YOSHU 10:2 - Lacid Common Language Bible

² Khokham zhung: da" voomoo" joem mo Gibeon voomoo" yhi gyi: da" voomoo" daloem we' ajo. Hougsu" nghoid yoomo Yerusalem voobyu yigi gye" gyoug nyid boem ago". Gibeon gi Ai voomoo" tho' je gyi: wigi Ai mo byu yigi gyi khaid sarhi: gi yi nghoid ago".

YOSHU 10:2 Referans Kwoze

TARHA" TID POIN" 11:25

Nanu" Aseing Mangsoo gi nyang: dangsoo" byid: to" ziyo' dakhyo" hau: mungdain: khoug: moo nanu" yhe: lo" da" joyoo khang" moo" mo byumyu" yi nanu" ri gyoug boem wa. Nanu" ri hang" we' ayo" toem' pyam wa.

YOSHU 2:24

Houg: lho: «Hau: mungdain: goin" ziri Aseing ngoonu" ri byid: too" bye: ziri nga" eig tang: goolhoo' za: si bye:. Hougmoo: nyid da" bang: dangain" gi nyhang" ri gyoug nyid boem ago"» ga: tid.

HEBRE 10:31

Dei nyid da" Mangso lo, moo gyo" vhang lo" ein: zigi atho' tid loo: sho' gyoug ca" da" khyoo: nghoid.

HEBRE 10:27

Ngoonu" gi ju" loo wa nghoid da" tarha" dang: phyed khyoo: yo' Mangsoo yo' aveing" goo" mo, ri nghe, jhoem" pyam' wa da" atho' tid loo: sho' gyoug pho" ngarai myi: ri gyoug nain" zoore" lang nyid wa zi za: danghoid lo.

DANG: ZHOEM 10:24

Deingmain" da" byu yigi nyangnu" nyang: vho: ngei nyid da" ziyoo joem ri yo" yu nyid boem. Akhyeung" bang: gi gye" gyoug pho" thang da- khyoo: ri yo" yu boem wa zi nghoid.

2 SAMUELA 12:26

Akhid" Yoab gi Amon voomoo" mo Raba voomoo" ri xo' khaid zain: wigi hau: voogung ri meing: zain: oung: wa ziza: danghoid lo: da:.

1 SAMUELA 27:5

David gi Akhisha ri «Nang nga" byencang" nghoid rigi voogung zoo: daloem: moo nyid wa akhang" byid: we'. Aseing nang yo' dage" voomoo" moo nyid wa zigi aca"» ga: tid.

TARHA" TID POIN" 28:10

Houg: lang" mougmyid tho' mo byumyu" dangain" gi nanu" ri Aseing wigi nya: byumyu" bui" wa shid re" khyen: yu ziri zang" myang boem lho: nanu" ri nyangnu" gyoug re" boem goo" wa.

YOSHU 9:3

Nghoid loug we' Hivi byumyu" mo Gibeon kung: bang: gi Yerikho yo' Ai voomoo" ri Yoshu koid lid lo da" khyoo: ri shau" gyo: boem ago".

TARHA" TID POIN" 2:25

Akhid" nyid" mo zi ngoo gi nanu" ri khyi' khang" moo" mo byu yi gyoug da" byumyu" bui" nhang: wa. Nanu" myeing ri tid thui: gyoo: lang" yugkhang" moo" ko' ko' gyoug nain" ri" goo" wa› ga: tid da:.

YOSHU 9:24

Nyangnu" gi «Ngoonu" hau: ziri koid bye: ludaid phoo we". Ciwim gari: mung" goin" nanu" ri byid: wa nghoid wigi nanu" shid khyoo: jhen" yhe: lo" uri hau: mung" moo nyid da" bang: dangain" ri said pyam wa nanu" Aseing Mangsoo gi nya: dei zoo: Moshe ri gyeing" nyang: amyeing" byid: too" bye: ziri ngoonu" si bye: yoomo nghoid da:. Ngoonu" gi nanu" ri gyoug yoomo he: ziri koid bye: zi nghoid. Ngoonu" kangso' shid re" ngoonu" gyoug da:.