YOSHU 12:1 - Lacid Common Language Bible

¹ Israela byumyu" yigi Yodan gyid lang bidthu shoid- Arnon janggyoin: mo Yodan janggyoin: yo' moug zhung: shoid Hermon boem ju" sho' da" mougmyid ri oung: pyam wigi seing: yu to" gu nghoid bye:. Nyangnu" gi khokham eig yug ri khaid oung: pyam bye:.

YOSHU 12:1 Referans Kwoze

TARHA" AGYI 11:18

Hau: thang: nyangnu" gi Moba bid thu shoid Arnon lang thei: tab khyoo: ju" yhi: sho' dain" pyoid yoo khyo" Edom yo' Moba mung" ri so" lheing yen" ago". Nyangnu" gi houg: moo dab koid nyid ago". Nyangnu" gi Arnon lang ri agu dab yhi: nghoid ago". Ciwim gari hau: zigi Moba mougkyoo" nghoid yoomo nghoid.

GYUNG: SOO" 21:24

Nghoid loug we' Israela byumyu" yigi meing: zain: pa: moo: gyivoo yi myoo" sho' ri said pyam wigi nyangnu" moug: ri Arnon gyid gyung: mougzhung: shoid mo zi Yabug gyid gyung: ju" sho' lhoid seing: yu ago". Hau: zigi Amori byumyu" yi moug: ju" sho' nghoid da:. Ciwim gari Amori mougkyoo" gi teing za: lhoug zung" to" ago".

GYUNG: SOO" 21:13

Houg: mo nyangnu" doem to' wigi Amori mougkyoo" ju" sho' nghoid da" dain" pyoid yoo moo yau nyid da" Arnon gyid gyung: mougzhung: shoid moo: yhe: theing: nyid ago" (Arnon lang gi Moba yo' Amori moug: agyoo: moo: mougkyoo" nghoid da:.)

ESAIA 16:2

Nyangnu" gi Arnon gyid yam moo lang" nyid boem wigi ngho' soid mo khaid thu pyam shau" da" ngho' joem yhang: ti" myid byu khyoo: atoo" loo: za: thu: khyoo: hid khyoo: lam" yen" ago".

COUNG" NGHEI 133:3

Hau: lho: hermon boem tho' moo: gyo" da" gyu: gi Ziun boem tho' moo: khyo' da" gyu: yo' dakhyoo" ti" nghoid. Aseing gi hau: joyoo moo khanham we' athang agoin da" kangso' mainkaid jeju" byid: wa ga: dangsoo" byid: too" bye:.

YOSHU 22:4

Akhid" nyang: dangsoo" byid: to" ziyo' dakhyo" nanu" Aseing Mangsoo gi nanu" da" Israela mang: nhung" yiri ngei pyoo: yug yo' zi byid: too" bye:. Houg: yoomo Aseing da" dei zoo: Moshe wigi nanu" ri byid: bye: da" Yodan gyid lang bidthu shoid mo nanu" nya: mougmyid ga: tid seing: yu da" yhoem: moug: khyoo: doem loo" loo: ge'.

YOSHU 11:17

Mougpyi: shoid Edom nam moo: jo, da" Halag boem mo mougzhung: shoid Balgad ju" sho' Hermon boem da" mougpyi: shoid Lebanon janggyoin: ju" sho' rua da:. Yoshu gi he: mougmyid mo khokham yi yo' ayo, myang" sho' meing: khaid zain: ago". Nghoid loug we' nyangnu" dangain" bang: ri meing: zain: oung: pyam wigi houg: bang: ri said pyam da:.

YOSHU 11:3

Nyang: gi Yodan gyid lang eig shoid goin" moo nyid da" Khanan byu- Amori byu- Hiti byu- Perizi yo' boem moug: mo Yebusi- Mizpa mung" mo Hermon boem khyid: moo: nyid boem da" Hivi byu yiri we' dang: pyeung: kaid da:.

