem bye:.

COUNG" NGHEI 29:10

Aseing gi no, thang panglai: gyid thoem" ri vhoebkhang" nyid. Nyang: gi apyaid atoo: mo khokham yhang: ti" vhoebkhang" nyid.

YOSHU 15:2

He: mougpyi: shoid mougkyoo" gi thoem" shid: mougpyi: shoid athang: mo zi:

TARHA" TID POIN" 3:17

Bidvang shoid mo nyangnu" mougmyid gi Yodan gyid lang ju" sho' gyi: wigi mougzhung: shoid Galile Thoem" mo zi mougpyi: shoid Thoem" Shid: ju" sho' yo' bidthu shoid moo Pisga boem khyid: ju" sho' gyoo: mo mougmyid nghoid da:.

THU' LO" MOUGSOUG" 14:21

Moshe nya: lo, ri hau: thoem" adang mo tu: yeing too" lang" Aseing gi bidthu shoid mo lid zeing yo' thoem" ri moid tau" nhang: bye:. Damyen goin" lid moid wigi thoem" gi myidgung cen: bue" loo" khari" bye:. Gyid we' eig gang go, loo" bye:.

COUNG" NGHEI 33:7

Nyang: gi gyid thoem" moo" joem ri dakhyi, jang: moo: zheung" to". Nyang: gi no, da" nammugdara joem ri koug: yab joem moo: myhed" lhoung to".

COUNG" NGHEI 114:5

Panglai: we" nang gi ciyoomo phang: lo" lha". yodan gyung: we" nang gi ciyoomo- yau nyid jang mo theung: jo, lha".

ESAIA 50:2

Ngoo nyangnu" ri khyoid yu wa nyangnu" jhang yhe: uri nga" byu yigi hau: ziri ciwim wigi aphug tid boem la". Ngoo nyangnu" ri khe: uri nyangnu" ciwim atu" boem go" la". Ngoo gi nyangnu" ri khyoid yu wa yoem: sung neing: yug nghoid rhe". Gyid ayoo" yoomo houg moo nyid boem da" wimdo, joem shid: wa shid re" ngoo gi amyeing" dang: wigi panglai: ri yo" kain" hei' loo" nhang: lho: gyid lang ri dain" pyoid yoo yo" koid pyam da:.

EZEKIEL 47:8

Nyang: gi ngoo ri «He: gyid gyung: gi hau: mougmyid khyo" bidthu shoid khyoo: yau lo" wigi Yodan lang: khung" yo' xoo" thoem" khyoo: yau vang lo" da:. Hau: gyid gi xoo" thoem" khyoo: yau vang lo" uri hau: xoo" gyid gi gyid gyeing: bue" loo" khare" da:.

NAHUM 1:4

Nyang: gi panglai: ri amyeing" byid: kaid lang" hau: zigi kain" loo" khare" lho: nyang: gi gyid moo" lang joem ri we' kain" loo" nhang: bye:. Bashan janggyoin: we' nyhau" kyug lo"- Kharmela boem we' kyug moid" lo" lho: Lebanon da" bain: boo" joem we' nyhau" shu: gyo" byug boem bye:.

HABAKU 3:8

Aseing we"- gyid moo" lang joem gi nang ri nheig yoo: nau zi anghoid la". Panglai gi nang ri nheig joem: yoo: nhang: bye: la". Nang gi jhoemmoug" tho' moo zhung: jo, lho: Uglid jhoemmoug" gi re" da" byumyu" yiri ung: doid nhang: wa shid re" re" da" gyimyang: rheing" nghoid wa bye:.

THU' LO" MOUGSOUG" 14:22

Israela byumyu" yigi eig shoid goin" gyid pyiyam yam to" da" agyoo: myidgung cen: khyo" wigi thoem" ri lid phyed loo" bye:.

THU' LO" MOUGSOUG" 14:29

Nghoid loug we' Israela byumyu" yigi eig shoid goin" gyid pyiyam yam to" da" agyoo: myidgung cen: khyo" wigi thoem" ri yo" so" lid: loo" bye:.

THU' LO" MOUGSOUG" 15:8

Nang panglai: ri moid wigi gyid myhang: do, loo nhang: lho: hau: zigi pyiyam yhang: ti" yab jen boem ago". Panglai: mo no, thang joyoo moo myidkeing: doem: bue" loo bye:.

YOSHU 4:22

nanu" gi nyangnu" ri Israela byu yi Yodan gyid lang ri myid kyug yoo moo gu: dab da" ayo, mo khyoo: ri tid kyoo" wa zi nghoid.

YOSHU 5:1

Yodan gyid lang bidvang shoid mo Amori khokham dangain" yo' Meing: gung panglai: cang mo Khanan khokham dangain" gi ‹Israela byumyu" yi bain gu: dab sho' Yodan gyid lang ri Aseing gi kyug hei loo" nhang: da:› ga: ziri shau" gyo: ago". Nyangnu" gi Israela byumyu" yi yoomo gyoug lo boem wigi nyangnu" da" nheigloem: gyau: khare" boem ago".

YOSHU 12:3

Hau: zigi Yodan janggyoin: mo Galile mougpyi: shoid Bed Yeshimod (Thoem" Shid: da" bidthu shoid) ju" sho' yo' Pisga boem khyid: ju" sho' nghoid da:.

YOSHU 16:7

Houg: lho: hau: zigi Yanoa mo zi: Atarod yo' Nara- Yerikho khyoo: ju" gyoo" lo" wigi Yodan gyid lang moo yhe: thang da:.

TARHA" AGYI 7:22

Gideon da" byu gi nyangnu" da" laboo" moid nyid boem uri Aseing gi gyivo gyidab ri nyangnu" sham: yo' nyang: cang" nyang: gyi zain: nhang: da:. Nyangnu" gi Zarethan shoid khyoo: Bed Shila yo' Tabad nam mo Abemehola voogung ju" sho' tang" phang: lo" ago".

COUNG" NGHEI 78:13

Nyang: gi panglai: gyid ri eig gang kho' gam pyam lho: gyid gi eig shoid goin- xiyam, yhang: ti" yab jo, nhang: wigi nyangnu" ri houg: khyo" shu" loo bye:.