YOSHU 13:5 - Lacid Common Language Bible

⁵ Gabeli byumyu" yi da" mougmyid- bidthu shoid mo Lebanon mougmyid dangain". Hermon boem mougpyi: shoid moo jo, da" Balagad mo Hamad boem gyoo: ju" sho'.

YOSHU 13:5 Referans Kwoze

1 KHOKHAM 5:18

Sholumon yo' Hiram da" moo" zei: byu yi yo' Biblo voomoo" mo byu yigi Noku Yhoem: Moo" zhug wa shid re" lug yo' seig thi" joem ri soin' byid: bye:.

YOSHU 12:7

Yoshu yo' Israela byumyu" yigi Yodan gyid lang bidvang shoid mougmyid mo khokham dangain" ri khaid zain: oung: pyam ago". Hau: joem gi Lebanon janggyoin: moo jo, da" Balagad mo zi mougpyi: shoid Edom nam moo jo, da" Halag boem ju" sho' nghoid da:. Yoshu gi hau: mougmyid joem ri akung: ako' yiri kho' gam byid: wigi hau: ziri dapyaid goin" seing: wa mougmyid jonu" khyo" ab byid: bye:.

EZEKIEL 27:9

Gyid sangphoo mo lo, moo" zei: bang: gi Biblo mo goolhoo' za: jhau" yu ci: bang: nghoid da:. Panglai: khyoo: so" yen" da gyid sangphoo khang" moo" mo lhid ku" bang: gi Re" kid" sen: joem moo oung” zoo: oung” shug moo" koid ago".

COUNG" NGHEI 83:7

Gabala byumyu" yi Amon yo' Amaleg byumyu" yi Philisti yi yo' Turu byumyu" yi bo boem ago".

YOSHU 11:17

Mougpyi: shoid Edom nam moo: jo, da" Halag boem mo mougzhung: shoid Balgad ju" sho' Hermon boem da" mougpyi: shoid Lebanon janggyoin: ju" sho' rua da:. Yoshu gi he: mougmyid mo khokham yi yo' ayo, myang" sho' meing: khaid zain: ago". Nghoid loug we' nyangnu" dangain" bang: ri meing: zain: oung: pyam wigi houg: bang: ri said pyam da:.

GYUNG: SOO" 34:8

hau: joyoo mo zi Hamad koolhang ju" sho'. Houg: mo zi Zedad

AMO 6:2

Nanu" gi Khalna voomoo" khyoo: yhe: lho: yu" yu" we'. Houg: lho: Hamad voomoo" khyoo: xo' yhi: we'. Philisti mung" mo Gad voomoo" ri yhe: yu" we'. Hau: voomoo" joem gi Yuda mung" yo' Israela mung" tho' moo je ge la". Nyangnu" mung" gi nanu" mung" tho' moo je gyi: la".

ESAIA 10:9

Ngoo gi Khalna yo Kharakheme voomoo" joem Hamad yo' Arpad voomoo" joem ri ngoo oung: pyam bye:. Ngoo gi Samari yo' Damasku ri oung: pyam bye:.

TARHA" TID POIN" 3:25

Aseing we"- ngoo ri Yodan gyid lang ri gu: dab yhi: nhang: lho: thei: tab mo myid xu: ge: da" mougmyid yung" da" boem moug: Lebanon boem joem ri myang wa akhang" byid: la› ga: zug zug mho' nyid.

TARHA" TID POIN" 1:7

Dab ri phyo' lho: to' loo" loo: ge'. Amori boem moug: yo' hau: lheing khoem mo Yodan lang: khung" boem moug: nyoem" moug: mougpyi: shoid khyoo: we' Meing: gung panglai: gyid yam cang khyoo: yhi: ge'. Khanan mung" yo' Lebanon boem lid wigi Uphrad gyid lang ju" sho' yhi: ge'.

GYUNG: SOO" 13:21

Houg: yoomo houg bang: gi mougzhung: khyoo: yhe: lo" wigi mougpyi: shoid Zin dain" pyoid yoo mo zi mougzhung: shoid Hamad nham khyoo" lid lo" da" Rehob moo ju" sho' joo" yhe: yu" yen" ago".

YOSHU 11:3

Nyang: gi Yodan gyid lang eig shoid goin" moo nyid da" Khanan byu- Amori byu- Hiti byu- Perizi yo' boem moug: mo Yebusi- Mizpa mung" mo Hermon boem khyid: moo: nyid boem da" Hivi byu yiri we' dang: pyeung: kaid da:.

1 KHOKHAM 8:65

Noku yhoem: moo Sholumon yo' Israela byumyu" yi dangain" bang: gi nyhed nyid" nyang: zoem" pui" koid ago". Houg moo: mougzhung: shoid Hemad mougkyoo" mo zi mougpyi: shoid Egutu mung" mougkyoo" ju" sho' mo da" byumyu" phung: moo" zeing re" ju" zeing: foem: boem ago".

YEREMIA 52:9

Zedekia gi Hamad mougmyid mo Ribla voomoo" moo nyid da" Khokham Nebukhadneza jhang shu" lo" zi shau" da:. Nebukhadneza gi houg: moo nyang: ri dang: phyed da:.