TARHA" TID POIN" 4:48

He: mougmyid gi Arnon gyid lang ayam mo jo, da" Aroera voogung mo zi mougzhung: shoid Hermon boem ga: da" Sirion boem khyoo: ju" sho' nghoid da:.

TARHA" TID POIN" 2:24

«Ngoonu" gi Moba moug: khyoo: lid phyed yhe: thang: Aseing gi ngoonu" ri ‹To' yhe: lo" lo: Amon gyid lang ri gu: dab ge'. Ngoo gi Heshbon mo Amori khokham Sihon yo' nya: mougmyid ri dage" za: nanu" yoem: so' khoug: moo to" too" byid: wa. Nyang: ri yhe: khaid zain: wigi nya: mougmyid ri seing: yu ge'.

GYUNG: SOO" 32:19

Ngoonu" gi Yodan gyid lang thei: tab mo nyangnu" phung: mo ziyoo jonu" ciri: we' abo seing: wa. Ciwim gari: ngoonu" gi he: Yodan gyid lang bidthu shoid mo ngoonu" nya: gamboem ri yo" yu to" boem bye:» ga: tid boem.

GYUNG: SOO" 32:33

Houg: yoomo Moshe gi Gad yo' Ruben kung: yi yo' Manashe kung: agung dayi" ri Amori khokham Sihon da" mougmyid dangain" yo' Bashan khokham Oga da" mougmyid mo voogung joem yo' hau: aqei ayam mo siyoo voogung joem bo bo wigi joyoo gam kho' byid: da:.

YOSHU 13:8

Ruben- Gad yo' Manashe byumyu" agung dayi" bang: gi Aseing da" dei zoo: Moshe wigi byid: too" bye: yoomo mougmyid yoo" gu nghoid abye: go". Hau: zigi: Yodan gyid lang bidthu shoid mo nghoid da:.

COUNG" NGHEI 89:12

Mougzhung: yo' mougpyi: we' nang phain" so: to" abye:- Tabora boem yo' Hermon boem joem ri we' nang ri gau, yi jikhoin" thu: yo' khoin" nyid boem bye:.

COUNG" NGHEI 136:21

Nyang: gi nyangnu" da" mungdain: joem ri nya: byumyu" yi da" lo, moo: ab byid: pyam bye:. Nya: jhed khyeing: kang: khyeing: gi pyaid moo: too: moo: dageung: teung jo.

GYUNG: SOO" 21:21

Hau: thang: Israela byumyu" yigi Amori khokham Sihon jhang lagyoo: joem ri nhang: kaid lho:

GYUNG: SOO" 32:32

Ngoonu" gi he: Yodan gyid lang bidthu shoid mo ngoonu" da" ziyoo jonu" mougmyid ri yo" zoem: too" wa shid re" nya: amyeing" dang: akhoug: moo: Yodan gyid lang ri gu: dab yhe: lho: meing: zain: wa» ga: tid ago".

TARHA" TID POIN" 2:32

Sihon gi ngoonu" ri khaid zain: wa shid re" nya: byu yi dangain" bang: yo' Yahad voogung nam khyoo: thu re" boem ago".

TARHA" TID POIN" 3:1

«Hau: thang: ngoonu" gi mougzhung: shoid Bashan mougmyid khyoo: to' yhe: lo" ri khokham Oga gi ngoonu" ri khaid zain: wa shid re" Edrei voogung nam khyoo: nya: byu yi yo' thu re" da:.

TARHA" TID POIN" 4:44

Moshe gi Mangso tarha" ri byid: lho: Israela byumyu" yiri jhau" shid byid: bye:.

1 KHOKHAM 4:19

Uri da" nya: zoo: Gebera- Amori khokham Sihon yo' Bashan khokham Oga tang: vhoebkhang" lid loo bye: da" Gilead moug:. He: daxe: eig moug: mo lid- mung" goin" ri yu" nyid da" zoug: dayug nyid nyid shi" da:.